All posts by Khabrain News

اہم خبریں, پاکستان

پیپلزپارٹی کی فنڈنگ کے ثبوت ہیں تو سامنے لائیں، شازیہ مری کا چیلنج

اسلام آباد: (ویب ڈیسک) وفاقی وزیر شازیہ مری نے چیلنج کرتے ہوئے کہا کہ پیپلز پارٹی کی فنڈنگ کے ثبوت ہیں تو سامنے لائیں، فارن فنڈنگ کا سنگین جرم عمران خان پر ثابت ہو چکا ہے، فیصلہ آ گیا ہے، اب اس پر قانونی چارہ جوئی کی جائے گی،
اسلام آباد میں فیصل کریم کنڈی کے ہمراہ پریس کانفرنس کے دوران وفاقی وزیر نے کہا کہ اکاؤنٹ چھپانا قانون کی خلاف ورزی ہے ، باہر سے پیسہ لا کر پاکستان میں سیاسی مقاصد کے لئے استعمال کیا گیا،عارف نقوی کی طرف سے عمران خان کو ممنوعہ فنڈنگ ملی، آج کے فیصلے نے ثابت کر دیا کہ عمران خان جھوٹا اور چور ہے۔
شازیہ مری کا کہنا تھا کہ اگر پیپلز پارٹی کی فنڈنگ کے خلاف آپ کے پاس ثبوت ہیں تو سامنے لائیں، فارن فنڈنگ کیس کسی اور نے نہیں بلکہ پی ٹی آئی کے ہی ایک بانی رکن نے کیا اور یہ سنگین جرم عمران خان پر ثابت ہو چکا ہے۔

اہم خبریں, پاکستان

حکومت پی ٹی آئی اور عمران خان پر پابندی لگانے کا طے کرے گی: وفاقی وزرا

اسلام آباد: (ویب ڈیسک) وفاقی وزیر قانون اعظم نذیر تارڑ اور وفاقی وزیر داخلہ رانا ثنا اللہ نے کہا ہے کہ حکومت پی ٹی آئی اور عمران خان پر پابندی لگانے کا طے کرے گی، یہ بھی دیکھا جائے گا کہ پارٹی کے دیگر ارکان بھی نا اہل ہوں گے یا نہیں، پی ٹی آئی چیئرمین پر حقائق چھپانے پر تاحیات پابندی ہونی چاہیے، سپریم کورٹ کا فل بنچ معاملے کی سماعت کرے۔
رانا ثنا اللہ کے ہمراہ پریس کانفرنس کرتے ہوئے اعظم نذیر تارڑ نے کہا کہ سابق وزیراعظم عمران خان نے کروڑوں روپے کے فنڈز لے کر اپنی سیاست چمکائی، الیکشن کمیشن کی جانب سے ممنوعہ فنڈنگ کیس کا فیصلہ آنے کے بعد عمران خان کو قوم سے معافی مانگ کر مستعفی ہونا چاہئے، آج ایک آئینی ادارہ نے عمران خان کو چور ڈکلیئر کر دیا ہے، انہوں نے خیرات کا پیسہ سیاست کیلئے استعمال کیا، ہر سیاسی پارٹی کو الیکشن کمیشن کو اخراجات، آمدن اور ذرائع بتانے ہوتے ہیں، پی ٹی آئی نے اپنے اکاؤنٹس سے لاتعلقی کا اظہار کیا، عمران خان کا منی ٹریل ان کے بیانیہ کے خلاف ہے۔
انہوں نے مزید کہا کہ ہر سیاسی پارٹی کو الیکشن کمیشن کو اخراجات، آمدن اور ذرائع بتانا ہوتے ہیں، پی ٹی آئی نے اپنے اکاؤنٹس سے لاتعلقی کا اظہار کیا ہے، پی ٹی آئی کے سربراہ کی منی ٹریل ان کے بیانیہ کے خلاف ہے۔
رانا ثنا اللہ نے کہا کہ آج ایک آئینی ادارہ نے عمران خان کو چور ڈکلیئر کر دیا ہے، پی ٹی آئی کے سربراہ نے خیرات کا پیسہ سیاست کیلئے استعمال کیا، الیکشن کمیشن کی جانب سے آج جو فیصلہ آیا ہے عمران خان کو قوم سے معافی مانگ کر مستعفی ہونا چاہئے۔
وفاقی وزیر داخلہ نے آرمی ہیلی کاپٹر حادثہ میں شہید ہونے والے پاک فوج کے افسران اور عملہ کے درجات کی بلندی کی دعا کی اور کہا کہ گذشتہ روز جب ہیلی کاپٹر لاپتہ ہوا تھا تو پوری قوم اپنے فوجی بھائیوں کی سلامتی کیلئے دعاگو تھی۔ ابھی ابھی اطلاع موصول ہوئی ہے کہ لاپتہ ہونے والے ہیلی کاپٹر میں سوار پاک فوج کے افسران اور عملہ شہید ہو چکا ہے۔
انہوں نے دعا کی کہ ﷲ تعالیٰ شہدا کے خاندانوں کو صبر جمیل عطاء فرمائے اور یہ صدمہ برداشت کرنے کی ہمت اور توفیق دے۔
وزیر داخلہ نے کہا کہ قرآن پاک میں ملک کیلئے جان دینے والوں کے حوالہ سے اﷲ تعالیٰ کا واضح حکم ہے کہ ان کو مردہ نہ کہو بلکہ وہ زندہ ہیں لیکن تم اس کا شعور نہیں رکھتے، یہ صدمہ ہم سب کیلئے ناقابل برداشت ہے۔
اعظم نذیر تارڑ نے کہا کہ ﷲ تعالیٰ ہمارے شہیدوں اور قوم کے بہادر بیٹوں کی قربانیوں کے صدقے ہمارے لئے آسانیاں پیدا کرے، بلوچستان سمیت ملک میں سیلاب میں گھرے لوگوں کیلئے آسانیاں پیدا کرے۔ انہوں نے ہیلی کاپٹر حادثہ کے شہداء کی بلندی درجات کیلئے دعا بھی کی۔

