چنیوٹ (ڈسٹرکٹ رپورٹر) پاکستان پیپلز پارٹی کے چیئرمین بلاول بھٹو نے کہا ہے کہ عمران خان اور نواز شریف نے سیاست کا بیڑہ غرق کردیا ہے‘ پیپلز پارٹی (ن) لیگ کے اتحاد کا حصہ نہیں بنے گی‘ کوئٹہ میں دہشت گردی کے واقعے پر دلی دکھ ہے‘ نیشنل ایکشن پلان پر عمل درآمد ہوتا تو دہشت گردی کے واقعات نہ ہوتے۔ اتوار کو بلاول بھٹو نے اپنے بیان میں کہا کہ پیپلز پارٹی این اے 120 کے ضمنی الیکشن میں بھرپور مقابلہ کرے گی۔ عمران خان اور نواز شریف کے پاس کوئی منشور نہیں ہے۔ نیشنل ایکشن پلان پر عمل درآمد ہوتا تو دہشت گردی کے واقعات نہ ہوتے۔ کوئٹہ میں دہشت گردی کے واقعے پر دلی دکھ ہے۔ انہوں نے کہا کہ عمران خان اور نواز شریف نے سیاست کا بیڑہ غرق کردیا ہے پیپلز پارٹی (ن) لیگ کے اتحاد کا حصہ نہیں بنے گی۔ پیپلز پارٹی کے چیئر مین بلاول بھٹو زرداری نے پارٹی عہدیدارن اور کارکنوں کو این اے 120میں ضمنی انتخابات میںتمام تر توانائیاں استعمال کرنے کی ہدایت کر دی۔اتوار کو چنیوٹ میں چیئرمین پیپلز پارٹی بلاول بھٹو زرداری کی زیر صدارت پیپلز پارٹی لاہور کا اجلاس ہوا،جس میں پیپلز پارٹی پنجاب کے صدر قمر زمان کائرہ،پیپلز پارٹی پنجاب کے سیکر ٹری جنرل ندیم افضل چن،عزیز الرحمن چن، مصطفی نواز کھوکھرسمیت پارٹی کے تمام رہنماﺅں نے شرکت کی ۔اجلاس میں این اے120کے ضمنی انتخاب کیلئے حکمت عملی پر غور کیا گیا ۔اجلاس میں پارٹی عہدیدارن نے پارٹی چیئرمین کو اپنی تیاریوں کے حوالے سے آگاہ کیا۔ چیئرمین بلاول بھٹو زرداری نے پارٹی عہدیدارن اور کارکنوں کوہدایت کی کہ اپنی تمام تر توانائیاں انتخاب لڑنے پر استعمال کریں ۔ بلاول بھٹو زرداری نے کارکنوں کو ہدایت کی کہ حلقے کے کارکنوں اور ہمدردوں کو متحرک کیا جائے۔

جھنگ ( ویب ڈیسک ) بلاول بھٹو زرداری کہتے ہیں پانامہ کے فیصلے سے ایک مرتبہ پھرثابت ہوگیاہے کہ یہاں دوپاکستان اوردوقانون ہیں میاں صاحب کو دو سینئر ججز نے نااہل قرار دیا ہےاس لئے ان کے پاس کرسی پر بیٹھنے کا کوئی جواز نہیں انہیں خود ہی استعفی دے دینا چاہئے۔تفصیلات کے مطابق بلاول بھٹو زرداری نے بھی وزیراعظم نواز شریف سے استعفی کا مطالبہ کر دیا اور کہا کہ اب وہ وزارت عظمی کا عہدہ رکھنے کے اہل نہیں رہے۔ جھنگ میں خطاب کرتے ہوئے پیپلز پارٹی کے نوجوان چئیرمین نےاپنے روایتی جوشیلے انداز میں کہا شریفوں پرکوئی قانون لاگو ہوتا ہے نہ ہی کوئی جے آئی ٹی انہیں پکڑپاتی ہے۔
