چینی انفلوئنسر کے چہرے سے بیوٹی فلٹر ہٹ جانے پر ان کے ڈیڑھ لاکھ فالوورز نے انہیں ان فالو کردیا۔
غیر ملکی خبر ایجنسی کے مطابق مذکورہ خاتون سوشل میڈیا پر لائیو اسٹریمنگ میں مصروف تھیں کہ اس دوران ان کے چہرے سے بیوٹی فلٹر ہٹ گیا جس پرصارفین حیران رہ گئے۔
خبر ایجنسی کے مطابق خاتون کی جانب سے چہرے پر اس قدر فلٹر استعمال کرنے پر ان کے فالوورز نے انہیں ان فالو کیا۔
سوشل میڈیا پر 4 سیکنڈ کی یہ ویڈیو کچھ ہی گھنٹوں میں دنیا بھر میں وائرل ہوگئی۔
اسلام آباد: وزیر دفاع خواجہ آصف نے کہا ہےکہ افغانستان میں نئی فضائی کارروائی کرنے میں ہچکچاہٹ محسوس نہیں کریں گے۔
غیر ملکی میڈیا کو انٹرویو کے دوران خواجہ آصف نے پاکستان میں سکیورٹی صورتحال پر بات کرتے ہوئے کہا کہ ملک میں ہونے والے دہشتگرد حملے کابل میں طالبان حکومت اور بھارت کی ملی بھگت سے چھیڑی جانے والی ’پراکسی جنگ‘ کا نتیجہ ہیں۔
انہوں نے کہا کہ جب تک کابل سے کوئی امن کی ضمانت نہیں دے دیتا، پاکستان افغانستان میں نئی فضائی کارروائیاں کرنے میں ہچکچاہٹ محسوس نہیں کرے گا۔
واضح رہے کہ پاکستانی حکومت کا یہ مؤقف ہے کہ ملک میں شدت پسندی کی بڑی کارروائیوں میں ملوث کالعدم تحریک طالبان پاکستان (ٹی ٹی پی) کو افغانستان میں موجود طالبان حکومت کی حمایت حاصل ہے۔
اسلام آباد: فیڈرل بورڈ آف ریونیو (ایف بی آر) نے تمام رجسٹرڈ دکانوں کو ایک ہفتے کے اندر ایف بی آرکے نظام سے منسلک کرنے کا نوٹیفکیشن جاری کردیا۔
نوٹیفکیشن کے تحت پوائنٹ آف سیلز مشین سے وابستہ تمام کاروبار ایف بی آر کے ساتھ منسلک کیے جائیں گے، ہوٹل، گیسٹ ہاؤس، میرج ہالز اور کلبز پر بھی اس کا اطلاق ہوگا جب کہ انٹر سٹی ٹرانسپورٹ، کورئیر اور کارگو سروسز بھی لازمی منسلک کرنا ہوں گے۔
نوٹیفکیشن میں کہا گیا ہے کہ بیوٹی پارلرز، اسلمنگ سینٹرزاور بیوٹی کلینکس لازمی ایف بی آر کے ساتھ رجسٹرڈ کرانا ہوں گے، ہئیر ٹرانسپلانٹ، پرائیویٹ کلینکس، ڈینٹل کلینکس اور پلاسٹک سرجنزکے بزنس بھی منسلک کیے جائیں گے۔
نوٹیفکیشن کے مطابق لیبارٹریز، جانوروں کے ڈاکٹرز، ڈائیگناسٹک سینٹرز، ایکسرے سینٹرز ، پرائیویٹ اسپتال، پرائیویٹ کنسلٹنٹس، ہیلتھ کیئر سروسز، ہیلتھ کلبز،سوئمنگ پولز، فٹنس کلبز اور ملٹی پرپز کلبز کو بھی ٹیکس نظام سے منسلک ہونا پڑے گا۔
ایف بی آر کے مطابق کراچی جمخانہ،رائل پام، چناب کلب،اسلام آباد کلب،لاہور جمخانہ کو بھی ٹیکس نظام سے منسلک کیا جائے گا، چارٹرڈ اکاؤنٹنٹس فرمز،کاسٹ اینڈ مینجمنٹ کی خدمات دینے والوں کو بھی ٹیکس نظام سے منسلک ہونا پڑے گا۔
اس کے علاوہ ماہانہ 1000 روپے فیس والے اسکولوں، کالجز اور یونیورسٹیز کو بھی ٹیکس نظام سے منسلک ہونا پڑے گا۔
نوٹیفکیشن کے مطابق انکم ٹیکس کی شق 33 کے تحت ٹیکس نظام سےمنسلک ہونا بنیادی شرط ہوگی، ٹیکس نظام سے منسلک کاروبار پوائنٹ آف سیلز مشین لگانے کے پابند ہوں گے۔
آئی سی سی کے مطابق ٹی 20 ورلڈ کپ 2026 کے گروپ مرحلے سے سپر ایٹ میں پہنچنے والی 8 ٹیموں نے 2028 کے میگا ایونٹ کیلئے براہِ راست کوالیفائی کر لیا ہے۔
