ماسکو: (ویب ڈیسک) وزیراعظم عمران خان نے روس کی سب سے بڑی مسجد کا بھی دورہ کیا۔
وزیراعظم عمران خان روس کی سب سے بڑی مسجد واسلامک سینٹر پہنچے،جہاں انہوں نے مختلف حصوں کا دورہ کیا، وزرا اوروفد کے ارکان بھی وزیراعظم کے ساتھ تھے، مسجد کی انتظامیہ نے وفد کو ماسکو کی مسجد کی تاریخ پر بریف کیا۔
دوسری طرف روسی صدر ولادیمیر پیوٹن اور نائب وزیراعظم سے ملاقات کے بعد تاجروں سے خطاب کرتے ہوئے وزیراعظم عمران خان نے کہا کہ پاکستان 22 کروڑ سے زائد لوگوں کی منڈی کے طور پر تجارت اور سرمایہ کاری کے مواقع فراہم کرتا ہے۔
انہوں نے کہا کہ پاکستان میں مارچ میں منعقد ہونے والی آئندہ سرمایہ کاری کانفرنس میٹالرجیکل، توانائی، تعمیرات اور تیل و گیس کمپنیوں کے لیے ملک میں بے پناہ صلاحیتوں کو تلاش کرنے کا موقع ہوگی۔

اسلام آباد: (ویب ڈیسک) وزیر خزانہ شوکت ترین نے کہا ہے کہ مجموعی قومی پیداوار جی ڈی پی کے تناسب سے پاکستان کے مجموعی سرکاری قرضوں کی شرح میں نمایاں کمی ہوئی ہے ۔
سماجی رابطے کی ویب سائٹ ٹویٹر پر انہوں نے لکھا کہ مالی سال2015-16کی بنیاد پر جی ڈی پی کے تعین کے بعد مالی سال 2021ء میں مجموعی قومی پیداوار کے تناسب سے مجموعی سرکاری قرضوں کی شرح 71.8 فیصد ہے جبکہ2005 -06کے مالی سال کی بنیاد پر مالی سال 2021میں جی ڈی پی کے تناسب سے قرضوں کی شرح کا اندازہ 83.5فیصد لگایا گیا تھا۔
انہوں نے کہاکہ مالی سال2015-16کی بنیاد پر جی ڈی پی کے تناسب سے سرکاری قرضوں کی شرح میں تقریباً 12فیصد کمی ہوئی ہے ۔

لاہور:(ویب ڈیسک) صوبائی دارالحکومت کے علاقے رائیونڈ میں خاتون کو اجتماعی زیاتی کا نشانہ بنا دیا گیا اور 3 ملزمان برہنہ کر کے ٹک ٹاک ویڈیوز بناتے رہے۔
لاہور کے علاقے رائے ونڈ میں انتہائی افسوسناک واقعہ پیش آیا جہاں پر درندہ صفت ملزمان نے خاتون کی عصمت دری کرتے ہوئے ویڈیوز بھی بنالیں۔
ایف آئی آر کے مطابق متاثرہ خاتون کو نوکری کا جھانسہ دیکر زیادتی کا نشانہ بنایا گیا، ملزمان ابرار، وقاص اور رفیق درخواست واپس لینے لیے دباؤ ڈالتے ہیں اور قتل کی دھمکیاں بھی دی جارہی ہیں۔

لاہور: (ویب ڈیسک) سپیکر قومی اسمبلی اسد قیصر اور مسلم لیگ(ق) کے رہنما مونس الہی کے درمیان ٹیلی فونک رابطہ ہوا ہے۔
ٹیلی فونک گفتگو کے دوران سپیکر قومی اسمبلی اسد قیصر اور مونس الہی میں سیاسی صورتحال اور باہمی دلچسپی کے امور پر تبادلہ خیال ہوا۔ٹیلی فونک گفتگو کے حوالے سے گفتگو کرتے ہوئے مونس الٰہی کی جانب سے ٹویٹ کیا گیا ہے کہ سپیکر قومی اسمبلی اسد قیصر نے مجھے فون کیا ہے ، ہم نے موجودہ صورتحال پر تبادلہ خیال کیا ہے۔میں نے ان سے کہا کہ سیاسی بات چیت اور مشاورت جاری رہے گی، اس کا مطلب یہ نہیں کہ کوئی فیصلہ کیا گیا ہے۔ ہم اپنے وعدوں کے پابند ہیں اور ان کا مکمل احترام کریں گے۔

اسلام آباد: (ویب ڈیسک) وزیراعظم عمران خان نے کہا ہے کہ جنگ کسی کے مفاد میں نہیں، تنازعات کو بات جیت سے حل کیا جانا چاہیے۔
وزیراعظم عمران خان اور روسی صدر ولادیمیر پیوٹن کی آج ملاقات ہوئی جس میں دوطرفہ تعلقات ،علاقائی اورعالمی امورپرتفصیلی تبادلہ خیال کیا گیا۔
اعلامیے کے مطابق وزیراعظم نے روس کے ساتھ کثیرالجہتی تعلقات کے فروغ کےعزم کا اعادہ کیا۔
وزیراعظم عمران خان نے یوکرین اور روس کے درمیان تازہ صورتحال پرافسوس کا اظہار کرتے ہوئے کہا کہ جنگ کسی کےمفاد میں نہیں، تنازع سے ترقی پذیرملکوں کی معیشت کوسب سے زیادہ نقصان ہوتا ہے۔
انہوں نے کہا کہ پاکستان کو امید تھی کہ سفارت کاری کے ذریعے جنگ سے بچا جا سکتا تھا۔
اعلامیے کے مطابق دونوں رہنماوں کے درمیان ملاقات میں افغانستان میں انسانی بحران اورمعاشی مشکلات کے خاتمے کیلئے ہنگامی اقدامات پر زور دیا گیا۔
وزیراعظم عمران خان نے کہا کہ افغانستان میں قیام امن علاقائی توازن برقراررکھنے میں معاون ثابت ہو گا۔