اسلام آباد (ویب ڈیسک)  پاکستان تحریک انصاف کے چیرمین عمران خان کا کہنا ہے کہ برمی مسلمانوں کے قتل عام پر اقوام متحدہ کی غیر فعالیت شرمناک ہے۔ چیرمین تحریک انصاف عمران خان نے اقوام متحدہ کے سیکرٹری جنرل کو خط لکھا ہے جس میں انہوں نے روہنگیا مسلمانوں کی حالت زاراوراقوام متحدہ کے کردار پر کڑی تنقید کرتے ہوئے کہا ہے کہ روہنگیا مسلمانوں کی نسل کشی جاری ہے اور اقوام عالم خاموش تماشائی بنی ہوئی ہیں۔

اسلام آباد (خصوصی رپورٹ) سابق وفاقی وزیر داخلہ اور مسلم لیگ (ن) کے رہنما چودھری نثار نے کہا ہے کہ مریم نواز کا بینظیر بھٹو سے موازنہ درست نہیں‘ دونوں میں زمین و آسمان کا فرق ہے۔ بینظیر بھٹو نے جیلیں کاٹیں اور صعوبتیں برداشت کیں۔ نجی ٹی وی سے گفتگو کرتے ہوئے انہوں نے کہا کہ مریم نواز کا کردار صرف میاں نوازشریف کی بیٹی ہونا ہے‘ انہیں پہلے عملی سیاست میں حصہ لے کر خود کو ثابت کرنا ہو گا۔ بچے غیرسیاسی ہوتے ہیں‘ انہیں لیڈر کیسے مانا جا سکتا ہے؟

اسلام آباد ( آن لائن ) پارٹی پالیسی سے انحراف پر عائشہ گلالئی کی اسمبلی رکنیت ختم کرنے کے معاملے پر عائشہ گلہ لئی نے نے وکیل کی خدمات لینے کیلئے الیکشن کمیشن سے وقت مانگ لیا ، سماعت 19 ستمبر تک کے لئے ملتوی کردی گئی۔الیکشن کمیشن دفاتر کے باہر میڈیا سے گفتگو کرتے ہوئے عائشہ گلا لئی نے تحریک انصاف چھوڑنے کی تردید کرتے ہوئے کہا تحریک انصاف نہ میں نے چھوڑی ہے اور نہ چھوڑوں گی، انہوں نے کہا پی ٹی آئی کو عمران خان نے نہیں بنایا، کسی کو حق نہیں کہ ہمیں پارٹی سے نکالے۔عائشہ گلالئی نے عمران خان کو شدید تنقید کا نشانہ بناتے ہوئے کہا عمران نیازی کی بدکاری اور جھوٹ کی سیاست اب نہیں چلے گی، انہیں ڈینگی کے مریضوں سے کوئی ہمدردی نہیں تھی۔ انہوں نے کہا عمران خان کے جلسوں کے سٹیج پر کرپٹ اور وڈیرے بیٹھے ہوتے ہیں، 70 سال کا بوڑھا نوجوانوں کا نعرہ لگاتا ہے۔ عائشہ گلالئی نے دعویٰ کیا کہ پی ٹی آئی کے ایم این ایز، ایم پی ایز اور ورکرز عمران خان سے ناراض ہیں اور وہ سب میرے ساتھ ہیں۔ انہوں نے تحریک انصاف کے کارکنوں سے کہا کہ وہ اے این 120 میں عمران خان کے جلسے میں شرکت نہ کریں عائشہ گلا لئی کا کہنا تھا کہ معزز جج صاحبان کے سامنے اپنا موقف پیش کیا ہے، تحریک انصاف کے وکلا نے غلط بیانی کی، تحریک انصاف کے وکیل عادت کے مطابق جھوٹ بول رہے ہیں، شوکازنوٹس کا جواب وقت پردیا تھا پی ٹی آئی والے کہتے تھے کہ ہم کرپشن کا خاتمہ اور ٹیکس کے پیسے ضائع نہیں کریں گے، اس کا وزیراعلیٰ ایک کروڑ 85 لاکھ کا سوئمنگ پول بنا رہا ہے اوردوسری طرف عمران کو ڈینگی مریضوں کی کوئی پرواہ نہیں وہ سیروتفریح کرتے رہے۔ اس سے قبل الیکشن کمیشن میں عائشہ گلالئی کے خلاف ریفرنس کی سماعت ہوئی، جس میں عائشہ گلالئی نے وکیل کی خدمات لینے کے لئے کمیشن سے وقت مانگ لیا۔ سماعت کے دوران چیف الیکشن کمشنر نے عائشہ گلالئی سے سوال کیا کہ کیا آپ کوپارٹی کی جانب سے شوکازنوٹس موصول ہوا، جس پر عائشہ گلالئی نے جواب دیا کہ مجھے پارٹی کی جانب سے شوکاز نوٹس موصول ہوا ہے، میں اداروں کا احترام کرتی ہوں۔چیف الیکشن کمشنرنے کہا کہ ہمیں مقررہ مدت میں ریفرنس کی سماعت مکمل کرنی ہے۔ الیکشن کمیشن نے عائشہ گلالئی کوآئندہ سماعت پر تحریری جواب جمع کرانے کی ہدایت کرتے ہوئے عائشہ گلالئی کے خلاف ریفرنس کی سماعت 19 ستمبرتک ملتوی کردی۔