کھیل

ایشیا کپ 2022ء کے شیڈول کا اعلان، 28 اگست کو پاک بھارت ٹاکرا

لاہور: (ویب ڈیسک) ایشین کرکٹ کونسل (اے سی سی) نے ایشیاکپ 2022 کے شیڈول کا اعلان کردیا، پاکستان اور بھارت کی ٹیمیں 28 اگست اتوار کو دبئی کرکٹ اسٹیڈیم میں ایک دوسرے کے مدمقابل آئیں گی۔
ایشین کرکٹ کونسل کے صدر جے شاہ نے تصدیق کی ہے کہ ٹورنامنٹ کے مکمل شیڈول کا اعلان کردیا گیا ہے،میگا ایونٹ کا افتتاحی میچ 27 اگست کو سری لنکا اور افغانستان ہوگا۔
ایشین ٹائٹل پر حکمرانی کی جنگ 27 سے شروع ہوگی جبکہ ایونٹ کا فائنل دبئی انٹرنیشنل اسٹیڈیم میں 11 ستمبر کو کھیلا جائے گا۔
روایتی حریف پاکستان اور بھارت کی ٹیمیں آئی سی سی ٹی20 ورلڈکپ 2021 کے بعد پہلی بار ایک دوسرے کے مدمقابل آئیں گی، ایونٹ میں قومی ٹیم نے بھارتی سورماؤں کو بابراعظم کی قیادت میں 10 وکٹوں سے شکست دی تھی۔
واضح رہے کہ ایشیا کپ کا انعقاد ہر 2 سال بعد کیا جاتا ہے تاہم 2020 میں ایشین کرکٹ کونسل (اے سی سی) نے کوروناکے باعث ٹورنامنٹ منسوخ کر دیا تھا۔
یاد رہے کہ سال 2023 میں ایشیا کپ کی میزبانی پاکستان کرے گا۔

