لاہور (خصوصی رپورٹ)مسلم لیگ ق نے این اے 120 کے ضمنی الیکشن میں تحریک انصاف کی حمایت کا اعلان کیا ہے۔ یہ اعلان گزشتہ روز چودھری پرویزالٰہی اورچودھری محمد سرور کے درمیان ہونے والی ملاقات میں کیا گیا۔ ملاقات کے بعد مشترکہ پریس کانفرنس سے خطاب کرتے ہوئے پرویزالٰہی نے کہا ہے کہ ن لیگ نے دھاندلی کے بغیر آج تک انہوں نے کوئی الیکشن نہیں جیتا، شہبازشریف نے سانحہ ماڈل ٹاﺅن پر خودباقرنجفی کمیشن بنایا تھااس کی رپورٹ اس لیے دبارہے ہیں کہ انہیں پھانسی کا پھندا نظرآتا ہے۔ چودھری سرور نے پی ٹی آئی کے امیدوار کی حمایت پر چودھری شجاعت، پرویزالٰہی سے دلی تشکر کا اظہار کرتے ہوئے کہا کہ ہم پرویزالٰہی کے ممنون ہیں کہ انہوں نے ہماری درخواست پر کامل علی آغا کو ہمارے لیے انتخابی سرگرمیاں ادا کرنے کیلئے کہا ہے۔ الیکشن کمیشن ہماری شکایات پر توجہ نہیں دے رہا۔

لاہور(مانیٹرنگ ڈیسک)لاہور کے ضمنی انتخابی حلقے میں صفائی کے ناقص انتظامات پر پیپلزپارٹی کے امیدوار فیصل میر نے احتجاج کا انوکھا انداز اختیار کر لیا، حلقے کی سڑکوں کی صفائی کے لئے خود جھاڑو اٹھا کر میدان میں آ گئے، فیصل میر کا کہنا تھا کہ مسلم لیگ ن نے حلقے کو کوڑے کا ڈھیر بنا دیا ہے۔ ضمنی انتخاب کا میدان دلچسپ مناظر پیش کرنے لگا۔ این اے 120 میں صفائی کی صورتحال پر پیپلز پارٹی کے امیدوار نے احتجاج کا انوکھا طریقہ اختیار کیا۔ پیپلز پارٹی کے امیدوار فیصل میر احتجاجاً خود صفائی مہم میں پر نکل پڑے۔ فیصل میر نے حلقے کی گلیوں میں جھاڑو مہم شروع کر دی۔ خود بھی کوڑا اٹھایا۔ پیپلز پارٹی کے امیدوار کا کہنا تھا کہ ن لیگ نے این اے 120 کو کوڑے کا ڈھیر بنا دیا ہے۔دوسری طرف پولیس نے پیپلز پارٹی کے امیدوار فیصل میر کو سکیورٹی فراہم کر دی ہے۔ فیصل میر کی سکیورٹی پر چھ پولیس اہلکار تعینات کر دیئے گئے ہیں۔

لاہور (خصوصی رپورٹ) بے ہنگم ٹریفک، پریشر ہارنز، جنریٹرز اور انڈسٹری کا شور، لاہوریوں کو بہرہ کرنے لگا، انسانی کان 70 سے 75 ڈیسی بل تک شور کی برداشت رکھتے ہیں کہ اس سے زیادہ شور سماعتوں کو بری طرح متاثر کرتا ہے، اس حوالے سے اگر لاہور کی صورتحال دیکھی جائے، اچھرہ، ریلوے سٹیشن، مزنگ، شالامار اور دیگر متعدد علاقوں میں شور کی سطح 80 سے 90 ڈیسی بل تک پہنچ چکی ہے۔

منڈی شاہ جیونہ (نمائندہ خبریں) سکول ٹیچر نے معصوم طالبہ کے سر میں ڈنڈا مار کر موت کی کشمکش میں ڈال دیا اور آنکھوں کی بینائی سے بھی محروم کر دیا والدین کا وزیر اعلیٰ پنجاب سے فوری نوٹس لینے کامطالبہ ۔تفصیل کے مطابق شاہ جیونہ سٹی ماڈل سکول میں زیر تعلیم چھ سالہ مصباح معصوم طالبہ پر چھٹیوں سے چند دن قبل بے رحم اور قصائی نما سکول ٹیچر (ن)نے بطور سزا معصوم طالبہ کو سر میں ڈنڈا مارا اور زخمی کر دیا جس سے لہو لہان بے ہوش معصوم بچی کو نزدیکی ہسپتال لے گئے جہاں ڈاکٹر نے بچی کو تشویشناک حالت میں ڈی ایچ کیو جھنگ ریفر کر دیا بچی کی حالت مزید تشویشناک ہو گئی جہاں سے بچی کو چلڈرن ہسپتال لاہور ریفر کر دیا گیا چلڈرن ہسپتال کے ڈاکٹروں نے بچی کے والدین کو بتایا کہ سر میں چوٹ لگنے سے بچی کے سر میں خون اکٹھا ہوا اور یہ خون رسولی کی شکل اختیار کر گیا ہے ڈاکٹروں نے معصوم بچی کے سر میں ہونےو الی رسولی کا اپریشن تو کر دیا مگر بچی بے ہوشی کی حالت میں موت کی کشمکش میں ہے جو اب بھی چلڈرن ہسپتال میں زیر علاج ہے بچی کے والدین نے وزیر اعلیٰ پنجاب سے فوری نوٹس لینے کا مطالبہ کیا ہے ۔

