ممبئی: (ویب ڈیسک) بھارت کی مشہور اداکارہ سوناکشی سنہا کی جانب سے انسٹاگرام پر تازہ پوسٹ جاری کیے جانے کے بعد شوبز شخصیات نے انہیں منگنی کی مبارکباد دینا شروع کر دی ہے۔
انسٹاگرام پر شیئر کی گئی پوسٹ میں دیکھا گیا ہے کہ سوناکشی سنہا نے بڑے پتھر والی انگوٹھی انگلی میں پہن رکھی ہے جبکہ کسی شخص کے ساتھ تصویر بھی بنوائی ہے۔
ھارتی اداکارہ نے اپنی پوسٹ میں لکھا کہ ’’آج ان کے لیے ایک بڑا دن ہے کیونکہ میرا سب سے بڑا خواب پورا ہونے جا رہا ہے اور میں یہ خوشخبری شیئر کرنے کے لیے مزید انتظار نہیں کر سکتی‘‘۔
سوناکشی سنہا کی پوسٹ پر مداحوں اور دوستوں نے خوشی کا اظہار کرتے ہوئے ڈھیروں مبارکباد بھی دی ہیں، جن میں شبانی ڈنڈیکر، آنانیا برلا، کبرا سیٹھ، پریانکا شرما اور دیگر شامل ہیں۔
