آڈیٹر جنرل کی آڈٹ رپورٹ میں کرونا کے حوالے سے کیے جانے والے بے شمار حکومتی اقدامات کے بارے میں اربوں روپے کی بے ضابطگیاں بتائی گئی ہیں۔آڈٹ رپورٹ کے ساتھ جڑی ہوئی آئی ایم ایف کی تلقین باعث پریشانی بن جاتی ہے۔ ایک لحاظ سے دیکھا جائے تو آڈٹ رپورٹ کے شائع ہونے کی سب سے بڑی وجہ آئی ایم ایف کا اصرار تھا چونکہ آئی ایم ایف نے ایک ارب ڈالر سے زائد فنڈنگ کرونا کے حوالے سے ہی فراہم کی تھی۔ محکمہ خزانہ کا کہنا ہے کہ آئی ایم ایف کافی حد تک مطمئن ہو گئی ہے، لیکن آڈٹ رپورٹ نے بہرحال بہت سی بے ضابطگیوں کے بارے میں ذکر کیا ہے۔ آڈٹ رپورٹ نے کرونا کے حوالے سے مختلف حکومتی اقدامات اور حکومتی اداروں کو اربوں روپے کی بے ضابطگیوں کا ذمہ دار ٹھہرایا ہے۔ بہرحال نہ ہی آڈٹ رپورٹ اور نہ ہی آئی ایم ایف نے حکومت کی غیر ذمہ داری کا اظہار کیا ہے جس میں ٹرانسپیرنسی انٹرنیشنل کی طرف سے جاری کیے گئے 26 خطوط کا ذکر کیا۔ ٹرانسپیرنسی انٹرنیشنل نے کرونا کے آنے کے بعد سے لے کر اب تک حکومت کو اپنی ذمہ داری کا احساس دلانے کی کوشش کی جس میں حکومت بری طرح سے ناکام ہو گئی۔ ان 26 خطوط میں سات خطوط وزیراعظم عمران خان صاحب کو لکھے گئے، دو دو خطوط پاکستان کے چاروں صوبائی وزرائے اعلیٰ کو لکھے گئے جبکہ باقی خطوط وفاقی وزیر اسد عمر صاحب کو اور وفاقی محکموں کو لکھے گئے۔ ٹرانسپیرنسی انٹرنیشنل کی طرف سے خطوط لکھنے کی ابتدا پچھلے سال مئی کے مہینے سے اس وقت شروع ہوئی جب پاکستانی حکومت اور پاکستانی محکمے کرونا سے بچاﺅ کے لیے بین الاقوامی اور لوکل کمپنیوں سے طبی آلات اور ایکوپمنٹ خریدنے شروع کیے تھے۔

رواں سال کے آخری مکمل سورج گرہن کا آغاز ہوگیا۔

خبر ایجنسی کے مطابق  جنوبی انٹارکٹیکا میں مکمل سورج گرہن دیکھاجارہاہے۔

محکمہ موسمیات کے مطابق سورج گرہن کا آغاز پاکستانی وقت کے مطابق صبح 10 بج کر 29 منٹ پر ہونا تھا اور سورج کو مکمل گرہن دوپہر 12 بجے لگے گا۔

محکمہ موسمیات کا بتانا ہے کہ سورج گرہن کا اختتام دوپہر 2 بج کر37 منٹ پرہوگا، سورج گرہن جنوبی افریقا، جنوبی آسٹریلیا اور جنوبی امریکا میں نظر آئے گا۔

اس کے علاوہ سال کا آخری مکمل سورج گرہن بحر ہند ، بحر اوقیانوس، بحر الکاہل، انٹارکٹیکا میں بھی دیکھا جاسکے گا جب کہ پاکستان میں اس کا نظارہ نہیں کیا جاسکے گا۔

