اسلام آباد(ویب ڈیسک)چیئرمین تحریک انصاف عمران خان کا کہنا ہے کہ آصف زرداری کے ہوتے ہوئے پیپلزپارٹی سے کسی صورت اتحاد ممکن نہیں۔اسلام آباد میں انسداد دہشت گردی عدالت کے باہر میڈیا سے بات کرتے ہوئے عمران خان کا کہنا تھا کہ مخالفین نے جان بوجھ کر مجھ پر دہشت گردی کے کیسز بنائے، مجھے ڈرایا اور دھمکایا گیا کہ میں کرپٹ شریف مافیا کا پیچھا چھوڑ دوں، اور یہ تاثر پیدا کیا گیا کہ ہم چور ہیں تو باقی سب بھی چور ہیں لیکن ایسا کبھی بھی نہیں ہوسکتا، میں نے پاکستان سے کرپشن کا خاتمہ کرنے کا عہد اور عوام سے وعدہ کررکھا ہے۔عمران خان کا کہنا تھا کہ میں نے اپنی جائیداد سے متعلق تمام منی ٹریل عدالت میں پیش کی لیکن نوازشریف سے جب پوچھا گیا کہ پیسا کہاں سے آیا تو ان کے پاس جواب میں صرف قطری خط تھا اور اسی قطری خط سے نواز شریف نے بچوں کی جائیداد سے متعلق سوال پر بھی سہارا لیا۔ ان کا کہنا تھا کہ سانحہ ماڈل ٹاو¿ن میں پولیس حکمرانوں کی ذاتی ملازم بنی ہوئی تھی اور میرے خلاف مقدمات میں بھی حکومتی پراسیکیوٹر شریف خاندان کا ترجمان بنا ہوا ہے یہ سب چور اور ان کے لیڈرز بھی چور ہیں۔پیپلزپارٹی سے اتحاد کے حوالے سے عمران خان کا کہنا تھا کہ سابق صدر آصف علی زرداری کے ہوتے ہوئے پیپلزپارٹی سے اتحاد نہیں ہوسکتا۔

لیہ(آئی این پی ‘مانیٹرنگ ڈیسک) پاکستان تحریک انصاف کے چیرمین عمران خان نے کہا ہے کہ آصف زرداری اور نواز شریف کی پارٹنر شپ نے ملک کو مقروض کردیا ہے، اگر یہ سب ایسے ہی چلتا رہا تو پاکستان کا مستقبل برا ہوگا، حکمرانوں کی ناانصافیوں سے ایک طبقہ امیرترین اور عوام مقروض ہو گئے،نواز شریف کا نظریہ اقتدار میں آ ﺅ پیسہ بنا ﺅ ہے،نو از شریف اپنا موازنہ میرے ساتھ نہیں بلکہ سلطانہ ڈاکو سے کریں، وزیر داخلہ احسن اقبال معتبر شکل بناکر جھوٹ بولتے ہیں، ان کا اقامہ سعودی عرب میں ہے،اگر ہماری حکومت آئی تو لاہور کے گورنر ہا ﺅ س پر بلڈوزر کھڑے ہوں گے،ملائیشیا اور کوریا ہم سے سیکھ کر آگے نکل گئے، پاکستان میں لوگ باہر سے نوکریاں ڈھونڈنے آیا کریں گے،پاکستان میں سب سے زیادہ لوگ پیسہ مجھے دیتے ہیں، وہ مجھ پر اعتماد کرتے ہیں۔ وہ پیر کو لیہ میں جلسہ عام سے خطاب کر رہے تھے ۔ چیئرمین تحریک انصاف عمران خان نے کہا کہ میں لیہ کی عوام کا شاندار استقبال پر شکریہ ادا کرتا ہوں، میں چار چیزیں بتاتا ہوں جس سے پاکستان شاندار ملک بن سکتا ہے، میں آپ کو یہ چار چیزیں کر کے دکھاﺅں گا، جس سے یہ ملک کی تقدیر بدل جائے گی، قوموں کی زندگی میں اونچ نیچ آتی رہتی ہے، قوموں پر اچھے برے وقت آتے ہیں، جو قومیں اپنی غلطیوں سے سیکھتی ہیں وہ ترقی کرتی ہیں اور جو اصلاح نہیں کرتیں اور زمین پر انصاف نہیں کرتیں اور ظلم کے نظام کے سامنے جہاد نہیں کرتیں اللہ ان کو برباد کر دیتا ہے، جدھر زرداری اور نواز کی پارٹنر شپ نے ملک کو پہنچا دیا ہے، آج ہر پاکستانی پر ایک لاکھ 20ہزار روپے قرضہ ہے، انہوں نے ظلم و نا انصافی کی، عوام کو مہنگائی میں ڈبو دیا، اگر اسی طرح چلتے رہے تو مستقبل برا ہے۔ انہوں نے کہا کہ ایک وقت میں پاکستان ایشیاءمیں سب سے تیزی سے ترقی کر رہا تھا، ہم اس ملک کو پھر عظیم بنائیں گے اور ہر پاکستانی اپنے پاسپورٹ کو فخر سے دنیا میں لے کر جائے گا، لوگ پاکستان میں نوکریاں ڈھونڈنے آیا کریں گے، تعلیم حاصل کرنے آئیں گے باہر سے، سوئٹزرلینڈ سے زیادہ سیاح پاکستان میں آئیں گے، جو نبی نے مدینہ کی ریاست میں عدل کا نظام بنایا تھا جہاں ریاست کمزوروں کی ذمہ داری لیتی تھی ایسا پاکستان بنانا ہے، ساری قانون سازی غربت کم کر نے، تعلیم کےلئے بنیں گی، روزگار دیں گے نوجوانوں کو، چھوٹے کسان کی مدد کریں گے، آج کی حکومت سے بالکل مختلف ہو گی، 20 کروڑ میں سے 3لاکھ انگریزی تعلیم یافتہ طبقہ ہے، لوگوں پر ہم سرمایہ کاری کریں، میٹرو، انڈرپاس پر بعد میں انسانوں پر پہلے پیسہ خرچ کریں گے، اگر انسانوں پر خرچ نہیں کریں گے تو جرمنی اور جاپان کی طرح تباہی ہو گی، دس دس سال میں جاپان پھر کھڑا ہو گیا کیونکہ تعلیم پر پیسہ خرچ کیا گیا، ہم تعلیم پر پیسہ خرچ کریں گے، کے پی کے کے سرکاری سکولوں میں ایک لاکھ بچہ سرکاری سکولوں میں آیا، پرائیویٹ سکولوں سے، کے پی کے میں 40 ہزار نئے اساتذہ لائے ہیں، 2013میں تین ہزار ڈاکٹر تھے، آج9ہزار ڈاکٹر ہیں کے پی کے میں، ہم صحت کارڈ لے کر آئے ہیں، ساڑھے پانچ لاکھ کے ہیلتھ کارڈ غریب کو دیئے ہیں، سرکاری ہسپتالوں کا معیار بلند کیا ہے، آنے والی نسلوں کےلئے موسم بڑا مسئلہ ہے، ملک میں گرمی بڑھ رہی ہے، اور دوسرا مسئلہ آلودگی ہے جو لاہور میں دیکھی گئی، کے پی کے میں پہلی دفعہ حکومت نے ذمہ داری لی اور ایک ارب 18کروڑ درخت لگائے، 40چھانگا مانگا جتنے جنگل اگائے گئے ہیں، پنجاب میں کاٹ کاٹ کر درخت ختم کر دیئے گئے، ہم ہرا پاکستان بنائیں گے، پہلے انسانوں پر خرچ کریں گے ہم، پی ٹی آئی کے دور میں کسی شوگر مل والے کی جرات