اسلام ااباد:   وفاقی وزیر اطلاعات چوہدری فواد حسین نے کہا ہے کہ پانامہ، پنڈورا اور اب سوئس اکاؤنٹس کی کہانی ، کرپشن اور منی لانڈرنگ پاکستان جیسے ملکوں کااہم ترین مسئلہ ہے۔چوہدری فواد حسین نے اپنے ٹویٹ میں کہا کہ پہلے پیسے چوری کرو پھر ملک سے باہر بھیج دو، عمران خان اس مسئلہ پرمسلسل آواز اٹھا رہے ہیں کہ امیر ملک غریب ملکوں کے اس استحصال کو روکیں،اب سارے منی لانڈرر اتحاد بنا رہے ہیں۔

واضح رہے کہ پنڈورا اور پاناما کے بعد کریڈٹ سوئس بینک لیکس سامنے آئی ہیں، بینک کے 18 ہزار اکاؤنٹس کا ریکارڈ لیک ہوگیا جن میں کئی ڈکٹیٹرز، سیاستدانوں اور مافیاز سے تعلق رکھنے والے افراد کے کھاتے بھی شامل ہیں۔ اکاؤنٹس میں 100 ارب سے زائد ڈالر موجود ہیں، آرگنائزڈ کرائم اینڈ کرپشن رپورٹنگ پراجیکٹ (او سی سی آر پی) نے تفصیلات جلد منظر عام پر لانے کا اعلان کردیا ہے۔

لاہور انویسٹی گیشن پولیس مزنگ نے اندھے قتل کا سراغ لگا لیا/ سفاک قاتل گرفتار

علی یار محمد کو گزشتہ ہفتے اغواء کے بعد قتل کر دیا گیا تھا۔

ڈی آئی جی انویسٹی گیشن نے ٹیم کو اندھے قتل کا سراغ لگانے اور قاتل کی گرفتاری کا ٹاسک دیا۔

مقتول کے ملزم نسیم اللہ کی بیوی سے تعلقات تھے جس کا اسے رنج تھا، ایس پی انویسٹی گیشن سول لائنز

ملزم نے دو روز قبل اپنی بیوی کے ذریعے مقتول کو بہانے سے گھر بلایا۔

ملزم نے مقتول کو رسیوں سے باندھ کر تیز دار آلے سے ٹانگیں، بازو اور گردن کاٹ دی تھی۔ایس پی انویسٹی گیشن سول لائنز

ملزم نے دونوں ٹانگیں، ایک بازو اور گردن نشاط نالے میں جبکہ دھڑ اور ایک بازو راولپنڈی لے جا کر پھینک دئیے تھے

ملزم کی نشاندہی پر بازو اور ٹانگ نشاط نالے سے برآمد کر لی گئی ہے، ایس پی انویسٹی گیشن سول لائنز۔

لاہور انویسٹی گیشن ٹیم نے ملزم کو سائنسی بنیادوں پر تحقیق کر کے گرفتار کیا۔

سفاک ملزم کو قرار واقعی سزا دلوائی جائے گی،ایس پی انویسٹی گیشن

ملک کے آدھے سیاستدان میڈیا کی وجہ سے زندہ ہیں۔ سیاستدانوں کی پریس کانفرنس ہو یا کوئی بیان جب تک میڈیا ان کو سامنے نہیں لائے گا اسے پذیرائی نہیں ملے گی۔ بعض اوقات سیاستدان ایک ہفتے سے ایک ہی بات کر رہا ہوتا ہے۔ اس کے پاس نئی بات نہیں ہوتی۔ صرف اپنے مخالف سیاستدان یا سیاسی پارٹی کے زچ کرنے کے لئے وہ ایسا کر رہا ہوتا۔ اس میں میڈیا کا بھی قصور ہے کہ وہ سیاست اور سیاستدانوں کو اہمیت دیتا ہے عوام کے مسائل کو سامنے نہیں لاتا۔ اگر لاتا بھی ہے تو اس کی حیثیت ثانوی ہے۔ بعض اوقات تو ایسے لگتا ہے کہ شاید میڈیا بنا ہی صرف سیاستدانوں کیلئے ہے۔ اگر الیکٹرانک میڈیا دیکھا جائے تو پرائم ٹائم میں 90 فیصد سیاست اور سیاستدانوں کی بات ہوتی ہے۔ 10 فیصد بات عوام کے مسائل یا دوسرے سوشل واقعات کی بات ہوتی ہے۔ اس کا نتیجہ یہ ہے کہ پاکستان کا عام شہری بھی سیاسی ہوگیا ہے۔ دنیا جہاں کے مسائل‘ تعلیم‘ صحت‘ معاشرتی مسائل سرے سے نظرانداز ہوکر رہ گئے۔ مثال کے طور پر اڈیالہ جیل میں ایک قیدی کئی سال جیل میںقید رہ کر مر گیا۔ وہ ایک نیوز بلیٹن میں آخری خبر کے طور پر چلائی گئی۔ اگر دیکھا جائے تو یہ ایک بڑی خبر تھی۔ اس قیدی نے ایک سال درخواست دی تھی کہ میرا علاج کرایا جائے مگر اس کی درخواست کو کسی نے دیکھا ہی نہیں۔ حقیقی مسائل میڈیا پر شاید سارا دن میں ایک دو منٹ زیر بحث آتے ہیں ضرورت سے زیادہ چینل ہیں۔ ہر چینل کا دعویٰ ہے کہ وہ غیرجانبدار ہے مگر آپ کوئی پروگرام سن لیں آپ میڈیا کا خود اندازہ ہوگا کہ اس میں کسی ایک طرف پورا جھکا ہوگا۔ جب تک میڈیا صرف اخبارات کی حد تک اس وقت پختگی کے ساتھ جرنلزم ہوتی تھی۔ خبر آتی تھی تو حکومت کو پتہ چلتا تھا اور جو متعلقہ شخص کو جا کر لگتی تھی۔ اس میں اتنی صداقت ہوتی تھی سنی سنائی نہیں ہوتی سارے دستاویزات ساتھ ہوتے تھے۔

