شیخوپورہ (بیورو رپورٹ) پاکستان مسلم لیگ (ن) کے صدر ¾ سابق وزیر اعظم محمد نوازشریف نے کہا ہے کہ یہاں سب میرے دشمن بنے ہوئے ہیں ¾ یہ انتقام لینا چاہتے ہیں ¾ نوازشریف اللہ کے سوا کسی سے نہیں ڈرتا ¾ گھبرانے والا نہیں ¾ 70 سال سے جو اس ملک کے ساتھ ہوتا آرہا ہے ¾آئندہ نہیں ہونے دیں گے ¾ یہ جاری رہا تو ملک کو انتہائی خطرہ لاحق ہو جائیگا ¾آپ کے ساتھ ملکر تاریخ بدلیں گے ¾ عوام کو اپنے ووٹ کے تقدس کی حفاظت کر نا ہوگی ¾جو ووٹ مسلم لیگ (ن)کے باکس میں نہیں جائیگا وہ ووٹ کے تقدس کے خلاف جائیگا ¾ کوئی ثابت کر دے میں نے دس روپے کی رشوت لی ہے تو ساری عمر کےلئے ریٹائرڈ ہو جاﺅنگا ¾عوام پوچھیں نوازشریف کو کیوں نکالا ؟ پاکستان کے اندر انقلاب برپا ہونے جارہاہے ¾پی پی پی اور لاڈلے کی پارٹی سے کسی ایک منصوبے کا نام پوچھو جو انہوں نے مکمل کیا ہو، خیبرپختون خوا ٹوٹا پھوٹا ہے، پشاور اور کراچی میں ہر طرف گندگی اور کچرا ہے ¾2018 کے انتخابات میں امپائروں کی انگلیوں والوں کے ڈبے خالی رہیں گے۔ اتوار کو یہاں جلسہ عام سے خطاب کرتے ہوئے سابق وزیر اعظم نوازشریف نے کہاکہ میں کیا منظر دیکھ رہا ہوں ¾ آپ نے تمام سابقہ ریکارڈ توڑ ڈالے ہیں ¾آپ کو مبارکباد دیتا ہوں ۔ نوازشریف نے کہاکہ نظر آرہا ہے کہ آئندہ الیکشن میں انشاءاللہ شیخوپورہ لودھراں سے بھی آگے چلا جائیگا ۔ انہوںنے کہاکہ نوازشریف آج وزیر اعظم نہیں ہے جس طرح آپ نے استقبال کیا اس کی مثال پہلے نہیں دیکھی ¾آپ نے نوازشریف کو سر پر بٹھا لیا ہے ¾ کس منہ سے آپ کا شکریہ ادا کروں ¾ جو پیار شیخوپورہ نے نوازشریف کو دیا ہے اس پر ساری عمر نوازشریف خدمت کرتا رہے گا انشاءاللہ نوازشریف آپ کو کبھی مایوس نہیں کریگا ۔ نوازشریف نے کہاکہ آج ایک نا اہل وزیر اعظم کا اتنا استقبال کیا ہے ¾ میں نا اہل ہوں ¾ مجھے نا اہل کر دیا گیا ہے ۔ اس موقع پر نوازشریف نے سوال کیا کہ مجھے آپ نے کتنے سالوں کےلئے وزیر اعظم منتخب کیا تھا ؟جس پر شرکاءنے جواب دیا پانچ سالوں کےلئے منتخب کیا تھا ۔نوازشریف نے کہا کہ مجھے پانچ سال پورے نہیں کر نے دیئے گئے ¾ 1990ءمیں کتنے سالوں کےلئے منتخب کیا تھا جس پر شرکاءنے پھر کہا پانچ سالوں کےلئے منتخب کیا جس پر نوازشریف نے کہا کہ دو سال کے بعد چھٹی ہوگئی ۔نوازشریف نے سوال کیا کہ 1997میں کتنے سالوں کےلئے منتخب کیا تھا جس پر شرکاءنے جواب دیا پانچ سالوں کےلئے منتخب کیا تھانوازشریف نے کہا کہ تین سالوں کے بعد چھٹی ہوگئی ۔انہوںنے کہاکہ نوازشریف کو جلا وطن کر دیا گیا ¾دیس نکالا دے دیاگیا ¾ نوازشریف کو گرفتار کیا گیا ¾ کال کوٹھڑی میں ڈالا گیا ¾ اٹک کے قلعے میں بند کر دیا گیا ¾ہتھکڑیاں لگائی گئیں ۔ایسا کیوں ہوا ؟