اسلام آباد ( ویب ڈیسک )انڈیا میں موجود پاکستانی ہائی کمیشن کے اہلکار کو48 گھنٹوں میں ملک چھوڑنے کا حکم دیدیا ۔بھارتی میڈیا کیمطابق ہائی کمشنرعبدالباسط کے سٹاف میںشامل اہلکار محمود اختر کو فوج کے حساس نقشے رکھنے کے الزام میں گرفتار کیا گیا ۔ تاہم سفارتی اسثنیٰ کی وجہ سے رہا کر کے ملک چھوڑنے کا کہہ دیا گیا ہے ۔

نیویارک (خصوصی رپورٹ) امریکی کانگریس میں بھارت کی حمایت کیلئے انڈیا کاکس کےبانی اور بھارت سے اعلی سول ایوارڈ پدما بھوشنپانے والے ڈیموکریٹک پارٹی کے امریکی رکن کانگریس فرینک پلون نے کشمیر کے بارے میں اپنے موقف کااظہار کرتے ہوئے کہا ہے کہ وہ کشمیر کواب بھی بھارت کا حصہ سمجھتے ہیں اگر کشمیر کو آزاد کیا گیا تو بھارت میں ناگالینڈ اور دیگر علیحدگی کی تحریکیں بھی زور پکڑلیںگی اور آزادی کے مطالبات سے بھارت ٹوٹنے کا خطرہ پیدا ہوجائے گا اسی طرح پاکستان میں بھی علیحدگی کی تحریکیں ابھر سکتی ہیں میں بھارت اور پاکستان دونوں کی علاقائی سلامتی کا حامی ہوں۔ یہ بات انہوںنے نیوجرسی میں اپنے حلقے کے پاکستانی امریکنز کے ایک اجتماع سے خطاب کرتے ہوئے کہیایک سامع کے اس سوال پر کہ کشمیر کے بارے میں اقوام متحدہ کی سلامتی کو نسل کی قراردادموجود ہے اور اس کی تعمیل ہونا باقی ہے تو کانگریس مین فرینک پیلون نے بھارت اور پاکستان کی علیحدگی کی تحریکوں سے خطرے کااظہار کرتے ہوئے اپنا موقف دہراتے ہوئے ان تحریکوںکی حوصلہ شکنی کا جواز دہرایاانہوںنے اسلام فوبیا کی مذمت کرتے ہوئے کہا کہ ڈونلڈ ٹرمپ مسلمانوں کے خلاف جو بیانات دیتے ہیں وہ امریکی روایات، اصولوں اور معاشرےکی جداگانہ حیثیت کے خلاف ہیںمذہبی آزادی ہر امریکی کاحق ہے۔ وڈبرج کے میئرجان میکارمک نے اپنی تقریر میں مسلمانوںکی مذہبی آزادی اور یکساںشہری حقوق کی حمایت کرتے ہوئے انہیںا ٓگے آکر امریکی نظام میں شریک ہو نے کی دعوت دیمیئر نے گفتگو کرتے ہوئے کہا کہ ان کے علاقے کی بہت بڑی آبادی ایشیائیوںکی ہے اور انہوںنےکاروبار اوردکانیں قائم کرکے اس علاقے کو بہت ترقی دی ہے نیوجرسی اسٹیٹ کی سینیٹر لنڈا گرین اسٹائن نے ڈونلڈ ٹرمپ کے مسلمانوں کے بارے میں رویے کی شدید مذمت کرتے ہوئے اسے مذہبی اور نسلی امتیاز قرار دیتے ہوئے کہا کہ میرا اپنے حلقے میں مسلمانوںا ور پاکستانی کمیونٹی سے تجربہ انتہائی خوشگوار ہے وہ قابل احترام اور امن پسند شہری ہیںانہیں آگے آکر امریکی معاشرے اور نظام میںاپنا رول ادا کرنا چاہئے۔ تقریب کے منتظم ڈاکٹر زبیر نے بتایا کہ نیوجرسی میں پاکستانیوںاور دیگر مسلمانوں کی واضح اکثریت ہلیری کلنٹن اور دیگر انتخابی عہدوںپر ڈیموکریٹ امیدواروں کی حمایت کررہی ہے۔

