معروف اداکارہ حرا سومرو کا کہنا ہے کہ انہیں رومانوی کردار ادا کرنا بےحد پسند ہے۔

ایک انٹرویو کے دوران انہوں نے ڈرامہ انڈسٹری اور دیگر موضوعات پر اظہار خیال کیا،گفتگو کے دوران انہوں نے اپنی پسند اور فنی سفر کے مختلف پہلوؤں پر بات کی۔

اداکارہ کا کہنا تھا کہ انہیں رومانوی کردار ادا کرنا بےحد پسند ہے کیونکہ وہ محبت کی خوبصورتی کو اسکرین پر اجاگر کرنے میں دلچسپی رکھتی ہیں۔

انہوں نے فخریہ انداز میں کہا کہ اب تک جتنے بھی ڈراموں میں کام کیا، وہ کبھی فلاپ نہیں ہوئے، لوگ ان کی صلاحیتوں کی قدر کرتے ہیں۔ تاہم، وہ جس مخصوص کردار کو ادا کرنا چاہتی ہیں، وہ ابھی تک انہیں نہیں ملا۔

حرا سومرو نے مزید کہا کہ انہوں نے کبھی کرداروں کے حوالے سے سوال نہیں کیا کیونکہ انہیں معلوم ہے کہ ہر چیز کا ایک وقت ہوتا ہے، اور انہیں یقین ہے کہ وہ وقت ضرور آئے گا۔

 میزبان نے ان کی شخصیت سے متعلق سوال کیا کہ جتنی وہ پراعتماد نظر آتی ہیں، کیا اتنی ہی شرمیلی بھی ہیں؟ اس پر انہوں نے جواب دیا کہ پہلے وہ شرمیلی تھیں، مگر گزشتہ ڈیڑھ سال میں ان میں ایک واضح تبدیلی آئی ہے۔

 پہلے انہیں لگتا تھا کہ وہ جو کہنا چاہتی ہیں، وہ مکمل طور پر نہیں کہہ پاتیں، مگر اب ایسا محسوس نہیں ہوتا۔

زندگی کے نشیب و فراز پر بات کرتے ہوئے اداکارہ نے کہا کہ وہ غم کو چھپانے کا فن بخوبی جانتی ہیں کیونکہ زندگی میں مشکلات کا سامنا رہا ہے۔

ان کے مطابق، اگر غم نہ ہوں تو انسان وہ نہیں بن سکتا، جو وہ بننا چاہتا ہے۔ ان کا ماننا ہے کہ بعض اوقات ٹینشن چھوٹی چھوٹی باتوں پر بھی ہو جاتی ہے، اور غم اکثر وہاں سے ملتا ہے جہاں سے انسان توقع نہیں کر رہا ہوتا۔ مگر وہ غم کو پالنے کے بجائے اس سے محبت کر چکی ہیں۔

اداکاری کے علاوہ دیگر شعبوں میں اپنی دلچسپی پر روشنی ڈالتے ہوئے انہوں نے بتایا کہ انہوں نے وی لاگنگ کا بھی تجربہ کیا تھا، لیکن یہ کام اداکاری سے زیادہ مشکل لگا۔ انہوں نے تین سے چار وی لاگز بنائے، مگر پھر اسے ترک کر دیا

دی ریبل کِڈ‘ کے نام سے مشہور بھارت کی معروف کانٹینٹ کری ایٹر اپوروا مکھیجا نے یوٹیوبر رنویر الہ آبادیہ کی جانب سے سمے رائنا کے شو ’انڈیاز گوٹ لیٹنٹ‘ پر دیے جانے والے متنازعہ تبصروں کے بعد ایک بار پھر سرخیوں میں جگہ بنالی۔

سوشل میڈیا انفلوئنسر اپوروا مکھیجا  نے حال ہی میں سمے رائنا اور رنویر الہ آبادیہ اسکینڈل کے بعد فوٹو اینڈ ویڈیو شیئرنگ ایپ انسٹاگرام سے اپنی تمام فالوونگ کو ان فالو کرکے مداحوں کی توجہ حاصل کرلی۔

