فیصل آباد (خصوصی رپورٹ) سانگلہ ہل کی تاریخ کا انوکھا جنازہ، 107 سالہ بابا لال خان کے جنازے پر بینڈ باجا، خوشی و غمی کی ایک ساتھ دھنیں بجائی گئی۔ لواحقین اور عزیزوں نے نوٹ نچھاور کیے۔ میٹھے چاول اور مٹھائی تقسیم کی گئی ، جنازہ خوشی اور غمی کا مشترکہ یادگار بن گیا، آنسوﺅں آہوں کے ساتھ ساتھ مطمئن چہرے دعائیں کرتے رہے۔ تفصیلات کے مطابق سانگلہ ہل کے نواحی گاﺅں چک 46 چٹھہ میں مسیح برادری کا رہنما اور زندگی کی دو صدیوں کی بہاریں دیکھنے والا 107 سالہ بابا لال خان گزشتہ روز انتقال کر گیا۔ بابا لال خان کے چار بیٹوں، بہوﺅں اور 30 پوتے پوتیوں پڑپوتیوں و دیگر عزیزواقارب نے اپنے بزرگ بابا بالا خان کی موجودہ وقت میں 107 سالہ طویل عمر کے بعد انتقال پر اس کی غمی کے ساتھ ساتھ خوشی کی رسم بھی نبھائی۔
