راولپنڈی (ویب ڈیسک) پاک فوج کے ترجمان میجرجنرل آصف غفور نے بتایاکہ بھارت کا پاکستان کا شکر گزار ہونا چاہیے‘ اپنا کردار اد ا نہ کرتے تو دہشت گردی کی جنگ بھارت تک پہنچ جاتی۔انہوں نے بتایا کہ 948 بار سیزفائرمعاہدےکی خلاف ورزی ہوچکی ہے‘ بھارت کی شرانگیزی سے خطے میں امن کی صورتحال خراب ہونےکااندیشہ ہے‘ بھارت کو شہری آبادی کو نشانہ بنانےکاسلسلہ ختم کرناچاہیے۔ ڈی جی آئی ایس پی آر میجر جنرل آصف غفور نے صحافیوں سے گفتگو کرتے ہوئے کہا کہ بریفنگ میں ملکی اور سرحدی صورتحال پر بات کروں گا‘ ملک میں اکانومی کی صورتحال بہتر بنانے کی ضرورت ہے۔انہوں نے کہا کہ گزشتہ ہفتہ واقعات کے حساب سے بھرپور تھا‘ ۲۳ مارچ کو اسلام آباد میں شاندار پریڈ کا انعقاد ہوا‘ لاہور میں پی ایس ایل کے پلے آف میچز اور کراچی میں فائنل کا شاندا ر انعقاد ہوا‘ پریڈکےلئے اسلام آبادپولیس وردیگراداروں کاشکرگزارہوں،کراچی میں فائنل میں پاکستان زندہ بادکانعرہ لگتارہا۔ڈی جی آئی ایس پی آر کا یہ بھی کہنا تھا کہ دہشت گردی میں عالمی فوج کےخلاف بھرپورکرداراداکیا‘ پاکستان نے بفر اسٹیٹ کا کردار ادا کیا ہے۔ان کا کہناتھا کہ خواہش ہے سی پیک کوکامیاب بنائیں ‘ پاکستان کردارادانہ کرتاتوچین اورامریکامیں تعلقات قائم نہ ہوتے۔ ڈی جی آئی ایس پی آر نے یہ بھی کہا کہ خطے کے ممالک کوپاکستان کوساتھ لے کر چلنے کی ضرورت ہے۔

اسلام آباد (ویب ڈیسک) چیئرمین سینیٹ اور ڈپٹی چیئرمین سینیٹ کا انتخاب ہارنے والی مسلم لیگ ن کو سینیٹ میں ایک اور زور دار جھٹکا لگ گیا، الیکشن کمیشن کے بعد سینیٹ سیکرٹریٹ نے بھی آزاد سینیٹرز کی حکمران جماعت میں شمولیت کی درخواستیں مسترد کردی ہیں۔نجی ٹی وی دنیا نیوز نے ذرائع کے حوالے سے دعویٰ کیا ہے کہ ن لیگ میں شمولیت سے متعلق آزاد سینیٹرز کی درخواستیں مسترد کردی گئی ہیں، الیکشن کمیشن کے بعد سینیٹ سیکریٹریٹ نے بھی آزاد سینیٹرز کو مسلم لیگ ن میں شمولیت کی اجازت نہ دینے کا فیصلہ کیا ہے۔ آزاد سینیٹرز کو مسلم لیگ ن میں شمولیت کی اجازت نہ ملنے کے بعد ایک بار پھر 20 ارکان کے ساتھ پیپلز پارٹی سینیٹ کی سب سے بڑی جماعت بن گئی ہے جبکہ حکمران جماعت مسلم لیگ ن 17 سینیٹرز کے ساتھ دوسری بڑی جماعت کے درجے پر آگئی ہے۔ مسلم لیگ ن میں شمولیت کی اجازت نہ ملنے کے باعث سینیٹ میں آزاد ارکان کی تعداد 33 ہوگئی ہے، تحریک انصاف 12 ارکان کے ساتھ تیسری بڑی جماعت بن کر سامنے آئی ہے۔