ٹی 20 ورلڈ کپ 2028 آسٹریلیا اور نیوزی لینڈ کی مشترکہ میزبانی میں کھیلا جائے گا، جس میں بھی 20 ٹیمیں حصہ لیں گی۔
اعلامیے کے مطابق پاکستان، بھارت، انگلینڈ، نیوزی لینڈ، سری لنکا، زمبابوے، جنوبی افریقہ اور ویسٹ انڈیز نے براہ راست کوالیفائی کیا ہے جبکہ آسٹریلیا اور نیوزی لینڈ کو 2028 کے ٹی 20 ورلڈ کپ کے مشترکہ میزبان ہونے کی حیثیت سے پہلے ہی ٹورنامنٹ میں براہِ راست شرکت حاصل ہے۔
اس کے علاوہ 9 مارچ تک آئی سی سی ٹی 20 ٹیم رینکنگ کی اگلی 3 بہترین ٹیمیں ورلڈ کپ کیلئے براہ راست کوالیفائی کریں گے، ان تین ٹیموں میں بنگلا دیش، افغانستان اور آئرلینڈ شامل ہیں جبکہ 20 ٹیموں پر مشتمل ٹورنامنٹ کی باقی 8 ٹیموں کا فیصلہ ریجنل کوالیفائرز کی بنیاد پر ہوگا۔
اب آپ واٹس ایپ کے ویب ورژن پر آڈیو اور ویڈیو کالز کرسکتے ہیں۔
میٹا کی جانب سے اس فیچر کو آخرکار متعارف کرا دیا گیا ہے۔
اس سے پہلے واٹس ایپ پر آڈیو اور ویڈیو کالز صرف موبائل یا کمپیوٹرز کے لیے دستیاب ایپس میں ہی ممکن تھیں۔
مگر اب واٹس ایپ ویب ورژن میں اس فیچر کو متعارف کرانے کا سلسلہ شروع ہوگیا ہے۔
کمپیوٹرز میں واٹس ایپ صارفین ایپ کی بجائے براہ راست ویب براؤزر میں اس میسجنگ ایپ پر کالز کرسکیں گے۔
اس فیچر پر کافی عرصے سے کام کیا جا رہا تھا اور اب اسے بتدریج متعارف کرانے کا سلسلہ شروع ہوگیا ہے۔
ابھی صرف ون آن ون چیٹس کے لیے یہ فیچر استعمال کرنا ممکن ہوگا۔
اس کے لیے کسی چیٹ کو اوپن کرکے اوپر اس کانٹیکٹ کے نام کے برابر میں موجود کال آئیکون پر کلک کریں۔
اس آئیکون پر کلک کرنے پر آڈیو اور ویڈیو کالز کے آپشن نظر آئیں گے۔
اس سے قبل رپورٹس میں یہ بات سامنے آچکی ہے کہ واٹس ایپ ویب ورژن میں کالز کو اینڈ ٹو اینڈ انکرپشن کا تحفظ حاصل ہوگا اور اس کے لیے سگنل پروٹوکول کو استعمال کیا ئے گا۔
ویب ورژن میں اسکرین شیئرنگ کا فیچر استعمال کرنا بھی ممکن ہوگا۔
کراچی: (دنیا نیوز) ایک روز کی تیزی کے بعد پاکستان سٹاک مارکیٹ دوبارہ منفی زون میں چلی گئی۔
کاروباری ہفتے کے چوتھے روز کاروبار کے دوران سٹاک ایکسچینج میں شدید مندی دیکھنے میں آ رہی ہے، 2400 سے زائد پوائنٹس کی کمی کے ساتھ سٹاک مارکیٹ میں ہنڈرڈ انڈیکس ایک لاکھ 76 ہزار 324 پوائنٹس کی سطح پر آ گیا ہے۔
واضح رہے کہ گزشتہ کاروباری دن کے اختتام پر سٹاک ایکسچینج میں 5702 پوائنٹس کا اضافہ ہوا جس کے ساتھ ہنڈرڈ انڈیکس ایک لاکھ 78 ہزار 853 پوائنٹس کی سطح پر بند ہوا تھا۔
دوسری جانب رمضان المبارک میں پاکستان سٹاک ایکسچینج کے دفتری اوقاتِ کار جاری کر دیئے گئے۔
سٹاک مارکیٹ کے رمضان میں دفتری اوقات پیر تا جمعرات صبح 9 بجے سے 3 بجے تک ہوں گے، سٹاک ایکسچینج میں جمعے کو دفتری اوقات 9 بجے صبح سے 2 بجے دوپہر تک ہوں گے۔
ترجمان دفتر خارجہ طاہر اندرابی کے مطابق، افغان نائب سفیر کو ایک باضابطہ احتجاجی مراسلہ تھمایا گیا ہے جس میں باجوڑ حملے کے لیے افغان سرزمین کے استعمال پر سخت تشویش کا اظہار کیا گیا ہے۔
