کراچی: (ویب ڈیسک) رکن قومی اسمبلی عامر لیاقت کی بیٹی دعا نے پوسٹ مارٹم کیلئے منع کر دیا۔
خیال رہے کہ رکن قومی اسمبلی ڈاکٹر عامر لیاقت حسین کراچی کے نجی ہسپتال میں انتقال کر گئے، ڈاکٹر عامر لیاقت کے ملازم نے بتایا کہ رکن اسمبلی کی طبیعت صبح خراب ہوئی جس کے بعد وہ بے ہوش ہو گئے، انہیں نجی ہسپتال منتقل کیا گیا جہاں ڈاکٹرز نے ان کی وفات کی تصدیق کر دی۔
پولیس کا کہنا تھا کہ عامر لیاقت کی لاش کا پوسٹ مارٹم کیا جائے گا جس کے بعد میت اہل خانہ کے حوالے کی جائے گی، تاہم اب مرحوم کی بیٹی نے پوسٹ مارٹم کے لئے منع کردیا ہے۔
عامر لیاقت کی میت کو چھیپا سرد خانے روانہ کردیا گیا ہے، مرحوم کے صاحبزادے کی لندن سے واپسی تک پوسٹ مارٹم نہ کرنے کا فیصلہ کیا گیا ہے۔

اسلام آباد: (ویب ڈیسک) سپریم کورٹ اور ہائی کورٹ کے ججز کی تنخواہوں اور الاؤنسز میں 10فیصد اضافے کی منظوری دے دی گئی۔
صدر مملکت ڈاکٹر عارف علوی نے وزیر اعظم کی ایڈوائس پر تنخواہوں میں اضافے کی منظوری دے دی ہے۔ صدر مملکت نے منظوری آئین کے آرٹیکل 205 کے تحت دی ہے۔

لاہور: (ویب ڈیسک) تحریک انصاف کے چیئرمین عمران خان نے منحرف ارکان کے حلقوں میں عوامی اجتماعات سے خطاب کا فیصلہ کیا ہے، منحرف ارکان کو انتخاب میں ناکام بنانے کے لئے عمران خان خود میدان میں آئیں گے۔
تحریک انصاف کی متعلقہ تنظیموں نے عمران خان کو منحرف ارکان کے حلقوں میں جلسوں سے خطاب کی دعوت دیدی ہے، عمران خان پنجاب اسمبلی کے 20 حلقوں میں پارٹی امیدواروں کی انتخابی مہم کے اجتماعات سے خطاب کریں گے، منحرف ارکان کے حلقوں میں پارٹی ٹکٹوں کے معاملے پر بھی عمران خان خود امیدواروں کے انٹرویو کررہے ہیں۔
صوبائی پارلیمانی بورڈ کی سفارشات میں تجویز کئے جانے والے تین تین امیدوارں سے عمران خان انٹرویو کررہے ہیں، پارٹی کے مرکزی رہنماوں کو بھی منحرف ارکان کے ضمنی انتخابات میں مہم کے لئے ٹاسک سونپنے کا فیصلہ کیا ہے ، اہم مرکزی رہنماوں کو مختلف انتخابی حلقوں میں ذمہ داریاں سونپی جائیں گی۔