دلچسپ و عجیب

برطانیہ میں 800 سال پُرانا لاکٹ دریافت

برمنگھم: (ویب ڈیسک) برطانیہ میں ایچ ایس 2 ہائی اسپیڈ ریل منصوبے پر کام کرنے والے ماہرینِ آثارِ قدیمہ نے 800 سال پُرانا ایک لاکٹ دریافت کیا ہے جس پر سونے کے تین شیر بنے ہوئے ہیں۔
12ویں صدی عیسوی سے تعلق رکھنے والا یہ انمول خزانہ برمنگھم کے جنوب مشرق میں موجود واروِکشائر کے علاقے کے گاؤں وورملیٹن سے دریافت ہوا۔ اس لاکٹ میں لال رنگ پر تین سنہرے شیر بنے ہوئے ہیں۔ یہ ڈیزائن بالکل ویسا ہی ہے جیسا انگلش فٹبال ٹیم کی قمیص پر بنا ہوتا ہے۔
اس لاکٹ کی چوڑائی دو سینٹی میٹر اور لمبائی چار سینٹی میٹر سے تھوڑی زیادہ تھی اور اوپر کی جانب ایک کنڈا لگا ہے جس سے اسے باندھا جاتا تھا۔ ماہرینِ کا خیال ہے کہ جس وقت یہ لاکٹ کھویا اس وقت یہ ممکنہ طور پر نیا تھا۔
شیروں کو انگلینڈ کے نشان کے طور پراستعمال کیا جانا پہلے نارمن بادشاہ ولیم فاتح کے دور سے جُڑتا ہے جس نے 1066 عیسوی سے 1087 عیسوی تک حکومت کی۔
بادشاہ ولیم فاتح نے لال پس منظر پر دو شیروں کو استعمال کیا اور انگلش تخت کا نشان بنایا۔ اس نشان میں تیسرے شیر کا اضافہ ہینری دوم نے کیا جو 1154ء سے 1189ء تک انگلینڈ کا بادشاہ رہا۔
ایچ ایس 2 کے مطابق جس جگہ یہ لاکٹ پایا گیا وہاں آہنی دور یا رومی و برطانوی بستیاں آباد ہوں گی۔

دلچسپ و عجیب

اس درخت کے پاس نہ جائیں، ورنہ چھ ماہ قید اور 5 ہزار ڈالر جرمانہ ہوسکتا ہے

کیلیفورنیا: (ویب ڈیسک) دنیا کا بلند ترین زندہ درخت امریکا میں واقع ہے لیکن اب وہاں جانے سے 5 ہزار ڈالر جرمانہ اور 6 ماہ قید کی سزا بھی ہوسکتی ہے۔
کیلیفورنیا کے ریڈ وُڈ نیشنل پارک کی انتظامیہ نے کہا ہے کہ ان کی حدود میں موجود ’ہائپیریئن‘ نامی درخت کو مہم جو حضرات سے شدید ماحولیاتی خطرات لاحق ہیں کیونکہ 2006ء سے یہاں راستہ نہ ہونے کے باوجود لوگوں کی بڑی تعداد پہنچ رہی ہے اور درخت کو متاثر کررہی ہے۔ اسی لیے اب اس کے قریب جانے پر بھی سخت پابندیاں عائد کی جارہی ہیں۔
ریڈووڈ نامی اس درخت کی اونچائی قریباً 116 میٹر ہے جس کا نامی یونانی دیوتا پر رکھا گیا ہے۔ یہ پارک کے اندر بہت دور موجود ہے جہاں کوئی کچا پکا راستہ نہیں جاتا اور اطراف میں سبزہ بھرا ہے۔ اس کے باوجود لوگ یہاں آرہے ہیں۔ اسے دیکھنے کے لیے سیاح سبزے کو کاٹتے ہوئے آگے بڑھتے ہیں جس سے ماحول کو دگنا نقصان ہورہا ہے۔
یوٹیوبر، بلاگر اور دیگر افراد نے اس کی تفصیلات اور پتا دے کر لوگوں کے تجسس کو بڑھایا ہے اور لوگ ماحول کو نقصان پہنچا کر یہاں پہنچ رہے ہیں۔ یہاں عوام کو سوچنا ہوگا کہ اس طرح وہ ماحول کو دوست بنارہے ہیں یا پھر اس کے دشمن بن رہے ہیں۔
پارک سے وابستہ ایک افسر، لیونل آرگیلو نے بتایا کہ پارک کی گہرائی میں جی پی ایس اور موبائل فون کے سگنل بہت ہی کمزور ہیں جس کے بعد زخمی یا بھٹک جانے والے افراد کی تلاش اور بحالی بہت مشکل ہوجاتی ہے۔
دوسری جانب درخت کے تنے کی ٹوٹ پھوٹ اور متاثرہ ہونے کا عمل بھی انسانی مداخلت سے بڑھ چکا ہے یہاں تک کہ لوگ یہاں جانے والی راہ پر جگہ جگہ کچرا پھینک رہے ہیں اور سبزے کو بطور بیت الخلا استعمال کررہے ہیں۔