لاہور (خصوصی رپورٹر) خصوصی افراد کے حقوق کے عالمی دن پر بزدار حکومت کا خصوصی افراد کیلئے تاریخ ساز اقدام، وزیراعلیٰ پنجاب سردار عثمان بزدار نے خصوصی افراد کی مالی معاونت کیلئے ساڑھے 3 ارب روپے کے ”ہمقدم“ پروگرام کا افتتاح کر دیا۔ وزیراعلیٰ آفس میں پنجاب احساس پروگرام کے تحت” ہمقدم“ پروگرام کی افتتاحی تقریب منعقد ہوئی۔ وزیراعلیٰ عثمان بزدار نے ”ہمقدم“ پروگرام کے تحت مالی معاونت کیلئے اہل خصوصی افراد میں رجسٹریشن سرٹیفکیٹ تقسیم کئے۔ وزیراعلیٰ عثمان بزدار نے کہا کہ ساڑھے 3 ارب روپے کی لاگت سے خصوصی افراد کے لئے” ہمقدم“ پروگرام کا آغاز تاریخی اقدام ہے۔”ہمقدم“ پروگرام کے تحت خصوصی افرادکی مالی معاونت کی جائے گی۔”ہمقدم “ پروگرام سے ساڑھے 63 ہزار سپیشل افراد مستفید ہوں گے ۔ انہوں نے کہا کہ خصوصی افراد کو 27 کروڑ روپے کے بلا سود قرضے دیئے جا رہے ہیں اور 10 کروڑ روپے سے خصوصی افراد کو وہیل چیئر، آلہ سماعت اور دیگر ضروری آلات کی فراہمی کا منصوبہ شروع کیا جا رہا ہے۔ وزیراعلیٰ عثمان بزدار نے کہا کہ سپیشل افراد معاشرے کا اہم حصہ ہیں ۔ ماضی کی حکومت کی عدم توجہ کے باعث خصوصی افراد کو سماجی و معاشی مسائل کا سامنا کرنا پڑا۔خصو صی افراد کو قومی دھارے میں شامل کیا جانا بہت اہمیت کا حامل ہے اور خصوصی افرادکی معاشی خودمختاری کیلئے آسانیاں پیدا کرنا ہماری حکومت کی ترجیح ہے۔ خصوصی افراد کو سماجی و معاشی ترقی کے مساوی مواقع فراہم کرنے کیلئے ٹھوس اقدامات کئے ہیں۔ انہوں نے کہا کہ پنجاب احساس پروگرام کے تحت خصوصی افرا دکیلئے ”ہمقدم“ پروگرام کی تقریب میں شرکت میرے لئے اعزاز ہے کیونکہ یہ تقریب معاشرے کے خصوصی افراد کی فلاح و بہبود کیلئے منعقد کی گئی ہے جو ہم سب کیلئے سپیشل ہیں۔وزیراعظم عمران خان کے ویژن کے تحت حکومت پنجاب نادار اور محروم معیشت طبقات کی فلاح و بہبود کیلئے سرگرم عمل ہے۔ پنجاب احساس پروگرام کے تحت پسماندہ طبقات کے معیار زندگی میں بہتری، عدل، مساوات اور بنیادی ضروریات زندگی کی فراہمی یقینی بنائی جا رہی ہے۔وائس چیئرمین پنجاب سوشل پروٹیکشن اتھارٹی ناصر جمال چیمہ نے ”ہمقدم“ پروگرام اور اتھارٹی کے جاری اور مستقبل کے پروگراموں کے بارے میں بریفنگ دی۔ صوبائی وزیر سوشل ویلفیئر سید یاور بخاری، ایڈیشنل چیف سیکرٹری داخلہ، وائس چیئرمین پنجاب سوشل پروٹیکشن اتھارٹی ناصر جمال چیمہ، ایم پی اے مسرت جمشید چیمہ، سہیل ظفر، سلیم بریار، چیف ایگزیکٹو آفیسر پنجاب سوشل پروٹیکشن اتھارٹی، سیکرٹری اطلاعات، ڈی جی پی آر اور متعلقہ حکام بھی اس موقع پر موجود تھے۔ وزےراعلیٰ پنجاب سردار عثمان بزدار نے کہا ہے کہ حکومت کو عام آدمی کے مسائل کا پورا ادراک ہے۔ مہنگائی پر قابو پانے کیلئے ہر ممکن اقدام کیا جا رہا ہے۔ضلع کی سطح پر پرائس کنٹرول کمیٹیوں کو متحرک کر دیا گیا ہے۔

