ممبئی(شوبز ڈیسک ) بالی و وڈ ہدایتکارہ فرح خان نے کہا ہے کہ کنگنا رناوت خاتون ہونے کا فائدہ اٹھانا بند کریں ان کی ایسی حرکتوں کی وجہ سے خواتین کے حقیقی مسائل پس پشت جا رہے ہیں۔بھارتی میڈیا کے مطابق فرح خان کا اپنے ٹی وی شو ”لپ سنگھ بیٹل“ کے لانچ تقریب کے دوران کہناتھا کہ میری نظر میں مردوں اور عورتوں کے ساتھ برابر سلوک ہونا چاہیے اگر کوئی مرد کسی عورت کو حراساں کرتا ہے تو وہ جیل جاتا ہے اور اگر کوئی عورت ایسا کرے تو اس کے خلاف بھی کارروائی عمل میں لانی چاہیے۔انہوں نے کہا کہ مجھے ذاتی طور پر ایسے کسی مسئلے کا سامنا نہیں کرنا پڑا لیکن یہ ایک سنجیدہ مسئلہ ہے اور کئی خواتین کو ایسے مسائل کا سامنا کرنا پڑتا ہے ۔

ممبئی(شوبزڈیسک )نامور بالی ووڈ اداکار وپروڈیو سراورسلمان خان کے چھوٹے بھائی ارباز خان کو اپنی اہلیہ ملائکہ اروڑا سے علیحدگی کے بعد پچھتاوے کا احساس ہونے لگا۔بالی ووڈ کے ناموراداکاراربازخان اوران کی سابقہ اہلیہ ملائکہ اروڑا المعروف ”منی“ کے درمیان گزشتہ برس باہمی رضامندی کے ساتھ 16 سالہ رفاقت کا خاتمہ ہوگیا تھا دونوں ایک دوسرے کے ساتھ خوشگوارزندگی گزاررہے تھے کہ اچانک علیحدگی کی خبروں نے جہاں ان کے مداحوں کو مایوس کیا وہیں ارباز کے گھر والے خاص طور پر سلمان خان بہت پریشان ہوگئے اور انہوں نے دونوں کے درمیان معاملات سلجھانے کی بھی کوشش کی لیکن ارباز اور ملائکہ اپنے فیصلے پر ڈٹے رہے۔تاہم اب علیحدگی کے ایک سال بعد ارباز خان کو اچانک پچھتاوے کا احساس ہونےکے ساتھ اپنے 14 سالہ بیٹے آرہان خان کی فکر بھی ستانے لگی۔، بھارتی میڈیا کے مطابق ارباز خان نے حال ہی میں بیان دیا ہے کہ میں نے ملائکہ سے علیحدگی کے وقت صرف اپنے آپ کو اور اپنے اوپر گزرنے والے حالات کو دیکھا یہ نہیں سوچا کہ ہمارا ایک 14 سالہ بیٹا ہے جس نے اپنے والدین کو الگ ہوتے ہوئے دیکھااور اس کا بہت برا اثرہمارے بیٹےپر پڑا، اب جب ہم دونوں کے درمیان علیحدگی ہوچکی ہے آرہان کو ایسے ماحول اور گائیڈنس کی ضرورت ہےجو اسے ان سب سے نکلنے میں مدد کرے۔ارباز نے مزید کہا کہ علیحدگی کے باوجود میرا اور ملائکہ کا رشتہ بہت اچھا ہے میری سب سے پہلی ترجیح میرا بیٹا ہے اور میں اسے اچھا ماحول دینے کے لیے کچھ بھی کروں گا۔دوسری جانب ملائکہ اروڑا کا کہنا ہے کہ علیحدگی کے باوجود اربازآج بھی میری زندگی کا حصہ ہے وہ میرے بیٹے کا باپ ہے اور یہ حقیقت راتوں رات نہیں بدل سکتی ہمارے درمیان جو بھی ہوا وہ ہمارا ذاتی مسئلہ ہے لیکن اس کا اثر ہم ہمارے بیٹے پر نہیں پڑنے دیں گے، حیرت ہے ملائکہ اورارباز نے یہ سب علیحدگی سے پہلے کیوں نہیں سوچا اور طلاق کے ایک سال بعد اچانک دونوں کے دل میں اپنے بیٹے کی محبت کیسے جاگ اٹھی۔واضح رہے کہ دونوں کی طلاق کے پیچھے کیا وجہ تھی فی الحال یہ بات تو سامنے نہیں آئی ہے لیکن اداکارارجن کپوراورملائکہ اروڑا کے درمیان بڑھتی نزدیکیوں کو دونوں کے درمیان علیحدگی کی وجہ قراردیا جارہا تھا۔