لاہور(کرائم رپورٹر)میچ پر جوائے کروانے والے لاہور کے بکیوں میں قلعہ گجر سنگھ کا سلمان ،ماجد ،سلیمان اور منیب ۔لٹن روڈ چوبرجی کے علاقہ میں شاہد محمود عرف شادا۔گڑھی شاہو برنی روڈکے علاقے میں منیر ، مرزا آفتاب ، رضوان ، شاہد اور وسیم جبکہ لارکس قالونی کے علاقے میں محمد علی عرف گوگا اور امین ۔فےکٹری اےرےا ستارہ کالونی کے علاقے میں سلیم عر ف شاہ ،کرامت ، امانت ،عثمان ،عاطف جبکہ پل بندیاں والا کے قریب محمد عمران ، امجد علی ، محمد حمید ، چاند ، شوکت علی ، نذیر احمد ، محمد عامر ، مبین اور محمد میراج ۔اسلام پورہ ابدالی چوک کے علاقہ میں عثمان ، سمیع ، خالد، صفدر ،طارق، محبوب ،منصور ،فخر ،کریم جمشید ورعمران ۔گجر پورہ شیر شاہ روڈ کے علاقہ میںعامر، عبدالرحمن اورعمران۔ہنجروال مرغزار کالونی کے علاقہ میں وسیم شاہد،علی اور پرویز ۔شادباغ اقبال روڈ کے قریب عمیر، ہارون اور تحسین ۔چوہنگ EME سوسائٹی میں رضوان، عمیر زاہد، سلطان، ذیشان، ولید اور عارف سعید ۔ہربنس پورہ چمن پارک کے قریب بلال،اللہ دتہ، جابر اوروقار، ہربنس پورہ لال پُل کے قریب محمد کریم، عبدالخالق ، انصر، محمد حسین، نیامت، ندیم، اشتیاق، محمد عامر، آصف، شفیق، شاہد، رﺅف، جاوید، کاظم اور شوکت،ہربنس پورہ مراد پورہ کے علاقہ میںشفیق عرف شیشہ اور قیصر رحمان جبکہ ہربنس پورہ فیاض کالونی کے علاقے میں میاں احسن ، اختر اور عرفان ۔اقبال ٹاﺅ ن کشمیر بلا ک میں ندیم اورواجد جبکہ راوی بلا ک کے علاقہ میں ایم علی شاہ اورشیخ ذولفقارمیچ فکسنگ کا مکروہ دھندہ کر رہے ہیں اور سابقہ ریکارڈ یافتہ بھی ہیں لیکن اس کے باوجود پولیس ان ملزمان کے خلاف کاروائی سے گریزاں ہے ۔

فیصل آباد (خصوصی رپورٹ) بابائے قوم، بانی پاکستان اورملک کے پہلے گورنر جنرل قائد اعظم محمد علی جناحؒ کا 69 واں ےوم وفات ۱ٓج 11ستمبر انتہائی عقیدت و احترام سے منایا جائے گا۔ بابائے قوم 25دسمبر 1876ءکو پیدا ہوئے اور 11ستمبر 1948ءکواپنے مالک حقیقی سے جا ملے ۔ وہ 14اگست 1947ءکو قیام پاکستان کے بعد 15اگست 1947ءکو پاکستان کے پہلے گورنر جنرل بنے اور ےوم وفات کے روز 11ستمبر 1948ءتک اسی عہدے پر فا ئز رہے۔ قائد اعظم محمد علی جناح 15اگست 1947ءسے 11ستمبر 1948ءتک دستور ساز اسمبلی کے صدر بھی رہے ۔۱ٓج( پیر) مختلف تقریبات میں انہیں بھر پور طریقے سے خراج عقیدت پیش کیا جائے گا اور اس موقع پر قرآن خوانی و فاتحہ کا بھی اہتمام کیا جائے گا جس میں تحریک پاکستان کے شہداءاور غازیوں سمیت ملک و قوم کی خوشحالی ، استحکام و فلاح کےلئے خصوصی دعائیں بھی مانگی جائیں گی۔اس موقع پر الیکٹرانک میڈیا خصوصی پروگرامات نشر کرے گا جبکہ پرنٹ میڈیا میں بھی خاص مضامین کی اشاعتوں کا اہتمام کیا جائے گا۔