واضح رہے کہ 16 فروری کو باجوڑ میں سیکیورٹی فورسز پر ایک دہشت گرد حملہ ہوا تھا، جس کے لیے فتنہ الخوارج سے تعلق رکھنے والے دہشت گردوں نے سرحد پار سے آکر کارروائی کی تھی، اس حملے کے نتیجے میں وطنِ عزیز کے 11 بہادر جوانوں نے اپنی جانوں کا نذرانہ پیش کرتے ہوئے شہادت کا رتبہ پایا تھا۔
ترجمان دفتر خارجہ نے واضح کیا کہ پاکستان کو اس بات پر گہری تشویش ہے کہ افغان سرزمین اب بھی پاکستان کے خلاف دہشت گردی کے لیے استعمال ہو رہی ہے، ٹی ٹی پی کی پوری قیادت افغانستان میں موجود ہے، ٹی ٹی پی افغان سرزمین سے کھلے عام اور بلاروک ٹوک سرگرم ہے۔
افغان سفارت کار کو بتایا گیا کہ اس طرح کے واقعات دوطرفہ تعلقات اور خطے کے امن کے لیے نقصان دہ ہیں، طالبان کی متعدد یقین دہانیاں کے باوجود بدقسمتی سے ان پر کوئی واضح یا ٹھوس عمل درآمد نظر نہیں آیا،
پاکستان نے ایک بار پھر مطالبہ کیا ہے کہ افغان حکومت اپنی سرزمین پر موجود دہشت گردوں کے خلاف موثر اور ٹھوس کارروائی کرے تاکہ مستقبل میں ایسے واقعات کا سدباب ہو سکے۔
ذرائع نے بتایا کہ صدر ہاکی فیڈریشن آسٹریلیا میں پرو ہاکی لیگ کے دوران کھلاڑیوں کی رہائش اور خوراک کے اصل ذمہ داروں کے بارے میں حقائق سے پردہ چاک کریں گے۔
ذرائع نے یہ بھی بتایا کہ پاکستان سپورٹس بورڈ کے بروقت ادائیگی نہ کرنے ہوٹل کی بکینگ کینسل ہونے سے مشکلات پیش آنے سے متعلق انکشافات کریں گے۔
امکان ہے کہ طارق بگٹی فیڈریشن کے پیٹرن انچیف وزیراعظم شہباز شریف سے اصل قصور واروں کے خلاف ایکشن کا مطالبہ کریں گے۔
پنجاب میں سال 2026 کے پہلے چار ہفتوں میں خسرے کے 1695 مشتبہ مریض سامنے آگئے۔
تفصیلات کے مطابق خسرے کے لیبارٹری ٹیسٹ سے کنفرم مریضوں کی تعداد 330 ہو گئی۔ رپورٹ کے مطابق صوبے میں خسرے کے 40 آؤٹ بریک الرٹس جاری کیے گئے۔
ڈی جی ہیلتھ سروسز پنجاب نے خسرے سے متعلق تفصیلی رپورٹ لاہور ہائیکورٹ میں جمع کرا دی۔ سال 2024 میں پنجاب میں خسرے کے 23 ہزار 680 مشتبہ مریض رپورٹ ہوئے تھے۔
سال 2025 میں خسرے کے مشتبہ مریضوں کی تعداد 19 ہزار 913 رہی جبکہ سال 2024 میں خسرے کے 6 ہزار 747 کیسز لیب سے کنفرم ہوئے تھے۔ سال 2025 میں خسرے کے کنفرم مریضوں کی تعداد 4 ہزار رہی۔
سال 2024 میں خسرے سے 16 اموات جبکہ 2025 میں 4 اموات رپورٹ ہوئیں۔ رواں سال خسرے کی صورتحال پر محکمہ صحت کی نگرانی مزید سخت کر دی گئی ہے۔
چیف سیکرٹری اور وزیر صحت کی سربراہی میں متعدد اجلاس ہوئے ہیں۔ خسرے کے پھیلاؤ کو روکنے کیلئے متعلقہ اضلاع میں سرویلنس تیز کر دی گئی ہیں جبکہ ڈسٹرکٹ اور اسپتالوں کی سطح پر مانیٹرنگ کا نظام مزید سخت کرنے کی ہدایت کی گئی ہے۔
آج یکم رمضان کو زکوٰۃ کٹوتی کی وجہ سے بینک عوامی لین دین کے لیے بند رہیں گے۔
رمضان المبارک میں بینکوں کے عوامی لین دین کے اوقات پیر تا جمعرات صبح 9 بجے سے دوپہر 2 بجے تک بلاوقفہ ہوں گے۔
جمعہ کو عوام سے لین دین کے لیے کاروباری اوقات صبح 9 بجے سے دوپہر ساڑھے 12 بجے تک بلاوقفہ ہوں گے۔
اس کے علاوہ آج یکم رمضان کو زکوٰۃ کٹوتی کی وجہ سے بینک عوامی لین دین کے لیے بند رہیں گے۔
