کراچی میں گیس سلنڈر کے باعث عمارت میں ہونے والے دھماکے سے ہلاکتوں کی تعداد 16 ہوگئی۔

پولیس کے مطابق کراچی کے علاقے سولجر بازار میں صبح 4 بجے کے قریب عمارت میں گیس سلنڈر کا دھماکا ہوا جس کے نتیجے میں عمارت کا کچھ حصہ گرگیا، حادثے کی اطلاع ملتے ہی پولیس نے علاقےکوگھیرے میں لےکر سکیورٹی سخت کردی اور ریسکیو اداروں نے سرچ آپریشن شروع کردیا۔

ریسکیو حکام کا کہنا ہےکہ عمارت تین منزلہ ہے اور ہرفلور پر ایک کمرہ قائم ہے، تنگ گلیوں کی وجہ سے ریسکیو آپریشن میں مشکلات کا سامنا  ہے۔

ریسکیو حکام کے مطابق جائے حادثہ پر امدادی کارروائیاں جاری ہیں اور اب تک 16 لا شیں نکالی جاچکی ہیں جن میں 4 بچے اور  6 خواتین بھی شامل ہیں جب کہ 12سے زائد زخمی ہیں جنہیں طبی امداد کے لیے اسپتال منتقل کردیا گیا ہے۔

ڈی جی ریسکیو 1122بریگیڈئیر واجد نے جیو نیوز سے گفتگو میں بتایا کہ گیس دھماکا عمارت کی پہلی منزل پر ہوا، دھماکا گیس سلنڈر یا گیس کھینچنے والی مشین سےہوا جس میں اب تک 7 لاشیں نکالی جاچکی ہیں جن میں خاتون اور بچی کی لاشیں بھی شامل ہیں۔

ڈی جی نے کہا کہ مزید افراد کے ملبے تلے دبے ہونے کا خدشہ ہے جس کے لیے ریسکیو آپریشن جاری ہے، چھوٹی عمارت کے لیے ہمارے پاس خاص آلہ ہوتاہے، آلے کی مدد سے لوہے کو کاٹ کر ملبہ ہٹایا ہے۔

دوسری جانب ڈی آئی جی ایسٹ ڈاکٹر فرخ لنجار نے میڈیا سےگفتگو میں بتایا کہ ابتدائی معلومات کے مطابق دھماکا گیس لیکج کا ہے، ریسکیو آپریشن جاری ہے اور ملبے میں ایک لاش دبے ہونے کا خدشہ ہے۔

انہوں نے کہاکہ واقعے کی تحقیقات کی جائیں گی اور کیمیکل ایگزیمین کے بعد ہی دھماکے کی اصل نوعیت کا تعین ہوسکے گاجب کہ عمارت سے متعلق محکمہ بتائے گاکہ یہ عمارت قانونی تھی یا غیر قانونی، تعین کرکے واقعے کے ذمے داران کے خلاف کارروائی کی جائے گی۔

پنجاب کے ایک دور افتادہ گاؤں میں ہر شخص کے سائبر فراد میں ملوث ہونے کا انکشاف سامنے آیا ہے۔

گاؤں کے لوگ دن بہ دن نت نئے طریقے استعمال کرکے روزانہ کی بنیاد پر لاکھوں روپے کے فراڈ کرتے ہیں، ان میں زیادہ تر لوگ ان پڑھ ہیں مگر فراڈ کے ماہر ہیں۔ 

نیشنل سائبر کرائم انویسٹی گیشن ایجنسی کے اہلکار بھی یہاں  چھاپہ مارنے سے اجتناب کرتے ہیں کیونکہ ان کو اسلحہ ساتھ لے جانے کی اجازت نہیں ہوتی، وہ پولیس کو ساتھ لے کر جاتے ہیں اور ایسے ہی ایک واقعے میں ایک ہلاکت بھی ہو چکی ہے۔ 

گزشتہ روز ایک شخص محمد رشید کو موبائل پر ایک پیغام موصول ہوا جس میں اس کا نام اور شناختی کارڈ نمبر لکھا ہوا تھا۔ ساتھ میں یہ بھی تحریر تھا کہ اس کے بینک اکاؤنٹ میں منی ٹرانسفرکمپنی  کے اکاؤنٹ سے 6 لاکھ 98 ہزار 700 روپے جمع کروا دیے گئے ہیں۔  ساتھ ہی رقم بھیجنے والے کا موبائل نمبر بھی درج ہوتا ہے۔

بعد ازاں متاثرہ شخص کو اسی رنمبر سے فون آتا ہے اور نوسرباز کہتا ہے کہ میں دبئی میں موجود ہوں،  میرے کراچی کے تمام بینک اکاؤنٹس منجمد ہوگئے ہیں اور مجھے فوری طور پر ایک لاکھ روپے بھجوا دو کیونکہ میں نے تمہارے بینک اکاؤنٹ میں ساڑھے 6 لاکھ جمع کروا دیے ہیں۔