بھارت جاکر کبھی گانے کی خواہش نہیں رہی

لاہور(شوبزڈیسک) پاکستان کے نامور گلوکار وارث بیگ نے کہا ہے کہ صرف اپنے ملک کیلئے گلوکاری کی بھارت کیلئے گانے کی کبھی خواہش نہیں رہی کیونکہ میرے لیے سب سے پہلے پاکستان ہے۔ ایک انٹرویو میں انہوں نے کہاکہ میں نے جتنا بھی گایا ہے وہ پاکستان اوراس کے عوام کیلئے گایا اس کے علاوہ کسی دوسرے ملک بالخصوص بھارت میں جاکر گانے کی خواہش کا کبھی اظہارتک نہیں کیا کیونکہ میں چاہتا ہوں کہ اپنے پاکستانی فینز کیلئے گانا گاﺅں۔ایک سوال کے جواب میں انہوں نے کہاکہ بھارت سے بے شمار آفرز بھی آتی رہتی ہیں مگرجہاں ملک کی عزت اور وقار کی بات آئے وہاں کسی بھی صورت ہم ترچھی آنکھ برداشت نہیں کرسکتے، ہمارے لیے سب سے پہلے پاکستان ہے ایک اورسوال کے جواب میںانہوں نے کہاکہ پاکستان کے فنکاروں نے ثابت کرکے دکھایاہے کہ کسی بھی شعبہ میں دنیا میں ہمارا کوئی مقابل نہیں ہے، اگر حکومت اورادارے تعاون کریں تو ایک میوزک اکیڈمی قائم کرنا چاہتاہوں تاکہ گلوکاری کے فن کو مزید اجاگر کیا جاسکے اور نیا ٹیلنٹ سامنے لایا جاسکے۔