کراچی(خصوصی رپورٹ)بھارتی فو ج کے ایک حاضر سروس کرنل کو خفیہ اطلاع پر اپنے ماتحت افسر کی بیوی کے ساتھ رنگ رلیاں مناتے ہوئے پکڑ لیا گیا ہے۔ بھارتی فوج نے مذکورہ کرنل کے خلاف تحقیقات کا آغٓاز کردیا ہے۔ تفصیلات کے مطابق، ملٹری پولیس نے خفیہ اطلاع پر لیفٹیننٹ کرنل کے گھر 26اکتوبر کی رات 3بجے چھاپہ مارا تو وہاں بھارتی کرنل جو کہ ایڈیشنل چیف انجینئر کے عہدے پر فرائض انجام دے رہا ہے، لیفٹیننٹ کرنل کی بیوی کے ساتھ موجود تھا۔بھارتی ذرائع ابلاغ نے مذکورہ افسران کے نام ظاہر نہیں کیے ہیں ، جبکہ لیفٹیننٹ کرنل گالف ٹورنامنٹ میں شرکت کے سبب چندی گڑھ گیا ہوا ہے۔ملٹری پولیس نے بعد ازاں کرنل اور لیفٹیننٹ کرنل کی بیوی کو میڈیکل چیک اپ کےلئے ہسپتال روانہ کردیا۔واضح رہے کہ کچھ ہفتے قبل بھارتی فوج ایک لیفٹیننٹ کرنل کو نوکری سے اس وجہ سے نکال چکی ہے کیوں کہ اس کے اپنے ایک دوست کی بیٹی کے ساتھ جسمانی تعلقات تھے۔

ٹھٹہ(ویب ڈیسک ) انڈین کوسٹ گارڈ نے رن آف کچھ میں پاکستان کے سمندری حدود کی مبینہ خلاف ورزی کی اور 26 پاکستانی ماہی گیروں کو ان کی 5 کشتوں کے ہمراہ ساتھ لے گئے۔ہندوستانی کوسٹ گارڈز کی جانب سے پاکستانی حدود کی مذکورہ خلاف ورزی سر کریک کے مقام پر کی گئی ہے۔پاکستان فشر فوک فورم کے چیئرمین محمد علی شاہ کے مطابق مذکورہ واقعہ رواں ہفتے کے آغاز میں پیش آیا اور حراست میں لیے گئے پاکستانی ماہی گیروں کو تفتیش کیلئے ریاست گجرات کی جیل میں منتقل کیا گیا ہے۔فورم کے مقامی عہدیدار سید گلاب شاہ نے گرفتار ماہی گیروں کا تعلق محمد علی ملاح اور شیر علی سولنگی کے دیہاتوں سے بتاتے ہوئے کہا کہ گرفتار کیے جانے والے 26 میں سے 4 ماہی گیر کم عمر ہیں۔خیال رہے کہ حکام نے واقعے کی تصدیق نہیں کی ہے۔واضح رہے کہ ضلع ٹھٹہ اور سجاول سے تعلق رکھنے والے 50 ماہی گیر پہلے ہی انڈیا کی ریاست گجرات کی متعدد جیلوں میں قید ہیں۔

اسلام آباد(ویب ڈیسک ) چند ماہ قبل روس نے بھارتی خواہشات کے برعکس پاکستان کے ساتھ جنگی مشقوں میں حصہ لیا اور اب روس نے پاک چین اقتصادی راہداری منصوبے میں یورایشین اکنامک یونین کو بھی شامل کرنے کی خواہش کا اظہار کیا ہے جس نے مودی سرکار کی نیندیں اڑا کر رکھ دی ہیں۔روس کی پاک چین اقتصادی راہداری میں بڑھتی دلچسپی اور پاکستان کے ساتھ گہرے ہوتے تعلقات نے بھارتی حکام کی نیندیں اڑا دی ہیں، بھارت خطے میں اپنے استحکام اورمفادات کے حصول کے لیے پریشانی کا شکار ہوگیا ہے۔ پاک چین دوستی کو مضبوط بنانے اور تجارت کے فروغ کے لیے اقتصادی راہداری کا منصوبہ شروع کیا گیا جو نہ صرف رابطے مضبوط بنا رہا ہے بلکہ خطے میں پاکستان کے ایک اور دوست کو منظرعام پر لایا جو کھل کر سی پیک کی حمایت کر رہا ہے۔روس نے سی پیک کی کھلم کھلا حمایت کرتے ہوئے اب یہ اعلان کیا ہے کہ وہ چاہتا ہے سی پیک میں یورایشین اکنامک یونین بھی شامل ہو جائے، 2015 میں بنائے گئے اس تجارتی فورم میں روس، بیلاروس، قازکستان اور ارمینیا سمیت کرغزستان شامل ہیں۔روس کی سی پیک میں شامل ہونے کی خواہش نے مودی سرکار کی نیندیں اڑا دی ہیں اور بھارتی حکام روس کی پاکستان کے منصوبے میں گہری دلچسپی پر پریشان ہیں، انہیں یہ فکر ستانے لگی ہے کہ روس اب بھارت کو قابل اعتماد دوست نہیں سمجھتا اور بنیادی مفادات کو چیلنج کر رہا ہے اس صورتحال نے بھارت کی بوکھلاہٹ میں مزید اضافہ کردیا ہے۔

نئی دہلی(ویب ڈیسک)بھارت کے وزیراعظم نریندر مودی نے پھر اپنے اس موقف کو دوہرایاہے کہ نوٹوں کی تبدیلی ایک مشکل فیصلہ تھا اور عوام کو تکلیف ہو گی لیکن 50 دن کے بعد حالات بہتر ہونے لگیں گے۔بھارتی ٹی وی کے مطابق انھوں نے ریاست گجرات میں ایک ڈیری پلانٹ کے افتتاح کے موقع پر کہا کہ ملک کو بدعنوانی سے آزاد کرنے کا یہ اہم قدم ہے۔وزیراعظم نے کہا کہ پورے ملک میں بحث ہے کہ نوٹوں کا کیا ہوگا؟انھوں نے مزید کہا کہ کسی بے ایمان کو کالے دھن اور بدعنوانی سے کوئی پریشانی نہیں تھی، پریشان صرف ایماندار شہری تھے۔وزیراعظم مودی کے مطابق اپوزیشن مجھے پارلیمنٹ میں بولنے نہیں دیتی، اس لیے میں جلسہ عام میں بول رہا ہوں۔انھوں نے بدعنوانی کے حوالے سے بات کرتے ہوئے کہا کہ8 نومبر کے بعد جنھوں نے بھی جرم کیے ہیں، انہیں اس کی سزا ملے گی۔خیال رہے کہ 8 نومبر کو حکومت ن اچانک ایک ہزار روپے اور پانچ سو کے کرنسی نوٹوں کو فوری طور پر ختم کرنے کا اعلان کیا تھا جس کے بعد بدھ کے روز بینک بند کر دیے گئے تھے۔لوگوں کے پاس کرنسی نوٹ تبدیل کرنے کے لیے 30 دسمبر تک کا وقت ہے۔ حکومت کے اس فیصلے سے عام لوگوں اور کاروباری طبقے کو سب سے زیادہ مشکلیں پیش آرہی ہیں جبکہ بینکوں کے باہر نوٹ تبدیل کرانے کے لیے طویل قطاریں دیکھنے میں آئی ہیں