پاک فوج کے شعبہ تعلقات عامہ (آئی ایس پی آر ) کی جانب سے جاری کردہ بیان کے مطابق شمالی وزیرستان میں دہشت گردوں کی موجودگی کی خفیہ اطلاعات پر سیکورٹی فورسز نے آپریشن کرتے ہوئے 5 دہشت گرد ہلاک کردیے ہیں ، مرنے والے دہشت گردوں میں حبیب نواز عرف شکیل، وحید اللہ، عبدالرحمان، محمد اللہ، شامل ہیں جبکہ مرنے والے پانچویں دہشت گرد کی شناخت کا عمل جاری ہے۔
آئی ایس پی آر کا کہنا ہے کہ مرنے والے دہشت گردوں کے قبضے سے ہتھیار اور گولہ بارود برآمدہوئے ہیں ، برآمد ہونے والے ہتھیاروں اور ایمیونیشن میں سب مشین گنیں، دستی بم، بڑی تعداد میں مختلف کیلیبر کی گولیاں شامل ہیں۔
ترجمان پاک فوج نے کہا ہے کہ دہشت گردوں کے ساتھ بہادری سے لڑنے اور بعض کوہلاک کرنے والا سپاہی شبیر احمد بھی شہید ہوئے۔ پاک فوج دہشت گردی کو جڑ سے اکھاڑ پھینکنے کے لئے پر عزم ہے، دہشت گردوں کے خلاف ہمارے شہدا کی قربانیاں دہشت گردی کے خلاف پاک فوج کے عزم کو مزید مستحکم کرتی ہیں۔

صدر مملکت ڈاکٹر عارف علوی نے پریوینشن آف الیکٹرانک کرائمز (پیکا) ترمیمی اور الیکشن ترمیمی آرڈیننس پر دستخط کر دیے۔
صدر مملکت کی جانب سے جاری پیکا آرڈیننس میں ‘شخص’ کی تعریف شامل کر دی گئی ہے جس کے مطابق ‘شخص’ میں کوئی بھی کمپنی، ایسوسی ایشن، ادارہ یا اتھارٹی شامل ہے جبکہ ترمیمی آرڈیننس میں کسی بھی فرد کے تشخص پر حملے پر قید 3 سے بڑھا کر 5 سال کر دی گئی ہے۔
آرڈیننس کے مطابق شکایت درج کرانے والا متاثرہ فریق، اس کا نمائندہ یا گارڈین ہوگا، جرم کو قابل دست اندازی قرار دے دیا گیا ہے جو ناقابل ضمانت ہو گا۔
ترمیمی آرڈیننس میں کہا گیا ہے کہ ٹرائل کورٹ 6 ماہ کے اندر کیس کا فیصلہ کرے گی اور ہر ماہ کیس کی تفصیلات ہائیکورٹ کو جمع کرائے گی، ہائیکورٹ کو اگر لگے کہ کیس جلد نمٹانے میں رکاوٹیں ہیں تو رکاوٹیں دور کرنے کا کہے گی۔
آرڈیننس کے مطابق وفاقی و صوبائی حکومتیں اور افسران کو رکاوٹیں دور کرنے کا کہا جائے گا، ہر ہائیکورٹ کا چیف جسٹس ایک جج اور افسران کو ان کیسز کے لیے نامزد کرے گا۔
اس کے علاوہ صدر عارف علوی نے الیکشن ایکٹ ترمیمی آرڈیننس پر بھی دستخط کر دیے ہیں۔
آرڈیننس کے مطابق تمام اسمبلیوں، سینیٹ اور مقامی حکومتوں کے ممبران الیکشن مہم کے دوران تقریر کر سکیں گے، کوئی بھی پبلک آفس ہولڈر اور منتخب نمائندے حلقے کا دورہ کر سکیں گے۔