برازیل کی سپریم الیکٹورل کورٹ نے سابق صدر جیر بولسونارو کو صدارتی انتخاب لڑنے سے روک دیا۔

برطانوی میڈیا کے مطابق سپریم الیکٹورل کورٹ نے جیر بولسونارو پر پابندی کا فیصلہ پانچ دو کی اکثریت سے سنایا۔

میڈیا رپورٹس کے مطابق جیر بولسونارو پر 2022 میں اختیارات کے غلط استعمال کا الزام ثابت ہوا تھا۔

برطانوی میڈیا کا کہنا ہے کہ توقع ہے سابق صدر جیر بولسونارو اس فیصلے کے خلاف اپیل کریں گے۔

زیک گولڈ اسمتھ کا کہنا ہے کہ مسئلہ یہ نہیں کہ حکومت ماحولیات سے دشمنی رکھتی ہے، مسئلہ یہ ہے کہ برطانوی وزیراعظم کو ماحولیات میں دلچسپی ہی نہیں ہے۔

بھارت کی ریاست مہاراشٹر کے ایکسپریس وے پر ایک بس میں آگ لگنے سے 26 افراد ہلاک اور متعدد زخمی ہو گئے۔

بھارتی میڈیا کے مطابق پولیس نے کہا ہے کہ بس یاوتمال سے پونے جا رہی تھی جس میں 33 مسافر سوار تھے جن میں سے 25 تو موقع پر ہی ہلاک ہو گئے جبکہ ایک مسافر دوران علاج ہلاک ہوا۔

بھارتی پولیس کا کہنا ہے کہ واقعے میں بس کا ڈرائیور محفوظ رہا، حادثے میں 6 سے 8 مسافر شدید زخمی ہوئے ہیں جنہیں اسپتال منتقل کر دیا ہے۔

بس کے ڈرائیور کا کہنا ہے کہ ٹائر پھٹنے سے بس الٹ گئی جس کی وجہ سے بس میں آگ لگ گئی تھی۔

بھارتی میڈیا کے مطابق بس حادثے کے متاثرین کے خاندان کے لیے 5 لاکھ روپے معاوضے کا اعلان کیا گیا ہے۔