انہوںنے کہا کہ مجھے سمجھ آتی ہے جیل میں کیوں ڈالا گیا ¾ ملک بدر کر نے کی سمجھ آتی ہے ¾ ہتھکڑیاں لگانے کی سمجھ آتی ہے کیونکہ نواز شریف نے پاکستان کو ایٹمی قوت بنایا اس لئے مجھے نکالا گیا انہوںنے کہاکہ 1990ءمیں موٹر وے بنارہا تھا پاکستان ترقی کی ترقی کےلئے دن رات کام کررہا تھا جس پر مجھے نکال دیا گیا ۔ نوازشریف نے کہا کہ پیپلز پارٹی اور لاڈلے کی پارٹی سے پوچھیں یا کسی بھی پارٹی سے پوچھیں کہ انہوںنے کوئی ایک منصوبہ بنایا ہو ¾ ایک منصوبے کا نام بتا دیں جو انہوںنے شروع کیا ہو یا مکمل کیا ہو ۔نوازشریف نے کہا کہ کونسا کا پیپلز پارٹی نے ملک کےلئے منصوبہ بنایا ہے ¾ کسی اور پارٹی کا نام بتائیں جس نے بڑا منصوبہ بنایا ہو ¾ پاکستان پر موٹر وے کس نے بنایا ؟ بجلی کی لوڈشیڈنگ کو کس نے ختم کیا ؟ پاکستان کے اندر دہشتگردی کو کس نے ختم کیا ؟ پاکستان کے اندر کراچی میں امن کس نے بحال کیا ؟ آج ہسپتال کون بنا رہا ہے ؟ سکول اور کالج کون بنارہا ہے ۔انہوںنے کہاکہ پیپلز پارٹی والو تم نے اس ملک کے اندر اندھیرے کر دیئے ¾ملک کو اندھروں میں غرق کر دیا ہم اندھیروں کو ختم کر کے روشنیاں واپس لیکر آئے ہیں ¾ آج کے پی کے کا حال دیکھیں ¾ پورا کھودا ہوا ہے ¾ پشاور میں مٹی اور گرد ہے ¾ کچرہ اور گند ہے کراچی میں بھی یہی حال ہے ¾اللہ کے فضل و کرم سے شہباز شریف کو شاباش دیتا ہوں جس نے ترقیاتی کاموں کا انبار لگا دیا¾ آج لاہور کو پاکستان کا خوبصورت ترین شہر بنادیا ہے ¾ شیخوپورہ میں ہسپتال بن رہے ہیں ¾سڑکیں بن رہی ہیں ¾ کسانوں کےلئے کھاد سستی کر دی ہے ¾ بجلی کے ریٹ کم ہورہے ہیں ¾ ملک ترقی کے عروج پر جارہا تھا ¾آج پھر نوازشریف کو فارغ کر دیا ہے ¾ نوازشریف نے پاکستان کے اندر لوڈشیڈنگ کا خاتمہ کیا انہوںنے کہاکہ نوازشریف نے سی پیک پر کام شروع کیا ¾ ملک میں 56ارب ڈالر کی سرمایہ کاری ہورہی ہے انہوںنے کہا کہ مجھے لگتا ہے امپائر کی انگلی کہنے والوں کو خدا حافظ کہنے کا وقت آگیا اور 2018 کے انتخابات میں امپائروں کی انگلیوں والوں کے ڈبے خالی رہیں گے ¾پیپلز پارٹی کو آپ نے ویسے ہی خدا حافظ کہہ دیا ہے ¾ انگلی والوں کوبتاﺅ اس کو ہم نے ریفرنڈم بنانا ہے ۔ نوازشریف نے کہاکہ مجھے آپ پر ناز اور فخر ہے انہوںنے کہاکہ سارا معاملہ کدھر جائیگا ¾ جذبہ کدھر جائیگا ¾ یہ پاکستان کے اندر انقلاب برپا ہونے جارہاہے آپ کے ساتھ ملکر پچھلے ستر سالوں کا حساب لینگے ¾ جو ظلم اور زیادتی ہورہی ہے جس کا میںاور آپ بھی نشانہ بن رہے ہیں ۔ سابق وزیر اعظم نے کہا کہ نوازشریف سوائے اللہ تعالیٰ کی ذات سے کسی سے نہیں ڈرتا ¾ عوام کی خدمت کر نا جانتا ہے ¾ ستر سال کی تاریخ کو بدلیں گے ¾ آپ کےساتھ ملکر بدلونگا ¾ انشاءاللہ بدلیں گے ¾ اگر یہ جاری رہا تو اس ملک کو انتہائی خطرہ لاحق ہو جائیگا ۔ نوازشریف نے کہا کہ آپ امن اور خوشحالی چاہتے ہیں ¾ ترقی چاہتے ہیں ¾ نو جوانوں کے ہاتھوں صرف ڈگریاں نہیں با عزت ر وز گار چاہتے ہیں ¾ پاکستان کے اندر صفائی ¾ ہسپتال ¾ یونیورسٹیاں ¾ تعلیم ¾ صحت ¾ اندھیرے چاہتے ہیں یا روشنیاں چاہتے ہیں جس پر شرکاءنے جواب دیا روشنیاں چاہتے ہیں نوازشریف نے کہا کہ تو پھر ووٹ کو عزت دینا ہوگی¾ کسی کی جرات نہیں ہونی چاہیے کہ آپ کے ووٹ کو پاﺅں تلے روندے ¾ ووٹ کا احترام سب کو کر نا چاہیے ¾ یہ نہیں ہوسکتا کہ بیس کروڑ عوام کسی کو وزیر اعظم منتخب کرینگے اور چند لوگ وزارت عظمیٰ سے فارغ کر دیں ¾ کیا یہ آپ کو منظور ہے جس پر شرکاءنے نا منظور کے نعرے لگائے ۔ نوازشریف نے کہا کہ آپ کو ووٹ کے تقدس کی حفاظت کر نا پڑےگی ¾ آپ کے ووٹ کے ساتھ جو سلوک ہوا ہے نوازشریف کو بیٹے سے تنخواہ نہ لینے پر نااہل قرار دیدیا گیا ہے کیا یہ آپ کو منظور ہے ¾ یہ ایسا کیوں ہوا ؟کیوں نواز شریف کو نکالا گیا ؟اس موقع پر نوازشریف نے ہاتھ میں دس روپے سے لیکر پانچ ہزار روپے نوٹ لہراکر کہا کہ کوئی ثابت کر دے میں نے دس روپے کی رشوت یا کمیشن لیا ہو تو ساری عمر کےلئے ریٹائر ڈ ہو جاﺅنگا انہوںنے کہاکہ نوازشریف پر ایسا کوئی الزام نہیں کسی سے جا کر پوچھ لیں انہوںنے کہاکہ آپ پوچھیں پھر نوازشریف کو کیوں نا اہل قرار دیا ہے ۔ نوازشریف نے کہاکہ میں کس طرح سے آپ کا شکریہ ادا کروں ¾ اللہ تعالیٰ ہمارے ساتھ ہے جنہوںنے مجھے نا جائر نا اہل قرار دیا ہے ان سے 2018ءسے بدلہ لینا ہے ¾ جو ووٹ مسلم لیگ (ن)کو نہیں جائیگا وہ آپ کے ووٹ کے تقدس کے خلاف جائیگا آپ نے ثابت کر نا ہے شیخوپورہ آج جو کہہ رہا ہے ایک ایک لفظ پر عمل کریگا کیا میں آپ کے نمائندوں کو پیشگی مبارکباد ے دوں ¾آج آپ کو دعائیں دیکر جارہا ہوں آپ نے نوازشریف کا مان رکھا ہے ¾ نوازشریف کو دوبارہ جب بھی اللہ لائےگا دن دوگنی اور رات چگنی خدمت کریگا ۔نوازشریف نے کہا کہ ہم بھی پیچھے ہٹنے والے نہیں ¾ ہم بھی فولادی بازو رکھتے ہیں ¾ ستر سال سے جو اس ملک کے ساتھ ہوتا رہا ہے ¾آئندہ وہ نہیں ہونے دینگے ¾ قوم نوازشریف کے ساتھ ملکر یہ وعدہ کررہی ہے ¾ مجھے بتائیں میں ٹھیک کہہ رہا ہوں جس پر شرکاءنے ہاں میں جواب دیا تو نوازشریف نے کہا کہ پھر ہم قدم سے قدم ملا کر چلیں گے ¾ یہاں سب میرے دشمن بنے ہوئے ہیں ¾ان کو مجھ بڑا غصہ ہے ¾ یہ انتقام لینا چاہتے ہیں ¾ مشکل وقت اگر اتا ہے تو نوازشریف گھبرانے والانہیں ہے ¾ آپ کا دامن نہیں چھوڑےگا مجھے امید ہے آپ بھی کبھی نوازشریف کا دامن نہیں چھوڑینگے ¾ ہم ملکر پاکستان کی قسمت بدلیں گے۔