سائنس و ٹیکنالوجی

پرووسکائٹ، سلیکون سولر سیل کی افادیت بڑھانے میں غیرمعمولی پیشرفت

سعودی عرب: (ویب ڈیسک) دنیا بھر میں شمسی سیل کی کارکردگی بڑھانے کے لیے نت نئی اختراعات جاری ہیں اور اب اس ضمن میں ایک اہم پیشرفت سامنے آئی ہے جس کے تحت
دھاتی فلورائیڈ شامل کرکے پرووسکائٹ، سلیکون سینڈوچ (ٹینڈم) سولر سیل کی افادیت غیرمعمولی طور پر بڑھائی گئی ہے۔
کنگ عبداللہ یونیورسٹی برائے سائنس و ٹیکنالوجی کے ماہرین نے اس کے لیے پرووسکائٹ معدن اور روایتی سلیکون کی کئی پرتوں پر مشتمل سولر سیل بنایا اور ان کے
درمیان دھاتی (میٹل) فلورائیڈ کی کی باریک پرت لگائی گئی ہے۔ گزشتہ کئی برس سے دوہری پرت والے ٹینڈم شمسی سیل کی افادیت بڑھ کر سامنے آئی ہے اور یوں ان پر تحقیق کا دائرہ بڑھا ہے۔ تاہم اب اس میں دھاتی فلورائیڈ کا اضافہ ایسے شمسی سیلوں کو چار چاند لگاسکتا ہے۔
اس ضمن میں جامعہ کے سائنسدانوں نے پرووسکائٹ کے ساتھ ایک باریک تہہ میگنیشیئم فلورائیڈ کی لگائی ہے جس نے پرووسکائٹ سے الیکٹرون کے اخراج کو بڑھایا ۔ اس طرح تجرباتی طورپر ایک سولر سیل میں 50 ملی واٹ بجلی زیادہ ملنے لگی۔ اس طرح جو نیا شمسی سیل بنایا گیا اس کی افادیت 29.3 فیصد تک جاپہنچی۔ دوسری جانب یہ عمل مستحکم رہا اور وقت گزرنے کے ساتھ ساتھ اس پر کوئی فرق نہٰیں پڑا۔

سائنس و ٹیکنالوجی

اسٹرابیری کا ایک اور فائدہ دریافت، دماغ کے لیے بھی مفید قرار

شکاگو: (ویب ڈیسک) آپ کی سلاد، دلیہ یا پھر کھانے میں شامل خوش ذائقہ اسٹرابیری کا ایک اور فائدہ سامنے آیا ہے کہ اب یہ دماغ کی بھی دوست ثابت ہوئی ہے اور بالخصوص الزائیمر کی وجہ بننے والے ٹاؤ پروٹین میں اضافے کو روکتی ہے۔
شکاگو میں واقع رش یونیورسٹی سے وابستہ الزائیمر تحقیقی مرکز سے وابستہ سائنس دانوں نے اسٹرابیری میں پیلارگونائڈن نامی مرکب دریافت کیا ہے جو دماغ میں ٹاؤ پروٹین بننے سے روکتا ہے۔ یہ پروٹین گچھوں کی صورت جمع ہوکر دماغ کی فکری اور اکتسابی صلاحیت کو شدید متاثر کرتا ہے۔
تحقیق سے وابستہ جولی شنائیڈر کہتی ہیں کہ اسٹرابیری کا مرکب پیلارگونائڈن مجموعی طورپر دماغی سوزش (انفلیمیشن) کم کرتا ہے۔ اس سے سائٹوکائن نامی پروٹین کی پیداوار بھی کم ہوتی ہے جو سوزش کی وجہ بنتی ہے۔ اس طرح بزرگ افراد میں الزائیمر کے حملے کو روکا جاسکتا ہے یا کم ازکم اسے سست ضرور کیا جاسکتا ہے۔
ماہرین نے یہ بھی بتایا کہ تمام بیریوں میں واحد اسٹرابیری ہے جس میں پیلارگونائڈن کی سب سے زائد مقدار پائی جاتی ہے۔ سائنسدانوں نے کہا ہے کہ اس ضمن میں مزید تحقیق کی ضرورت ہوگی لیکن اگر یہ بات ثابت ہوجاتی ہے تو اسٹرابیری جیسے عام پھل سے الزائیمر جیسی تکلیف دہ اور مشکل بیماری کو قابو کرنے میں کچھ مدد ضرور مل سکے گی۔
اس ضمن میں مسلسل 20 برس تک 575 افراد کا جائزہ لیا گیا اور معلوم ہوا کہ اسٹرابیری کھانے سے ٹاؤ پروٹین واقعی کم ہوتا ہے۔ اس مضرپروٹین کی کمی اور اندرونی سوزش کم ہونے سے دماغ توانا رہتا ہے اور الزائیمر جیسے امراض کو دور رکھا جاسکتا ہے۔