قصور (بیورو رپورٹ) تھانہ بی ڈویژن کے علاقہ میں آج صبح پرائیویٹ سکول کے مالی نے بدچلنی کے شبہ پر بیوی اور تین بیٹیوں کو ٹوکے کے وار کرتے ہوئے قتل کردیا۔ ماں بیٹیوں کی لرزہ خیز واردات کے بعد علاقہ میں شدید خوف و ہراس پھیل گیا۔ اطلاع ملنے پر پولیس نے نعشیں قبضہ میں لے لیں جبکہ ملزم آلہ قتل سمیت تھانے پہنچ گیا۔ بتایا گیا ہے کہ تھانہ بی ڈویژن کے علاقہ بستی صابری کا رہائشی حنیف نامی شخص مقامی سکول میں مالی ہے اور اس کو اپنی بیوی کے کردار پر شبہ تھا‘ جس بنا پر اکثر میاں بیوی کے درمیان جھگڑا بھی رہتا۔ رات گئے اس نے موقع پا کر کمرے میں سوئی اپنی بیوی شاہدہ بی بی‘ 16 سالہ بیٹی لائبہ‘ 14 سالہ طیبہ اور 8 سالہ ثمر کو تیز دھار آلے کے وار کرتے ہوئے موت کی نیند سلا دیا۔ گھر سے چیخ و پکار کی آوازیں آنے پر اہل محلہ کی بڑی تعداد جمع ہوگئی جبکہ واقعہ کے بعد ملزم آلہ قتل سمیت تھانے پیش ہوگیا جبکہ واقعہ کی اطلاع ملتے ہی پولیس کی بھاری نفری بھی موقع پر پہنچ گئی‘ جنہوں نے موقع سے تمام شواہد اکٹھے کرنے کے بعد نعشیں قبضہ میں لے لیں۔

لاہور(ویب ڈیسک)پاکستان کرکٹ ٹیم اور ورلڈ الیون کے درمیان پہلا میچ کل (بروز منگل) ہونے جا رہا ہے اور ایسے میں سب کی نظریں دنیا بھر میں پاکستان کرکٹ کو زندہ رکھنے والے ان کرکٹ لیجنڈز پر بھی لگی ہے جنہیں پی سی بی نے یہ میچ دیکھنے کی دعوت دے رکھی ہے۔
پاکستان کو ورلڈکپ جتوانے والے عمران خان کو بھی پی سی بی کی جانب سے میچ دیکھنے کیلئے قذافی سٹیڈیم آنے کی دعوت دی گئی ہے مگر ان کے مداحوں کیلئے افسوسناک خبر یہ ہے کہ وہ قذافی سٹیڈیم میں غیر ملکی اور پاکستان کرکٹ ٹیم کے موجودہ ستاروں کو تو ایکشن میں دیکھ سکیں گے مگر عمران خان کو سٹیڈیم میں دیکھنے کی خواہش ادھوری رہ جائے گی۔
ذرائع کے مطابق عمران خان پاکستان میں موجود نہیں ہیں کیونکہ وہ پانچ سے سات روزہ دورے پر لندن روانہ ہو چکے ہیں جس کے باعث قذافی سٹیڈیم میں آنے والے افراد انہیں نہیں دیکھ سکیں گے۔ یہ تفصیلات منظرعام پر آنے کے بعد سے کرکٹ شائقین بالخصوص عمران خان کے مداح کافی افسردہ دکھائی دے رہے ہیں۔

حیدر آباد(ویب ڈیسک)پیپلزپارٹی کے رہنما مولا بخش چانڈیو نے کہا ہے کہ مریم نوازکے مقدر میں بے نظیر بھٹو بننا نہیں ہے،کیونکہ انہیں بینظیربھٹوبننے کیلئے بڑے پاپڑبیلنے پڑیں گے،مولابخش چانڈیوکا کہنا تھا کہ مریم بی بی آپ انتخاب لڑیں، بی بی کا مقابلہ نہ کریں، بے نظیرعوام کی محبوب قائد تھیں ،آپ ان کا مقابلہ نہ کریں، میڈیا سے گفتگو کرتے ہوئے پیپلزپارٹی کے رہنما نے کہا کہ بزدل حکمران اداروں کے سہارے حکومت کرتے رہے ہیں،ایک فیصلہ خلاف آیاتوکہتے ہیں بینظیربھٹوکوانصاف نہیں ملا، انہوں نے کہا کہ آصف زرداری کومیاں صاحب کے بنائے جھوٹے کیسزمیں جیل کاٹنی پڑی،آپ نے جوفصل بوئی ہے وہ ابھی پوری نہیں کٹی،مولا بخش چانڈیو نے کہا کہ میاں صاحب کوسعودیہ جاکرسمجھ آیاوہ بھٹونہیں بن سکتے،پی پی رہنما نے کہا کہ عمران خان کوسندھ فتح کرنے کابڑاشوق ہے،خان صاحب وزیربن سکتے ہیں،قائدبنناآپ کے مقدرمیں نہیں۔