پاناما فیصلے سے متعلق بلاول بھٹو کا کہنا تھا کہ میاں صاحب عدالت سے کلیئرنہیں ہوئے ہیں بلکہ دوسینئرججزنے انہیں نااہل قرار دیا ہے اب ان کے وزیر اعظم رہنے کا کوئی جواز نہیں۔بلاول بھٹو نے اپنے نانا ذوالفقار علی بھٹو سے متعلق عدالتی فیصلے کا ذکر کرتے ہوئے کہا کہ یہ کیسا نظام ہے جس میں ایک وزیراعظم کو چارتین کے فیصلے سے پھانسی پرچڑھادیتا ہے اور ایک وزیراعظم کوتین دوکے فیصلے سے وزارت پربرقراررکھا جاتا ہے ۔

گڑھی خدا بخش(ویب ڈیسک) پاکستان پیپلز پارٹی (پی پی پی) کے چیئرمین بلاول بھٹو زرداری کا کہنا ہے کہ 40 سال قبل سامراج اور اس کے حواریوں نے سازش کی جس کے تحت مذہبی انتہا پسندی کا بیچ بویا گیا، لیکن اس انتہا پسندی کے خلاف ہماری جنگ کل بھی جاری تھی اور آج بھی جاری ہے۔گڑھی خدا بخش میں ذوالفقار علی بھٹو کی 38ویں برسی کے موقع پر جلسے سے خطاب کرتے ہوئے بلاول بھٹو زرداری نے کہا کہ ’4 اپریل پاکستان کی تاریخ کا سیاہ ترین دن ہے، کیونکہ اس دن بانی جمہوریت اور پاکستان کو متفقہ آئین دینے والے کو پھانسی دی گئی۔ان کا کہنا تھا کہ ’آج بھی ہر زبان پر ایک ہی سوال ہے کہ ذوالفقار علی بھٹو کو پھانسی پر کیوں چڑھایا گیا، بھٹو نے پاکستان کو آزاد خارجہ پالیسی دی او رسامراج سے آزادی دلائی، لیکن آج تک بھٹو کو انصاف ملا نہ ہی ان کے وارثوں کو۔بلاول بھٹو زرداری نے کہا کہ ’40 سال پہلے سامراج اور اس کے حواریوں نے سازش کی جس کے تحت مذہبی انتہا پسندی کا بیچ بویا گیا، لیکن اس انتہا پسندی کے خلاف ہماری جنگ کل بھی جاری تھی اور آج بھی جاری ہے۔‘ان کا کہنا تھا کہ ’حکمرانوں میں درست وقت پر درست فیصلہ کرنے کی صلاحیت نہیں ہے، حکمران صرف کرپشن کی کمائی کو بچانے کی فکر میں ہیں، حکمرانوں کو صرف پاناما کیس کی پریشانی ہے، جبکہ پاکستان 2 سال پہلے جہاں کھڑا تھا آج بھی وہیں کھڑا ہے۔‘انہوں نے کہا کہ ’میں وزیر اعظم نواز شریف سے پوچھنا چاہتا ہوں کہ نیشنل ایکشن پلان پر کیوں عمل نہیں کیا گیا؟ 2 سال بعد بھی دوبارہ فوجی عدالتوں کی ضرورت کیوں پڑی؟ میاں صاحبان ملک بھر میں ترقی کا ڈھول پیٹ رہے ہیں، میاں صاحب سے پوچھتا ہوں کہ ترقی کہاں ہورہی ہے؟ اگر ترقی ہورہی ہے تو بیرونی قرضے کیوں بڑھ رہے ہیں؟ اگر ترقی ہورہی ہے تو بجلی اور گیس کی قلت کیوں ہوتی جارہی ہے؟ اور اگر ترقی ہورہی ہے تو قوم آپ سے نجات کیوں پانا چاہتی ہے؟