لاہور (خبر نگار) آصف علی زرداری نے بلاول ہاس کراچی میں بے نظیر بھٹو قتل کیس کے فیصلے کے خلاف تین اپیلیں دائر کرنے کا فیصلہ کیا گیا جس میں ایک اپیل سابق صدر پرویزمشرف کے خلاف دائر کی جائے گی جس میں موقف اپنا یا جا ئے گا کہ بے نظیر بھٹو کی سیکورٹی کی ذمہ داری مشرف کی تھی، وہ ملک سے مفرور ہیں،ان کو اس کیس سے الگ نہیں کیا جاسکتا۔تفصیلات کے مطابق لاہور میں پریس کانفرنس کرتے ہوئے سردار لطیف کھوسہ کا کہنا تھا کہ بے نظیر قتل کیس فیصلے کے خلاف ہم تین اپیلیں دائر کرنے جارہے ہیں،جس میں ایک اپیل سابق صدر پرویزمشرف کے خلاف کی جائے گی ،جس میں موقف اپنایا جا ئے گا کہ بے نظیر کی سیکورٹی کی ذمہ داری مشرف کی تھی،جائے حادثہ کوجلدی سے دھویا جانا بھی اعلی سطح کے آرڈر کے بغیر ممکن نہیں ۔سردار لطیف کھوسہ کا کہنا تھا کہ عدالت نے مشرف نے ان کے مفرور ہونے کی وجہ سے کیس سے الگ کردیا حالانکہ ان کا وکیل تو آتا رہا ہے ،جب مشرف کو لگا کہ کیس کا فیصلہ آنے والا ہے وہ باہر چلا گیا ۔چوہدری ںثار پر الزام لگاتے ہوئے ان کا کہنا تھا کہ انہوں نے مشرف کو بھگایا،وفاقی حکومت کی ذمہ داری تھی کہ ان کا نام ای سی ایل میں ڈالا جائے۔پاکستان پیپلز پارٹی کی جانب سے اپیل دائر کرنے کا فیصلہ کراچی میں بلاول ہا ﺅس میں کیا گیا،جس کی صدارت آصف زرداری اور بلاول بھٹو نے کی،اجلاس میں لطیف کھوسہ اور اعتزاز احسن نے بینظیر بھٹو قتل کیس پر بریفنگ دی۔جس میں فیصلہ کیا گیا کہ آصف زرداری بطور متاثرہ فریق اپیل دائر کریں گے،جبکہ ان کی اپیل سردار لطیف کھوسہ فائل کریں گے۔اجلا س میں ذوالفقار علی بھٹو کا کیس بھی فائل کرنے کا فیصلہ ہوا جس میں فریق بلاول بھٹو ہو ں گے،جہنوں نے اس کیس میں سینیٹرفاروق ایچ نائیک کواپناوکیل مقررکرلیاہے۔