اسکینڈل پر اپنی عقبی نظریں رکھنے والے صارفین نے بحث و مباحثہ کی ایپ ریڈٹ پر جاری ایک پوسٹ میں انکشاف کیا کہ اپوروا جو پہلے انسٹاگرام پر تقریباً 1500 اکاؤنٹس کو فالو کرتی تھیں انہوں نے اب اس تعداد کو کم کر کے صفر کردیا ہے۔

ریڈٹ پر جاری ہونے والی پوسٹ میں مزید کہا گیا کہ ‘قابل ذکر بات یہ ہے کہ اسکینڈل کے تناظر میں اپوروا نے اپنے قریبی دوستوں ردا تھرانہ اور صوفی موتی والا کو بھی ان فالو کر دیا ہے جوکہ تشویش ناک ہے۔

پوسٹ کے کمنٹ سیکشن میں سوشل میڈیا پر ہونے والی شدید ٹرولنگ پر صارفین اپوروا مکھیجا کی ذہنی حالت اور اسکینڈل کے بعد انہیں ملنے والے ڈیٹ تھریسٹس پر اپنی تشویش کا اظہار کرتے نظر آرہے ہیں۔

واضح رہے کہ بھارتی میڈیا رپورٹس کے مطابق سمے رائنا کے شو انڈیاز گوٹ لیٹنٹ میں ہونے تنازعہ کے بعد انسٹگرام انفلوئنسر  اپوروا کو آن لائن ڈیتھ تھریٹس، جنسی زیادتی اور ہراساں کرنے کی دھمکیاں بھی مل رہی ہیں۔

اسکینڈل کیا ہے؟

غیر متزلزل افراد کیلئے،  تنازع اس وقت شروع ہوا جب اپوروا سے انڈیاز گوٹ لیٹنٹ کے ایک کنٹسٹنٹ نے خواتین کی اناٹومی سے متعلق  نامناسب تبصرے کیا۔

اگرچہ اس معاملے پت اپوروا کے ردعمل کو ابتدا میں حمایت حاصل ہوئی لیکن صورتحال اس وقت خراب ہوئی  جب یوٹیوبر رنویر الہ آبادیہ نے شو میں اپنے فحش ریمارکس دیے۔

ہوا کچھ یوں کہ شو کے ایک حالیہ ایپی سوڈ کے دوران رنویر الہ آبادیہ نے مبینہ طور پر ایک کنٹیسٹنٹ سے جسمانی اعضاء سے متعلق ایک نامناسب سوال پوچھا اور 2 کروڑ روپے کے عوض ایک غیراخلاقی حرکت کرنے کی تجویز بھی دی تھی۔

تاہم شو کے ایپی سوڈ کی کلپ وائرل ہونے کے بعد سوشل میڈیا صارفین اس وقت برہم ہوئے جب شو کے دوران رنویر نے ایک کنٹیسٹنٹ سے سوال کیا تھا کہ کیا وہ اپنے والدین کو ساری زندگی سیکس کرتے دیکھنا پسند کریں گے یا ایک بار اس میں شامل ہوکر ہمیشہ کیلئے اسے روک دیں گے؟

شو کی ویڈیوز سوشل میڈیا پر آن ایئر ہونے کے بعد صارفین کی جانب سے اپوروا سمیت دیگر تمام پینیلسٹ کو غیر مہذب لطیفوں اور فحاشی کو فروغ دینے پر تنقید کا نشانہ بنایا گیا۔

صارفین کا کہنا تھا کہ ریمارکس کی مذمت کرنے کے بجائے ساتھی پینلسٹس، بشمول اپوروا اور سمے نے گفتگو کی حوصلہ افزائی کی جوکہ بہت غلط اقدام تھا۔