‘ان کا کہنا تھا کہ ’میاں صاحب کی ترقی صرف اشتہارات تک محدود ہے، سالانہ اربوں روپے اشتہارات پر خرچ کیے جارہے ہیں، میاں صاحب آپ اپنے آپ کو دھوکا دے سکتے ہیں 20 کروڑ عوام کو نہیں۔‘چیئرمین پیپلز پارٹی نے کہا کہ ’میاں صاحب! سندھ کے لوگ آپ کو اچھی طرح پہچان چکے ہیں، ٹھٹھہ اور حیدر آباد کے لوگوں کو میاں صاحب کے جھوٹے وعدوں کی ضرورت نہیں، ملک بھر میں گیس کے منصوبوں پر پابندی ہے لیکن حواریوں میں گیس کنکشن بانٹے جارہے ہیں، جبکہ میاں صاحب چند نشستیں جیتنے کے لیے چھوٹے صوبوں کے ساتھ زیادتی کر رہے ہیں۔‘

اسلام آباد (ویب ڈیسک) چیئرمین پیپلز پارٹی بلاول بھٹو زرداری نے کہا ہے کہ تعلیم یافتہ قوم کا کوئی بھی مقابلہ نہیں کرسکتا ، ملک کے نوجوان قوم کے ذوالفقار علی بھٹو اور بے نظیر بھٹو ہیں کیونکہ نوجوانوں کو تعلیم سے آراستہ کرنا بے نظیر کا خواب تھا اور نوجوان ہی ملک کو چیلنجز سے نکال سکتے ہیں ۔ ان خیالات کا اظہار انہوں نے ذوالفقار علی بھٹو شہید یونیورسٹی آف سائنس اینڈ ٹیکنالوجی کے کانووکیشن سے خطاب کرتے ہوئے کیا ۔ بلاول بھٹو زرداری نے کہا کہ کانووکیشن سے خطاب کرنا فخر کا لمحہ ہے اور تعلیم مکمل کرنے پر طلباءو طالبات اساتذہ اور والدین مبارکباد کے مستحق ہیں انہوں نے کہا کہ یونیورسٹی کی تعلیم زندگی کے ہر شعبے میں کام آتی ہے اور سیکھنے کا عمل ساری زندگی جاری رہتا ہے تعلیم سے بہتر معاشرہ تشکیل دینے میں مدد ملتی ہے یہی وجہ ہے کہ تعلیم یافتہ قوم کا کوئی مقابلہ نہیں کرسکتا اور طلباءکو آگے بڑھ کر ملکی ترقی میں اپنا حصہ ڈال کر ملک کو درپیش چیلنجز سے نکا لنا ہوگا انہوں نے مزید کہا کہ میری والدہ پاکستانیوں کے عزم وحوصلے سے واقف تھی تبھی وہ عوام کی طاقت سے آمریت کیخلاف کھڑی ہوئیں اسی وجہ سے میرے اہلخانہ کو دہشتگردی کا نشانہ بنایا گیا نوجوانوں کو تعلیم سے آراستہ کرنے کا بے نظیر کا خواب پورا ہوتا دیکھ رہا ہوں اور دیگر تعلیمی اداروں کو بھی اسلام آباد کیمپس کی تقلید کرنی چاہیے تاکہ قوم کے معماروں کی بہتر تربیت ہوسکے ۔۔

