اسلام آباد: (ویب ڈیسک) ق لیگ کے رہنما طارق بشیر چیمہ پارلیمنٹ ہاؤس پہنچ گئے، جہاں اپوزیشن اراکین نے ڈیسک بجا کر طارق بشیر چیمہ کا استقبال کیا۔ طارق بشیر چیمہ اپوزیشن بنچوں پر بیٹھ گئے۔ چودھری سالک حسین کا بھی اپوزیشن کی حمایت کا امکان ہے۔ دوسری جانب مریم اورنگزیب نے اسمبلی میں موجود اپوزیشن کے 174 ایم این ایز کی لسٹ ٹویٹ کر دی۔ انہوں نے کہا کہ پی ایم ایل این کے 84، پی پی پی 56، ایم ایم اے 14، اے این پی 1، بی این پی مینگل کے 4 ایم این ایز ہیں، ایم کیو ایم کے 6، بی اے پی کے 4، جمہوری وطن پارٹی کا 1 آزاد 4 ایم این ایز شامل ہیں۔

اسلام آباد: (ویب ڈیسک) وفاقی حکومت نے عمر سرفراز چیمہ کو نیا گورنر پنجاب مقرر کر دیا، چودھری محمد سرور کو پارٹی قیادت سے اختلافات کی بنا عہدے سے برطرف کر دیا گیا تھا۔ وفاقی وزیر داخلہ فواد چودھری نے ٹویٹر پیغام میں کہا کہ حکومت نے عمر سرفراز چیمہ کی بطور گورنر پنجاب تقرری کی ہے۔ اس سے قبل چودھری محمد سرور گورنر پنجاب کے عہدے پر ذمہ داریاں انجام دے رہے تھے۔ ذرائع کے مطابق تین روز قبل وزیراعظم عمران خان اور چودھری سرور کے درمیان اختلافات ہوئے۔ چودھری سرور نے ناراض ہوکر وزیراعظم ہاؤس سے روانہ ہوئے۔ گزشتہ روز وزیراعلی سے گورنر پنجاب کی تبدیلی سے متعلق پوچھا۔ وزیراعلی عثمان بزدار نے کہا چھوٹے موٹے معاملات ہوتے ہیں وہ یہاں ہی ہیں۔ چودھری محمد سرور کو ہٹانے سے متعلق علیم خان کا کہنا تھا کہ عمران خان کے دائیں بائیں جتنے لوگ بیٹھے ہیں وہ سارے میرے دوست ہیں ، گورنر پنجاب کو اس لئے ہٹایا گیا تاکہ ڈپٹی سپیکر اجلاس کی صدارت نہ کر سکیں ۔ گورنر سرور میرے دوست ہیں، ہمارا آپس میں تعلق ہے۔اگر عمران خان نے میرے دوست ہی ہٹانے ہیں تو انہیں آدھی سے زیادہ کابینہ ہٹانا پڑے گی۔

اسلام آباد: (ویب ڈیسک) مریم اورنگزیب نے اسمبلی میں موجود اپوزیشن کے 174 ایم این ایز کی لسٹ ٹویٹ کر دی۔ ترجمان مسلم لیگ نون مریم اورنگزیب نے سماجی رابطے کی ویب سائٹ پر ٹویٹ کرتے ہوئے کہا کہ پی ایم ایل این کے 84، پی پی پی 56، ایم ایم اے 14، اے این پی 1، بی این پی مینگل کے 4 ایم این ایز ہیں، ایم کیو ایم کے 6، بی اے پی کے 4، جمہوری وطن پارٹی کا 1 آزاد 4 ایم این ایز شامل ہیں۔ ادھر مریم اورنگزیب نے عمران خان کو سابق وزیر اعظم قرار دے دیا۔ انہوں نے کہا کہ افسوس کی بات یہ ہے عمران خان کی قسمت میں اقتدار سے جانا بھی عزت سے نہیں لکھا، اصل میں دھرنا ذہنیت کے لوگ آئینی اور جمہوری طریقے سے گھر جانا نہیں جاتے، آج یوم نجات ہے، عوام کو آٹا، چینی، بجلی، گیس، دوائی، کھاد چوروں سے نجات مبارک، چند گھنٹے بعد ملک کو جھوٹ، بدتمیزی، کرپشن، انتشار، خلفشار اور نالائقی سے نجات مل جائے گی۔ مریم اورنگزیب کا کہنا تھا کہ آج عمران صاحب کو اپنی زندگی کا سب سے بڑا سرپرائز ملنے جا رہا ہے، آج عمران صاحب اپنے خیالی قلعوں کی دنیا سے سنگلاخ زمینی حقیقتوں میں آجائیں گے، عوام آئینی، جمہوری اور پارلیمانی روایات والے پاکستان میں قدم رکھیں گے، فارن فنڈنگ سے آنے والی عمران صاحب کی حکومت آج آئینی وجمہوری عمل سے گھر جا رہی ہے۔

لاہور: (ویب ڈیسک) محکمہ موسمیات کے مطابق آج بالائی خیبرپختونخوا، گلگت بلتستان اور کشمیر میں گرج چمک کے ساتھ بارش کا امکان ہے۔ موسم کا حال بتانے والوں نے آج چترال، سوات، مانسہرہ اور دیگر علاقوں میں بارش کی پیشگوئی کی ہے۔ پنجاب کے مختلف علاقوں میں گرد آلود ہوائیں چلنے کا امکان ہے، سندھ میں مٹھی، نوابشاہ، دادو میں موسم شدید گرم رہے گا۔