لاہور ( ویب ڈیسک) تفصیلات کے مطابق سوشل میڈیا پر اس وقت افواہوں کا بازار گرم ہے کوئی آرمی چیف کی برطرفی کی باتیں کرتا دکھائی دیتا ہے تو کسی جانب سے وزیر اعظم کے استعفے کی باتیں گرم ہیں تو کہیں مارشل لاء کی آوازیں ہیں۔ درحقیقت یہ ساری افواہیں ہیں جن میں کسی بھی قسم کی سچائی نہیں، وزیراعظم نے سینئیر صحافیوں سے ملاقات میں ہر طرح کی افواہوں کی تردید کر دی

اسلام آباد: (ویب ڈیسک) پاکستان تحریک انصاف ( پی ٹی آئی) کے چیئر مین عمران خان کیلئے سابق وزیراعظم کی سکیورٹی کےانتظامات کی تیاریاں جاری ہیں۔
ذرائع کے مطابق وزیراعظم کے پرنسپل سیکرٹری اعظم خان نے سیکرٹری داخلہ کو خط لکھ دیا ہے۔
خط میں کہا گیا ہے کہ عمران خان کی سابق وزیراعظم کے طور پر سکیورٹی کا انتظام کیا جائے اور سکیورٹی کے مجوزہ طریقہ کار کے تحت انتظامات عمل میں لائے جائیں۔
خط میں سیکرٹری داخلہ کو کہا گیا ہے کہ سابق وزیراعظم کو کونسی سکیورٹی ملتی ہے، آگاہ کیا جائے۔

اسلام آباد: (ویب ڈیسک) وزیراعظم عمران خان کی زیرصدارت ہونے والے وفاقی کابینہ کے اہم ترین اجلاس میں دھمکی آمیز خط اہم ملکی شخصیات سے شیئر کرنے کی منظوری دے دی گئی ہے۔

اسلام آباد: (ویب ڈیسک)نائب صدر مسلم لیگ مریم نواز نے عدالتی احکامات کی خلاف ورزی پر سپریم کورٹ سے بڑا مطالبہ کردیا ہے۔
تفصیلات کے مطابق سماجی رابطے کی ویب سائٹ مریم نواز نے لکھا کہ قومی اسمبلی میں ہونے والے تماشے پر سپریم کورٹ اپنے احکامات کی صریح خلاف ورزی کافوری نوٹس لے۔
مریم نواز نے لکھا کہ سپریم کورٹ عمران خان، اسپیکر او رڈپٹی اسپیکر کو گرفتار کرنےکا حکم دے، ان کی فوری گرفتاریوں کا حکم دیا جائے اس سے قبل وہ سب کچھ اڑاکر رکھ دیں۔
لیگی نائب صدر نے مزید لکھا کہ بیوروکریسی، انتظامیہ حکومت کے احکامات ماننے سے انکار کرے۔
ادھر قومی اسمبلی کا ہنگامہ خیز اجلاس جاری ہے جہاں آج چوتھی بار وقفہ کیا گیا ہے، اپوزیشن کا الزام ہے کہ حکومت اوچھے ہتھکنڈے استعمال کرتے ہوئے تحریک عدم اعتماد پر ٹال مٹول سے کام لے رہی ہے۔
جبکہ قومی اسمبلی سیکریٹریٹ کا کہنا ہے کہ آج ہر صورت تحریک عدم اعتماد پر ووٹنگ کرائی جائے گی۔

اسلام آباد: (ویب ڈیسک) وزیراعظم عمران خان کی زیرصدارت وفاقی کابینہ کا ہنگامی اجلاس وزیراعظم ہاؤس میں شروع ہوگیا، جس میں اہم فیصلے متوقع ہیں۔
تحریک عدم اعتماد پر ووٹنگ سے پہلے وزیر اعظم عمران خان کی زیر صدارت اجلاس بنی گالہ میں جاری ہے، جس میں ملک کی موجودہ صورت حال پر غور کیا جارہا ہے۔
دوسری جانب تحریک عدم اعتماد پر ووٹنگ کےلیے قومی اسمبلی کا اجلاس صبح ساڑھے 10 بجے شروع ہوا تھا، جسے مخلتف وجوہات اور نماز کے وقفے کے باعث اب تک چار بار ملتوی کیا جاچکا ہے۔
اس سے قبل اپوزیشن ارکان کا کہنا ہے کہ حکومتی ارکان کہہ رہے ہیں کہ آپ افطار تک ہماری تقاریر سنیں افطار کے بعد تحریک پر ووٹنگ کرائیں گے۔
ن لیگ کی رہنما مریم اورنگزیب کا کہنا ہے کہ اسپیکر کے ساتھ ووٹنگ ملتوی کرنے کا کوئی معاہدہ نہیں ہوا، ووٹنگ آج ہی ہوگی۔ اپوزیشن نے حکومتی ارکان کی کوئی شرط نہیں مانی، آج ہمارا صرف ایک ایجنڈا ہے اور وہ ہے ووٹنگ۔