نہیں ہو گی کہ غربت کو پیسے نہ ملیں، ہم ایسا نہیں کریں گے اور غریب کے ساتھ کھڑے ہوں گے، ہم یورپ کی طرح کسان کی مدد کریں گے، یہاں دو نمبر کھادیں ہیں اور غریب مارا جاتا ہے، دیہات کے اندر 70 فیصد پاکستانی ہیں ان کےلئے انقلابی پروگرام لا رہے ہیں، پاکستان کو چلان کےلئے پیسہ چاہیے، اسی پاکستان سے آپ کو پیسہ اکٹھا کر کے دکھاﺅں گا، ابھی ٹیکس ساڑھے تین ہزار ارب روپے ہے جبکہ پانچ ہزار ارب سے زائد ہے، میں اسی پاکستان سے آٹھ ہزار ارب روپے اکٹھا کر کے دکھاﺅں گا، مجھے قوم سب سے زیادہ پیسہ دیتی ہے، شوکت خانم کو پیسہ عوام دیتی ہے، نمل یونیورسٹی ہے جہاں 95فیصد طلباءکو وظیفے ملتے ہیں یہی قوم مجھے پیسہ دیتی ہے، قوم کو اعتماد ہے کہ پیسہ چوری نہیں ہورہا تو لوگ دل کھول کر پیسہ دیتے ہیں، پاکستان دنیا میں سب سے زیادہ خیرات اور سب سے کم ٹیکس دیتی ہے کیونکہ ٹیکس لوٹا جاتا ہے، ہم عوام کا پیسہ عوام پر خرچ کریں گے، میں وعدہ کرتا ہوں کہ آپ کا پیسہ چوری نہیں ہونے دوں گا، گورنر ہاﺅس کو ہوٹل بنائیں گے، پیسہ پی ایم ہاﺅس اور سرکاری عمارتوں پر خرچ نہیں کریں گے، گلیات کے ریسٹ ہاﺅسز کو ہم نے عوام کےلئے کھولا جس سے ہم نے کروڑوں روپے کمائے جو عوام پر خرچ کئے، میری پہلی نظر لاہور کے گورنر ہاﺅس پر ہے، وہاں بلڈوز کھڑے ہوں گے، ہمارے بچوں کو خوراک نہیں ملتی اور اس غریب قوم کا پیسہ محلوں پر خرچ ہوتا ہے، نواز شریف کہتا ہے کہ عمران خان اور نواز شریف کا کیس ایک ہے، اپنا موازنہ مجھ سے نہیں سلطانہ ڈاکو سے کرو، یا قذافی سے کرو جو اربوں ڈالر باہر لے گیا، جس نے باہر اپنی کمائی کر کے پیسہ پاکستان لایا ہو اس سے خود کو مت ملاﺅ، نواز شریف کا نظریہ الیکشن میں دھاندلی اور سب کو پیسے کھلاﺅ، خواجہ آصف کے پاس اقامہ ہے دبئی کا، میں نے کس یکو اتنا جھوٹ بولنے نہیں دیکھا جتنا احسن اقبال بولتا ہے، وہ دبئی میں گارڈ کا کام کرتا ہے، سب مل کر پیسہ چوری کر کے ملک سے باہر لے کر جاتے ہیں، عوام کا پیسہ ایک ہزار ارب روپے باہر جا رہا ہے، ہیہ سرمایہ کاری پاکستان میں آئے تو سارے مسائل حل ہو جائیں، فضل الرحمان بھی کرپشن میں ان کے ساتھ ہے، محمود خان اچکزئی کے ضمیر کی چھوٹی قیمت لگی ہے، اس نے پشتونوں کو شرمندہ کر دیا ہے، پیسے والے لوگوں سے ٹیکس لوں گا، پاکستان میں سرمایہ کاری کرنا چوتھاحل ہے، کے پی کے کی پولیس مثال بن چکی ہے، ہم نے اس کو غیر سیاسی کیا، اسی طرح سارے ادارے ٹھیک ہو سکتے ہیں، جس سے سرمایہ کاری پاکستان میں آئے گی، سرمایہ کاری شروع ہو گی تو ملک میں خوشحالی آئے گی، سرمایہ کاری تب آئے گی جب کرپشن ختم ہوگی۔