بزنس

سونے کی قیمت میں مسلسل دوسرے روز کمی ریکارڈ

لاہور: (ویب ڈیسک) ملک بھر میں فی تولہ سونے کی قیمت میں دوسرے روز بھی کمی ریکارڈ کی گئی۔
تفصیلات کے مطابق بین الاقوامی مارکیٹ میں فی اونس سونے کی قیمت میں 6 امریکی ڈالر اضافہ ریکارڈ کیا گیا اور نئی قیمت ایک ہزار 780 امریکی ڈالر ہو گئی ہے۔
ملکی صرافہ مارکیٹوں لاہور، کراچی، اسلام آباد، پشاور، کوئٹہ، حیدر آباد، سکھر، گوجرانوالا، راولپنڈی، فیصل آباد سمیت دیگر جگہوں پر فی تولہ سونے کی قدر 3500 روپے کمی کے بعد 1 لاکھ 54 ہزار 900 روپے ہوگئی ہے۔
اُدھر دس گرام سونے کی قیمت 3001 روپے کم ہو کر 1 لاکھ 31 ہزار 945 روپے ہے۔

بزنس

پاکستان نے آخری پیشگی شرط پوری کردی ہے: آئی ایم ایف

اسلام آباد: (ویب ڈیسک) عالمی مالیاتی ادارے (آئی ایم ایف) کا کہنا ہے کہ پاکستان نے 31 جولاِئی کو پٹرولیم ڈیویلپمنٹ لیوی میں اضافہ کیا، پی ڈی ایل بڑھانے سے پاکستان نے آخری پیشگی شرط پوری کردی ہے۔
آئی ایم ایف کے نمائندے نے بتایا کہ پاکستان نے مشترکہ طور پر ساتویں اور آٹھویں جائزے کے لیے پیشگی شرط پوری کردی ہے، یہ شرط 31 جولائی کو پٹرولیم ڈیویلپمنٹ لیوی میں اضافہ کرکے پوری کی گئی، اس کے ساتھ ہی پاکستان نے ساتویں اور آٹھویں جائزے کے لیے پیشگی کارروائی بھی پوری کردی ہے۔
آئی ایم ایف کے نمائندے کا کہنا ہے کہ مناسب مالیاتی یقین دہانیوں کی تصدیق ہونے کے بعد بورڈ میٹنگ کا اجلاس طلب کیا جائیگا، بورڈ میٹنگ کا اجلاس عارضی طور پر 24 اگست کو بلایا جاسکتا ہے۔
عالمی مالیاتی ادارے کے نمائندے کا کہنا ہے کہ یواے ای، سعودی عرب، چین کی جانب سے مناسب مالیاتی یقین دہانیوں کے ساتھ نجکاری کے عمل سے بھی مناسب مالیاتی مدد ملنے کی یقین دہانی کرائی گئی ہے۔

بزنس

روپے کے مقابلے امریکی ڈالر کی قیمت میں کمی

کراچی: (ویب ڈیسک) انٹر بینک میں ڈالر کی قدر میں کمی کا سلسلہ آج بھی جاری رہا
وزیر خزانہ اور اسٹیٹ بینک کی معاشی استحکام کی یقین دہانیوں کے باعث انٹر بینک مارکیٹ میں ڈالر کی قدر میں کمی کا سلسلہ تیسرے کاروباری روز بھی جاری رہا، انٹر بینک میں ڈالر 46 پیسے کمی کے بعد 238 روپے 38 پیسے پر بند ہوا۔
تین کاروباری روز میں انٹر بینک میں ڈالر کی قیمت میں 1 روپے 48 پیسے کمی ہوچکی ہے، اوپن مارکیٹ میں آج ڈالر بغیر کسی تبدیلی کے 241 روپے پر ٹریڈ ہوا۔