اسلام آباد: (ویب ڈیسک) مریم نواز نے بنی گالہ کو منی گالہ قرار دے دیا،ان کا کہنا ہے کہ ایک تالہ کھلوانے کےلیے پانچ قیراط کا ہیرا مانگا گیا۔رانا ثنااللہ نے لانگ مارچ میں عمران خان کو تاریخی شکست سے دوچار کیا،اب انقلاب ضمانتیں کروارہا ہے۔،مدت پوری کرکے ہی الیکشن کی طرف جائیں گے۔
مسلم لیگ ن کی نائب صدر مریم نواز کا کہنا ہے کہ عمران خان اسلام آباد پر حملہ آور ہوئے۔ رانا ثنااللہ نے لانگ مارچ میں عمران خان کو تاریخی شکست سے دوچار کیا۔ اب انقلاب ضمانت لے کر سپریم کورٹ کی طرف دیکھ رہا ہے۔رانا ثناءاللہ راہ دیکھ رہے ہیں یہ لانگ مارچ کی تاریخ کا اعلان کریں،جب یہ جھتہ اسلام آباد کا رخ کرے تو ہم انہیں بتا دیں کہ ہم ان کے دباؤ میں نہیں آنے والے۔
انہوں نے کہا ہے کہ بنی گالہ کا نام منی گالہ ہونا چاہیئے۔ایک تالہ کھلوانے کے لیے خاتون اول کو پانچ قیراط ہیرا دے دیا۔آپ ہیرے پہنیں ساری انگلیوں میں پہنیں مگر اپنے پیسوں سے عوام کے پیسوں سے نہیں۔ملک ریاض نے پیسے دیے انہیں جواب دے ہونا چاہیئے۔سوال ان سے کرنا چاہئے جس نے میرٹ کے بجائے پیسے دے کر کام کروانے کا کلچر پرموٹ کیا۔سوال ان سے کیا جائے جس پورا صوبہ فرح گوگی کے حوالے کیا۔
ان کا کہنا ہے کہ عمران خان نے ہمارے لیے بارودی سرنگیں چھوڑی ہیں۔ ان کے بڑے لیڈر ساتھی کہہ رہے ہیں کہ عمران خان پاگل دمی ہے۔عمران خان جانتے تھے کہ وہ جانے والے ہیں انہوں نے جان کر بیرونی سازش کا ڈرامہ رچایا۔
انہوں نے کہا ہے کہ وزیراعظم کو عوام کی تکالیف کا احساس ہے۔ عمران خان کے وزرا کہتے تھے، چینی کم کر دیں، روٹی کم کھائیں، ہم ایسا نہیں کہہ رہے۔وزیراعظم معاشی صورتحال بہتر بنانے کیلئے دن رات کوشاں ہیں۔وزیر اعظم ایسے شخص ہیں جن کوعوام کا درد ہے۔مجھے وزیراعظم کو مشورہ دینے کی ضرورت نہیں۔
ان کا کہنا ہے کہ بجلی کی لوڈ شیڈنگ کے مسئلے کو حل کر لیں گے۔ہمیں 20 یا 22 گھنٹے کی لوڈ شیڈنگ والا پاکستان ملا۔ہم نے 2018میں زیرو لوڈ شیڈنگ کا ملک دیا۔آئی سی یو میں پاکستان کو پھینک کر گئے ہیں۔ایسا بوجھ ڈال کرگئے جس کو اٹھانے کی پاکستان میں ہمت نہیں
انہوں نے کہا ہے کہ شہبازشریف دن رات عوام کے لیے کام کررہے ہیں۔ہم نے عوام کے لیے ریلیف پیکیج کا اعلان کیا چینی سستی کی اور حج سستا کیا۔عمران خان جو کر گئے ہم اس کا رونا نہیں رو رہے بلکہ کام کر رہے ہیں۔ریلیف آیا ہے اور مزید آئے گا۔
انہوں نے کہا ہے کہ کے پی کی عوام کے لیے موبائل آٹا شاپس بنائی گئی تاکہ سستے آٹے کی فراہمی ممکن ہوسکے۔کے پی کی حکومت بنی گالا کو ریلیف فراہم کر رہی ہے اور ہم ان کی عوام کو ریلیف دے رہے ہیں۔
ان کا کہنا ہے کہ مسائل کے حل کے لیے کوشاں ہیں کوشش ہے مدت مکمل کریں۔مدت پوری کرکے ہی الیکشن کی طرف جائیں گے۔میں سمجھتی ہوں نیا مینڈیٹ لایا جائے۔نواز شریف جلدی آئیں گے۔
انہوں نے کہا ہے کہ جو بھی ریٹائرڈ فوج حضرات ہیں اگر وہ اپنے ادارے کے ساتھ وفادار نہین، کسی کے کہنے پر ادارے میں تفریق پیدا کرنے کی کوشش کررہے ہین تو افسوسناک ہے۔جس ادارے نے انہیں عزت دی اور آج عمران خان کے کہنے پر اسے برا بھلا کہیں تو افسوسناک ہے۔میرا مشورہ ہے کہ اگر ایسا ہی کرنا ہے تو اپنے ادارے کے رینکس اتار کر ادارے کو واپس کریں اور کسی سیاسی جماعت کے ساتھ الحاق کا اظہار کریں۔