کویت سٹی (خصوصی رپورٹ) طوطے نے شوہر کی جانب سے محبوبہ کو کہے جانے والے جملے دہرانا شروع کر دئیے جس پر اس کی بیوی کو شک گزرا اور پھر یہ انکشاف ہوا کہ اس کا طوطا یہ جملے گھر سے ہی سیکھ رہا ہے ۔ اس کے بعد خاتون نے طوطے کی جانب سے ادا کئے جانے والے مختلف جملوں کو جوڑا تو اس کے شوہر اور کام والی کے درمیان جاری معاشقے کا بھانڈا پھوٹ گیا۔ یہ بم پھوٹنے کے بعد خاتون نے طوطے کو اٹھایا اور پولیس سٹیشن چلی گئی جہاں اس نے طوطے کو گواہ کے طور پر پیش کر دیا۔ لیکن اس کے شوہر کی قسمت اچھی رہی کیونکہ انہوں نے یہ کہہ کر طوطے کوگواہ ماننے سے انکار کر دیا کہ ممکنہ طور پر وہ یہ جملے ٹی وی یا ریڈیو سے بھی سیکھ سکتا ہے۔

واشنگٹن (خصوصی رپورٹ) مے نوشی کی عادت کے متعلق ایک عالمی مطالعے میں بتایا گیا ہے کہ مے نوشی کے معاملے میں خواتین مردوں کے برابر پہنچ رہی ہیں۔ 1991 سے 2001 کے درمیان پیدا ہونے والے تقریبا 40 لاکھ لوگوں کے جائزے سے پتہ چلا ہے کہ مرد پینے کی جانب جلدی راغب ہوتے ہیں اور اس کے سبب ان کے صحت کے مسائل پیدا ہوتے ہیں۔ سروے رپورٹ کے مطابق بتایا گیا ہے کہ نئی نسل نے مے نوشی کے معاملے میں مردوں اور خواتین میں موجود وسیع خلیج کو بہت حد تک کم کردیا ہے۔معاشرے میں خواتین اور مردوں کے بدلتے ہوئے کردار کچھ حد تک مے نوشی کے معاملے میں برابری کا جواز پیش کرتے ہیں۔مطالعے میں واضح ہوا ہے کہ بیسویں صدی کے اوائل میں پیدا ہونے والے مردوں کا خواتین کے مقابلے میں:مے نوشی کی جانب جانے کا دو گنا سے بھی زیادہ امکان تھا اور مسائل پیدا ہونے کی حد تک پینے کا امکان 6 سے3 گنا امکان تھا کہ وہ شراب نوشی کے باعث صحت کے مسائل جیسے جگر کی بیماری کا شکار ہوںلیکن وقت کے ساتھ اس خلیج میں کمی آتی گئی اور پھر بیسویں صدی کے اواخر میں پیدا ہونے والے مرد، خواتین کے مقابلے شراب نوشی کی جانب زیادہ رغبت رکھتے ہیں۔اور مسائل پیدا ہونے کی حد تک شراب نوشی صرف 2۔1 گنا زیادہ رہ گئی ہے۔جبکہ مئے نوشی سے صحت کے مسائل پیدا ہونے کے معاملے میں یہ فرق صرف 3۔1 گنا رہ گیا ہے۔آسٹریلیا میں نیوساو¿تھ ویلز کی ایک ٹیم نے دنیا بھر سے اعداد و شمار کا تجزیہ کیا جن میں زیادہ تر شمالی امریکا اور یورپ کے تھے۔وہ اپنے مطالعے میں اس نتیجے پر پہنچے کہ ‘شراب خوری اور اس سے پیدا ہونے والے مسائل کو تاریخی طور پر مردوں کی چیز تسلیم کیا جاتا تھا۔ لیکن حالیہ مطالع اس جانب اشارہ کرتا ہے کہ اب مے نوشی کے اثرات اور اس سے پیدا ہونے والے نقصانات نوجوان خواتین میں مردوں کے برابر پائے جاتے ہیں۔لندن سکول آف ہائیجین اینڈ ٹراپیکل میڈیسین کے پروفیسر مارک پیٹیکریو نے کہا ہے کہ گذشتہ دہائیوں میں مردوں اور خواتین کے کرداروں میں تبدیلی آ ئی ہے ۔اس کی ایک وجہ اس کی آسانی کے ساتھ دستیابی ہے اور شراب کی مارکیٹنگ میں خاتون اور بطور خاص نوجوان خواتین کو نظر میں رکھا جاتا ہے۔انھوں نے کہا کہ ‘صحت کے شعبے میں کام کرنے والوں کو چاہیے کہ وہ مردوں اور خواتین دونوں کو شراب نوشی کے خطرات سے آگاہ کریں اور اس کم کرنے کے طریقے بتائیں۔