پاکستان میں ایک شہر ہے جو 11ویں نمبر پر ہے جہاں لوگ سرمایہ کاری کرنا چاہتے ہیں، ہم اس ملک کے ادارے مضبوط ٹھیک کر کے دکھائیں گے، سی پیک ایک بڑا موقع ہے فائدہ اٹھانے کا، اس کے بعد قرضوں کی ضرورت نہیں پڑے گی، الیکشن جلدی ہے اور جتنی جلدی الیکشن ہو گا جمہوریت مضبوط ہو گی، یہ چور مل کر پی ٹی آئی سے شکست کھائیں گے، نواز شریف الٹی باتیں کرتا ہے کہ کیا فرق پڑتا ہے اگر میرے خچے آمدنی سے زیادہ ہیں، ہم نواز شریف سے پوچھیں گے اور اگر جواب نہ دیا تو تمہارا ٹھکانہ اڈیالہ جیل ہو گا۔

اسلام آباد (آئی این پی، مانیٹرنگ ڈیسک) پاکستان تحریک انصاف کے چیئرمین عمران خان نے کہا ہے کہ اسلام آباد ہائی کورٹ کے جج جسٹس شوکت صدیقی نے کیا بیان دیا ہے، مجھے سمجھ نہیں آرہا، عوام تو فوج کو دعائیں دے رہی ہے، حکومت نے ایک منصوبے کے تحت ختم نبوت کے قانون میں ترمیم لائی، میرا خیال ہے کہ انہوں نے بیرونی ایجنڈے پر یہ ترمیم کی، احسن اقبال تو کہتے تھے کہ فیض آباد دھرنا 3گھنٹے میں ختم کرا دیں گے، دھرنے کے معاملے پر ہماری پارٹی کا موقف تھا کہ طاقت کا استعمال نہ کیا جائے، ملٹری آپریشن مسئلے کا حل نہیں ہے، اس سے سیاسی معاملات مزید خراب ہوتے ہیں، الیکشن میں تاخیر تو تحریک انصاف کو سوٹ کرتا ہے، قبل از وقت انتخابات جمہوری نظام کا حصہ ہے، نواز شریف تو چاہتا ہے کہ جمہوریت ڈی ریل ہو، فوج آ جائے، اس سے اس کا پیسہ بچ جائے گا، اتنا پیسہ سلطانہ ڈاکو نے نہیں کمایا جتنا نواز شریف نے کمایا۔ پیر کو نجی ٹی وی کو انٹرویو دیتے ہوئے عمران خان نے کہا کہ احسن اقبال نے احتساب عدالت کے باہر رینجرز کے مسئلے پر ڈرامہ کیا، وہ عدالت کے باہر فوج کو بدنام کرنے کی کوشش کر رہے تھے، حکومت ایک منصوبے کے تحت ختم نبوت کے قانون میں ترمیم لائی، میرا خیال ہے کہ انہوں نے بیرونی ایجنڈے پر یہ ترمیم کی، احسن اقبال نے زندگی میں کوئی کام نہیں کیا۔ انہوں نے کہا کہ پی ٹی آئی کے لوگوں نے الیکشن بل پر احتجاج کیا، احسن اقبال تو کہتے تھے کہ فیض آباد دھرنا 3 گھنٹے میں ختم کر دیں گے، ہماری قوم یہ جاننا چاہتی ہے کہ یہ کیوں کیا گیا، احسن اقبال اور مریم نواز کے جھوٹ سامنے آرہے ہیں، شریف خاندان 30 سال سے بچ رہا تھا، پاکستان کی تاریخ میں اتنے موقعے کسی کو نہیں ملے جتنے شریف خاندان کو ملے ہیں، (ن) لیگ شریف خاندان کو بچانے میں لگی ہوئی ہے، یہ لوگ فوج کو پوری دنیا کے سامنے بدنام کرنے کی کوشش کررہے ہیں۔ عمران خان نے کہا کہ نواز شریف عدلیہ کے بارے میں جو کچھ کہہ رہے ہیں دنیا میں کہیں اور ہوتا تو یہ جیل میں ہوتے۔ عمران خان نے کہا کہ حکومت نواز شریف کو بچانے کےلئے اتنظامیہ کو استعمال کر رہی ہے اور ساتھ ساتھ 94ارب روپے کی رشوت بھی دے رہی ہے، یہ لوگ نواز شریف کو بچانے کے چکر میں جمہوریت کو بدنام کر رہے ہیں، دھرنے کے معاملے پر ہماری پارٹی کا موقف تھا کہ طاقت کا استعمال نہ کیا جائے، جب سویلین حکومت کی رٹ ختم ہو جائے تو فوج کو طلب کیا جاتا ہے۔ انہوں نے کہا کہ اسلام آباد ہائی کورٹ کے جج جسٹس شوکت صدیقی نے کیا سٹیٹمنٹ دی ہے، مجھ سمجھ نہیں آرہا، عوام تو فوج کو دعائیں دے رہی ہے، میں تسلیم کرتا ہوں کہ ماضی میں فوج نے غلط فیصلے کئے، میں نواب اکبر بگٹی کے خلاف آپریشن کے بھی خلاف تھا اور میں نے ملٹری آپریشنز کے خلاف سٹیٹمنٹ دیں، ملٹری آپریشن مسئلے کا حل نہیں ہے،اس سے سیاسی معاملات مزید خراب ہوتے ہیں، چیئرمین تحریک انصاف نے کہا کہ مسلمان اسلام کے نام پر مرنے کےلئے تیار رہتے ہیں، فوج دہشت گردی کے خلاف جنگ لڑ رہی ہے اور اس دھرنے کے معاملے میں بھی اپنا کردار ادا کیا، آپ کو اس کی تعریف کرنی چاہیے۔ تحریک انصاف کے چیئرمین نے کہا کہ اس وقت پاکستان کی تاریخ کا سب سے بڑا خسارہ ہے، دیگر پارٹیاں قبل از انتخابات کا مطالبہ اس لئے نہیں کر رہیں کیونکہ یہ ان کے مفاد میں نہیں ہے، پیپلز پارٹی کا پنجاب میں نام و نشان مٹ چکا ہے، الیکشن میں تاخیر تو تحریک انصا ف کو سوٹ کرتا ہے،قبل از انتخابات جمہوری نظام کا حصہ ہے، اس سے جمہوریت مضبوط ہوتی ہے، انگلینڈ اور ترکی کی مثال آپ کے سامنے ہے۔ عمران خان نے کہا کہ نواز شریف تو چاہتا ہے کہ جمہوریت ڈی ریل ہو ، فوج آ جائے، اس سے اس کا پیسہ بچ جائے گا، قبل از انتخابات کی ملک کو ضرورت ہے، میری سوچ بائیں بازو کی ہے، ہم مدرسے کے طلباءکی بہتری کےلئے اقدامات کرنا چاہتے ہیں اور مولانا سمیع الحق اس سلسلے میں زبردست کردار ادا کر سکتے ہیں، پاکستان کی قوم میں پہلے سے زیادہ شعور آگیا ہے، قوم اپنے مقروض ہونے کی وجہ سمجھ گئی ہے، آنے والے الیکشن میں سونامی پلس آنے والا ہے، میں قائداعظم کے بعد دوسرا لیڈر ہوں جس نے باہر پیسہ کمایا اور ملک میں واپس لایا، اتنا پیسہ سلطانہ ڈاکو نے نہیں کمایا جتنا نوز شریف نے کمایا، حسن نواز 600کوڑ روپے کے گھر میں رہ رہا ہے۔