کراچی(ویب ڈیسک) پاکستان پیپلز پارٹی کے چیئرمین بلاول بھٹو زرداری کا کہنا ہے کہ آصف زرداری کیا سرپرائز دیں گے اس کے لئے انتظار کرنا ہوگا۔کراچی میں مزار قائد پر حاضری کے بعد میڈیا سے بات کرتے ہوئے بلاول بھٹو زرداری نے کہاکہ قائداعظم نے سیاسی جدوجہد کےذریعے ہمیں آزادی دلوائی، قائداعظم کا خواب روشن خیال پاکستان تھا، ہم پاکستان کو قائداعظم کے وژن کے مطابق بنائیں گے۔ انہوں نے کہا کہ آصف زرداری کیا سرپرائز دیں گے اس کے لئے انتظار کرنا ہوگا۔اپنے ماموں مرتضی بھٹو کے بچوں کے حوالے سے پیپلز پارٹی کے چیئرمین نے کہا کہ فاطمہ بھٹو اور ذوالفقار جونیئر میرے خاندان کا حصہ ہیں، فاطمہ اور ذوالفقار جونیئر سے کافی عرصے سے کوئی رابطہ نہیں ہوا لیکن ہمارے دل کے دروازے ہمیشہ ان کے لئے کھلے ہیں۔اس سے قبل بلاول زرداری وزیراعلی سندھ مراد علی شاہ اور ڈپٹی اسپیکر شہلا رضا کے ہمراہ کراچی کے قدیم سینٹ پیٹرکس چرچ پہنچے جہاں انہوں نے دعائیہ تقریب میں حصہ لیا اور کرسمس کی مناسبت سے خصوصی کیک کاٹا۔

کراچی (مانیٹرنگ ڈیسک) پاکستان پیپلز پارٹی کے چیئرمین بلاول بھٹو زرداری نے کہا ہے کہ جب مجھے میری ماں کے قتل کا انصاف نہیں ملا ہے تو عام لوگوں کو کیسے انصاف ملے گا،ہمیں قانون نہیں ذہنوں کو تبدیل کرنا ہوگا۔ پاکستان پیپلز پارٹی کے چیئرمین بلاول بھٹو زرداری نے آرٹس کونسل میں نفیسہ شاہ کی کتاب کی تقریب رونمائی سے خطاب کرتے ہوئے کہا ہے کہ لاہور میں لڑکی کی ماں نے اس کو زندہ جلادیا،نفیسہ شاہ نے جس مسئلے پر لکھا ہے وہ پاکستان کا سب سے بڑا مسئلہ ہے،خواتین پر تشدد افسوسناک ہے ذمہ داروں کو سزادلانے کا نظام لانا ضروری ہے۔انہوں نے کہا ہے کہ بے نظیر بھٹو کی شہادت پر انصاف نہیں ملا،خواتین پر سماجی اور اخلاقی طور پر تشدد کیاجاتاہے،مختلف علاقوں میں خواتین کوقتل کیاجارہاہے،پاکستان انسانی حقوق سے متعلق مسائل کاسامناکررہاہے،جب مجھے میری ماں کا انصاف نہیں ملا تو لوگوں کو کیسے ملے گا۔انہوں نے کہا ہے کہ ہمارے قانونی نظام میں سقم ہے،ہمیں قانون نہیں ذہنوں کو تبدیل کرنا ہوگا،ہم قانون تو تبدیل کرتے رہتے ہیں مگرعملدرآمدہوتانظرآناچاہیے،غیرت کے نام پر قتل کا جواز پیدا کرنا افسوسناک ہے،کراچی:قوانین پرمزید موثرانداز میں عمل درآمد کی ضرورت ہے، خواتین پر تشدد کےخلاف قانون سخت ہو،سزاکویقینی بنایاجائے،ہم محترمہ بینظیربھٹو کےساتھ انصاف نہیں کرسکے،غیرت کےنام پرقتل کاجواز پیش کرناافسوسناک ہے،خواتین کےقتل اوران پرتشدد کاکوئی جوازپیش نہیں کیاجاسکتا۔انہوں نے کہا ہے کہ ملالہ یوسفزائی کو لڑکیوں کی تعلیم پرکام کرنے پرگولی ماری گئی،اقوام متحدہ کی فہرست میں خواتین پرتشددسے متعلق پاکستان 142 ویں نمبرپرہے۔