شہباز شریف، بلاول بھٹو، نوازشریف اور فضل الرحمن کا حکومت کیخلاف رابطے بڑھانے کافیصلہ۔
اپوزیشن کا حکومتی نااہلی و ناقص کارکردگی پر بھی سیاست کرنے کا فیصلہ۔
حکومت اور اپوزیش میں سیاسی محاذ آرائی اور کشیدگی بڑھ گئی۔
اپوزیشن کا قومی سلامتی کمیٹی کے اجلاس کا بھی بائیکاٹ۔
پارلیمنٹ میں شدید مزاحمت ہوگی۔ اپوزیشن اتحاد مزید فعال بنانے پر اتفاق۔
عوامی سطح پر حکومت مخالف مزاحمت بڑھے گی۔

اسلام آباد:پاکستان میں بڑھتی فضائی آلودگی پر وزیر اعظم عمران خان نے اظہار تشویش کرتے ہوئے کہا کہ سموگ سمیت فضائی آلودگی خاموش قاتل ہے ،اس سے بچنے کیلئے تمام شہروں کی انتظامیہ اور سرکاری ادارے آج کے بعد الیکٹرک بسیں خریدیں گے،سموگ میں کمی  لانے کے لئے ریجنل ایشو کی حثیت دے کر بھارت سے رابطہ کیا جائے گا ۔

وزیراعظم   عمران خان کی زیر صدارت فضائی آلودگی کی صورتحال کا جائزہ لینے کے لئے اجلاس  اسلام اباد میں ہوا ،پنجاب اور خیبر پختونخوا کے وزرائے اعلی، وفاقی اور صوبائی وزرا سمیت اعلی حکام نے  شرکت کی ،وزیراعظم کو فضائی آلودگی بالخصوص سموگ کی صورتحال پر بریفنگ دی گئی  اور اسکے خاتمے کیلئےمعاون خصوصی موسمیاتی تبدیلی ملک امین اسلم نے وزیراعظم کو 15 نکاتی ایکشن پلان پیش   کرتے ہوئے فضائی آلودگی میں کمی کے لئے پاکستان میں یورو فائیو پٹرول درآمد کرنے سفارش کی۔

وزیراعظم نے کہا کہ یورو فائیو کی درآمد تک مقامی آئل ریفائنریز بھی یورو فائیو کے معیار کا پٹرول تیار کریں،اجلاس کو  بریفنگ میں مزید بتایا گیا کہ اینٹوں کے بھٹہ مالکان  پابندی کے باوجود بجلی بچانے کے لئے پاور پلانٹس استعمال نہیں کرتے، ایکشن پلان  کے تحت اینٹوں کے بھٹوں کو بجلی پر منتقل کرنے کے فیصلے پر عملدرآمد یقینی بنانے کیلئے اصولی اقدامات اُٹھانے کا بھی فیصلہ کیا گیا ۔

عمران خان نے سیالکوٹ واقعے پر افسوس کا اظہار کرتے ہوئے کہا ہے کہ یہ واقعہ پاکستان کے لیے شرم ناک دن ہے، ذمہ داروں کو قانون کے مطابق سخت سزا دی جائے گی۔
وزیراعظم عمران خان نے اپنے ٹویٹ میں کہا ہے کہ سیالکوٹ فیکٹری پر حملہ آور سری لنکن منیجر کو زندہ جلانا پاکستان کے لیے شرمناک دن ہے۔
وزیراعظم نے کہا کہ میں خود اس کیس کی تحقیقات کی نگرانی کر رہا ہوں، اس میں غلطی کی کوئی گنجائش نہیں، واقعے میں ملوث ملزمان کی گرفتاریاں جاری ہیں، تمام ذمہ داروں کو قانون کے مطابق سخت سزا دی جائے گی۔
واضح رہے کہ آج سیالکوٹ کی ایک نجی فیکٹری میں ہجوم نے تشدد کرکے سری لنکن مینیجر کو موت کے گھاٹ اتار دیا بعد ازاں سڑک بلاک کرکے اس کی لاش کو نذر آتش کردیا۔

‏سیالکوٹ میں مشتعل ہجوم کا سری لنکن پرانتھا کمارا کا بہیمانہ قتل انتہای قابل مزمت اور شرمناک ہے- آرمی چیف
ایسے ماوراے عدالت اقدام قطعاً ناقابل قبول ہیں – آرمی چیف
اس گھناونے جرم کے مرتکب افراد کو کیفر کردار تک پہنچانے کے لیے سول ایڈمنسٹریشن کو ہر ممکن مدد فراہم کی جاے – آرمی چیف