کوٹ ادو(ویب ڈیسک) پاکستان تحریک انصاف کے چیرمین عمران خان نے کہا ہے کہ حقیقی جمہوریت وہ ہوتی ہے جہاں ملک کا سربراہ عوام کو جوابدہ ہوتا ہے اور اگر پاکستان میں جمہوریت ہوتی تو نواز شریف 300 ارب روپے کی کرپشن کا جواب دیتے۔کوٹ ادو میں جلسے سے خطاب کرتے ہوئے عمران خان کا کہنا تھا کہ پاکستان میں روٹی کپڑا اور مکان اور پاکستان کو ایشین ٹائیگر بنانے کے نام پر ووٹ لیے جاتے ہیں لیکن ملک میں ایک چھوٹی سی کرپٹ مافیا قابض ہے جو امیر اور عوام غریب ہو رہی ہے، کرپٹ مافیا عوام کے حقوق کے نام پر ووٹ لیتی ہے اور اپنے بچوں کو بیرون ملک جائیدادیں بنا کر دیتی ہے۔ان کا کہنا تھا کہ جب قوم میں شعور آ جاتا ہے تو وہ اپنے فیصلے سوچ سمجھ کر کرتی ہے اور ملک میں حقیقی جمہوریت آ جاتی ہے۔انہوں نے کہا کہ حقیقی جمہوریت وہ ہوتی ہے جس میں ملک کا سربراہ عوام کو جوابدہ ہوتا ہے، وزیراعظم پارلیمنٹ کو جوابدہ ہوتا ہے لیکن نوازشریف نے جھوٹ بولا اور ہمیں جواب نہیں دیا۔چیرمین تحریک انصاف نے الزام لگایا کہ اسپیکر قومی اسمبلی نے نواز شریف کے خلاف ریفرنس اس لیے نہ?ں بھیجا کیوں کہ وہ ان کے گھر کے ملازم ہیں، کرپشن کیسز کے خلاف پبلک اکاو¿نٹس کمیٹی میں گئے تو سارے محکموں نے ہاتھ کھڑے کر دیے۔ان کا کہنا تھا کہ حکومت میں اوپر جتنے لوگ بیٹھے ہیں وہ سب شریف خاندان کے درباری ہیں، پارلیمنٹ نے قانون پاس کیا کہ مجرم ایک پارٹی کا سربراہ ہو سکتا ہے، ایسا دنیا میں کسی پارلیمنٹ نے نہیں کیا۔انہوں نے کہا کہ دنیا کی کس جمہوریت میں ہوتا ہے کہ عوام کا پیسہ چوری کرنے والے کو عوام کے پیسے سے پروٹوکول ملے، نواز شریف اور ان کے بچوں نے سارا پیسا پاکستان سے بنایا لیکن جب کھانسی بھی ہو جائے تو علاج کے لیے بیرون ملک چلے جاتے ہیں، ان لوگوں نے 30 سال میں ایک بھی ایسا اسپتال نہیں بنایا جس میں ان کا علاج ہو سکے۔عمران خان کا کہنا تھا کہ برسوں سے کہہ رہا ہوں کہ اسحاق ڈار سب سے بڑے منی لانڈرر ہیں، نیب سے پوچھتا ہوں کہ انہیں باہر جانے کی اجازت کیوں دی؟ان کا کہنا تھا کہ ہمیں خیبر پختونخوا میں پہلا موقع ملا تو ہم نے پولیس کے نظام کو بہتر بنایا اور اگر آئندہ حکومت بنا کر پنجاب کی پولیس کو بھی بہتر بنائیں گے۔انہوں نے کہا کہ حکومت میں آ کر کسانوں کے لیے بھی پالیسی بنائیں گے اور اسپتالوں کا نظام بہتر کریں گے۔