لاہور (شوبز ڈیسک) نامور گلوکارہ سائرہ نسیم نے کہا ہے کہ میڈم نور جہاں کا انداز گائیکی بہت پسند ہے اور میں ان کو اپنا روحانی استاد بھی مانتی ہوں ، بے سرے اور سفارشی گلوکاروں کی وجہ سے خالص میوزک سننے والوں کی تعداد میں دن بدن کمی ہوتی جا رہی ہے جو بڑی تشویشناک بات ہے ۔ انہوں نے میڈیاسے خصوصی گفتگو کرتے ہوئے کہا کہ ہم نے سینئر استادوں سے باقاعدہ میوزیک کی بنیادی تعلیم حاصل کرنے کے بعد گلوکاری کے میدان میں قدم رکھا تھا مگر آج کے گلوکار میوزیک کی الف ب سے بھی واقفیت نہیں ہے جس کے پاس دولت ہوتی ہے وہ پیسے کے بل بوتے پر نت نئے گانے بنا کر ٹی وی چینل پر قسمت آزمائی کے لئے پہنچ جاتا ہے ۔ سائرہ نسیم نے کہا کہ جب سننے والوں کو اچھا میوزک نہیں ملے گا تو لازمی بات ہے کہ لوگوں کا میوزک سے دل اٹھ جائے گا ، ان باتوں کی وجہ سے سینئر گلوکار بھی سوچنے پر مجبور ہو گئے ہیں ،ضرورت اس بات کی ہے کہ نئے گلوکاروں کو اچھے استادوں سے میوزک کی بنیادی تعلیم دلائی جائے تاکہ سننے والوں کو اچھا اور معیاری میوزک سننے کو مل سکے ۔ انہوں نے کہا کہ مجھے نور جہاں کا انداز گائیکی بہت پسند ہے میں انکو اپنا روحانی استاد مانتی ہوں ۔

لاہور(شوبزڈیسک)پاکستان فلم انڈسٹری کے ماضی کے نامور اداکار مصطفی قریشی نے کہا ہے کہ اب وہ دور گزر گیا ہے اس لئے پہلے جیسی نایاب اور کامیاب پنجابی فلمیں نہیں بنائی جاسکتیں ۔ان کا کہنا ہے کہ اب پاکستانی فلموں کی کامیابی کیلئے سرمایہ کاری اور اچھے فلم میکرز کی اشد ضرورت ہے جو معیاری فلمیں بناکر انڈسٹری کو اپنے پاﺅں پر دوبارہ کھڑا کرسکیں۔اداکار نے ایک سوال کے جواب میں کہا کہ میری یہ دلی خواہش ہے کہ پاکستان کی فلم انڈسڑی بھی بھارت کی فلم انڈسڑی جیسی شاد آباد ہوجائے۔تفصیلا ت کے مطابق مصطفی قریشی نے کہا ہے کہ اس میں کوئی شک نہیں کہ پاکستانی کسی بھی شعبے میں اگر محنت اور ایمانداری سے کام کر یں تو ان کو دنیا کی کوئی طاقت شکست نہیں دے سکتی ۔مگر اس کیلئے ہمیں سب سے زیادہ سر مایہ کاری کی ضرورت ہے جسکے لیے شوبز سے وابستہ لوگوں کو آگے آنا ہوگا۔