اسلام آباد: (ویب ڈیسک) سابق وزیر مملکت اور رہنما پی ٹی آئی فرخ حبیب نے کہا ہے کہ گواہان کو راستے سے ہٹانا اس مافیا کا کام ہے۔
پاکستان تحریک انصاف (پی ٹی آئی) کے سیکرٹری اطلاعات اور سابق وزیر مملکت فرخ حبیب نے میڈیا سے گفتگو کرتے ہوئے کہا کہ مافیا نے پورا نظام کرپٹ کر دیا اور آڈیو ویڈیوز سے لوگوں کو بلیک میل کرنے کی کوشش ہو رہی ہے۔
انہوں نے کہا کہ ڈاکٹر رضوان کو ہٹایا گیا اور ان پر دباؤ ڈالا گیا، ان کی موت سوالیہ نشان ہے اور آج مقصود ملک کے انتقال کی خبر آئی۔ 10 ہزار روپے تنخواہ لینے والا دبئی میں کیسے گزارہ کر رہا تھا؟
فرخ حبیب نے کہا کہ گواہان کو راستے سے ہٹانا اس مافیا کا کام ہے جبکہ ملک کو زرداری اور شریف خاندان نے تباہ کر دیا اور مریم صفدر نے جھوٹ کے سوا کچھ نہیں کیا، بس عمران خان عمران خان۔
انہوں نے کہا کہ ملک کو چوروں کے حوالے کیا جا چکا ہے اور این آر او ٹو لے کر یہ لوگ بیرون ملک چلے جاتے ہیں۔ یہ لوگ اپنے کیس میں آج تک رسیدیں جمع نہیں کرا سکے۔
رہنما پی ٹی آئی نے مطالبہ کیا کہ ملک میں فوری انتخابات کرائے جائیں جبکہ ملک میں لوٹ مار کی سیل لگ چکی ہے۔

اسلام آباد: (ویب ڈیسک) رکن قومی اسمبلی عامر لیاقت حسین کے انتقال پر صدر مملکت اور وزیر اعظم سمیت مختلف سیاسی شخصیات نے افسوس کا اظہار کیا۔
صدر مملکت ڈاکٹر عارف علوی نے عامر لیاقت حسین کے انتقال پر افسوس کا اظہار کیا اور سوگواران سے اظہار ہمدردی کی۔ وزیر اعظم شہباز شریف نے بھی عامر لیاقت حسین کے انتقال پر افسوس کا اظہار کیا۔
وزیر اعظم شہباز شریف نے کہا کہ اللہ تعالیٰ عامر لیاقت حسین کے درجات بلند کریں اور سوگواران کو صبر جمیل عطا کریں۔
سابق صدر آصف علی زرداری نے عامر لیاقت حسین کے انتقال پر افسوس کا اظہار کرتے ہوئے کہا کہ عامر لیاقت کے انتقال کی خبر انتہائی افسوسناک ہے۔
آصف علی زرداری نے عامر لیاقت کے خاندان سے ہمدردی اور تعزیت کا اظہار کیا۔
عوامی مسلم لیگ کے سربراہ اور سابق وفاقی وزیر داخلہ شیخ رشید احمد نے سماجی رابطے کی ویب سائٹ ٹوئٹر پر عامر لیاقت حسین کے انتقال پر گہرے دکھ اور رنج کا اظہار کرتے ہوئے کہا کہ اللہ تعالیٰ عامر لیاقت حسین کی مغفرت کرے اور لواحقین کو صبر جمیل عطا کرے۔

کراچی: (ویب ڈیسک) رکن قومی اسمبلی عامر لیاقت حسین انتقال کر گئے۔ اسپیکر نے عامر لیاقت حسین کے انتقال کی خبر پر قومی اسمبلی کا اجلاس ملتوی کر دیا۔
ذرائع کے مطابق عامر لیاقت حسین کو انتہائی تشویشناک حالت میں اسپتال منتقل کیا گیا تھا جہاں ڈاکٹروں نے ان کی انتقال کی تصدیق کی۔
ذرائع کے مطابق عامر لیاقت حسین گزشتہ کچھ عرصے سے ڈپریشن کا شکار تھے۔
عامر لیاقت حسین کچھ عرصے سے الزامات کے زد میں تھے اور انہوں نے ملک چھوڑنے کا اعلان کیا تھا۔ عامر لیاقت حسین نے تیسری شادی کی تھی اور تیسری بیوی نے ان پر مختلف الزامات عائد کیے تھے جس کے بعد سے وہ منظر عام سے غائب تھے۔
عامر لیاقت حسین ملک کے بڑے نجی ٹی وی چینلز سے منسلک رہے تھے وہ مشہور ٹی وی میزبان تھے اور رمضان المبارک میں طویل ٹرانسمیشن کرنے کا ریکارڈ رکھتے تھے۔
عامر لیاقت حسین نے اپنی سیاسی زندگی کا آغاز ایم کیو ایم سے کیا تھا، انہوں نے 2002 میں رکن قومی اسمبلی منتخب ہوئے تھے۔ وہ وفاقی وزیر مذہبی امور بھی رہ چکے تھے۔
مارچ 2018 میں انہوں نے پی ٹی آئی میں شمولیت کا اختیار کر لی تھی اور پی ٹی آئی کے ٹکٹ پر رکن قومی اسمبلی منتخب ہوئے۔