کراچی (نیٹ نیوز) کراچی میں ٹرانسپورٹرز کی ہڑتال کے بعد جہاں تجارتی خسارہ عروج پر جا پہنچا ہے وہاں ملک دنیابھر میں بدنامی کا باعث بھی بن رہا ہے۔ ٹرانسپورٹر کراچی میں مخصوص علاقوں سے گزرنے کا راستہ مانگ رہے ہیں لیکن حکومت بھی اپنی ضد پر قائم ہے۔ اس کشمکش میں کئی روز سے جاری ہڑتال کے باعث پورٹ کراچی کنٹینرز سے بھر گیا ہے اور اس میں مزید مال اتارنے کی گنجائش نہیں رہی۔ نوبت یہاں تک آ گئی ہے کہ پاکستانی حکام نے دنیا بھر سے درخواست کی ہے کہ وہ بحری جہازوں کو کراچی آنے سے روکیں کیونکہ بندرگاہ میںہڑتال کے باعث پہلے سے پڑے ہوئے کنٹینرز نہیں اٹھائے گئے اور مزید رکھنے کی جگہ نہیں ہے۔ دنیاکی تاریخ گواہ ہے کہ ابھی کوئی ملک بندرگاہ کو بند نہیں کرتا ماسوائے جنگ میں مگر افسوس آج ہمارے ملک میں وہ کچھ ہو رہا ہے جوکبھی ہوا نہیں، یعنی حالت جنگ میں نہ ہونے کے باوجود بھی بندرگاہ کو بند کردیا گیا ہے۔