لاہور (وقائع نگار) سنی اتحاد کونسل پاکستان کے چیئرمین اور سیکریٹری جنرل نظام مصطفی متحدہ محاذ صاحبزادہ حامد رضا نے کہا ہے کہ ن لیگ شکست کے خوف سے الیکشن کے بائیکاٹ کا ڈرامہ کر سکتی ہے۔ ن لیگ گالی اور گولی سے عدلیہ کو خوفزدہ نہیں کر سکتی۔ جسٹس اعجاز الا حسن کے گھر پر فائرنگ سے نہال ہاشمی کی دھمکیاں یاد آتی ہیں۔ الیکشن سے پہلے نواز شریف اور مریم صفدر جیل میں ہوں گے۔ نواز شریف کا بیانیہ اس کے بھائی نے نہیں مانا تو قوم کیسے مانے گی۔ پشتون حقوق کے نام پر پاک فوج کے خلاف مہم چلانے والے بھارتی ایجنٹ ہیں۔ پاک فوج نے قربانیاں دے کر پاکستان کو شام اور عراق بننے سے بچایا ہے۔ ان خیالات کا اظہار انہوں نے نظام مصطفی متحدہ محاذ کے راہنما¶ں سے گفتگو کرتے ہوئے کیا۔ صاحبزادہ حامد رضا نے مزید کہا کہ پاکستانی حکومت نے بھارت کے خلاف منظم سفارت کاری کی ہوتی تو کشمیریوں کا قتل عام نہ ہوتا۔ دمشق سے سری نگر تک مسلمان لہولہان ہیں۔ عالمی طاقتوں کے حملے سے شام کا بحران مزید گہرا ہو گیا ہے۔ کشکول توڑنے کے دعویداروں نے ہر پاکستانی کو ایک لاکھ تیس ہزار کا مقروض بنا دیا ہے۔ ن لیگ کا شیرازہ بکھرنے کا وقت آ گیا ہے۔ نواز شریف کی گرفتاری سے ملک میں کوئی بھونچال نہیں آئے گا۔ احتساب کا عمل شروع ہو چکا ہے اب ایک ایک کر کے سب کی باری آئے گی۔ آئندہ سیاست میں جنوبی پنجاب کا کردار اہم ہو گا۔ انتظامی بنیادوں پر نئے صوبے بنانا ملک و قوم کی ضرورت ہے۔ قوم کرپشن کے خلاف جہاد میں عدلیہ کے ساتھ ہے۔

لاہور (خبر نگار) مسلم لیگ ن کا ایک اور پرندہ اڑنے کےلئے تیار پنجاب کے صوبائی وزیراقلیتی خلیل طاہر سندھو پیپلز پارٹی میں شامل ہونے کےلئے تیا ر خفیہ رابطے شروع۔ باوثوق ذرائع کا کہنا ہے مسلم لیگ ن کی ڈوبتی کشتی کو دیکھ کر صوبائی وزراءبھی ادھر ادھر ہونے کےلئے تیار ہوگئے ہیں کوئی پاکستان تحریک کے ساتھ خفیہ میٹنگز کر رہے ہیں اور کوئی پاکستان پیپلز پارٹی کے ساتھ ذرائع کے مطابق حال ہی میں پنجاب کے صوبائی وزیر اقلیتی خلیل طاہر سندھو نے لاہور میں پیپلز پارٹی کے چیرمین بلاول بھٹو سے ملاقات کی ہے اور پارٹی میں شمولیت بارے یقین دھانی کرائی ہے ۔اسی طرح جنوبی پنجاب کے ایم این اے اور ایم پی ایز بھی مسلم لیگ ن سے جانے والے ہیں ذرائع کا کہنا ہے کہ اس وقت وہ اس لیے خاموش ہیں کہ ان کو ترقیاتی فنڈز مل رہے ہیں لیکن انہوں نے دوسری پارٹیوں سے معاملات طے کر لئے ہیں جبکہ اس کی تصدیق کسی نے کیے۔

فیصل آباد (نیا اخبار رپورٹ) لیگی ایم این اے کا پی ٹی آئی میں شمولیت کا فیصلہ اعلان چند روز میں متوقع تفصیل کے مطابق ذرائع نے بتایا کہ گزشتہ روز تحفظ ختم نبوت کانفرنس میں پیر حمید الدین سیالوی کو استعفیٰ پیش کرنے والے ایم این اے ڈاکٹر نثار احمد نے ن لیگ چھوڑ کر پی ٹی آئی میں شمولیت کا فیصلہ کر لیا ذرائع نے بتایا کہ آئند چند روز میں وہ پی ٹی آئی کے چیئرمین سے ملاقات کر کے شمولیت کا باقاعدہ اعلان کریں گے ڈاکٹر نثار پہلے پی پی پی میں تھے ان کے سسر محمد الیاس جٹ محترمہ بینظیر بھٹو کو اپنی منہ بولی بہن کہتے تھے۔

اسلام آباد( اشفاق ساجد) معلوم ہوا ہے کہ سابق وزیر خزانہ سنیٹر اسحاق ڈار نے وزیرمملکت انوشہ رحمان کی وزارت کو بچانے کےلئے کوششیں تیز کر دی ہیں ،زرائع کے مطابق انتخابی اصلاحاتی بل ہیں ختم نبوت کے حلف ناموں میں تبدیلی میں مبینہ طور پر ملوث انوشہ رحمان کو بچانے کےلئے راجہ ظفر الحق سے لندن سے گزشتہ ایک ہفتہ کے دوران تین بار ٹیلی فوننک رابطہ کیا ہے انتہائی اہم زرائع نے بتایا ہے کہ اسحاق ڈار نے کمیٹی کے چئیر مین راجہ ظفر الحق سے رابطہ کر کے انہیں التجاءکی ہے کہ اپنی رپورٹ میں انوشہ رحمان کو زاہد حامد کے ساتھ حلف ناموں میں تبدیلی میں ملوث نہ کیا جائے اور کسی طرح اسے اس سے بری الذمہ قراردے دیا جائے ۔زرائع کا دعوی ہے کہ راجہ ظفر الحق نے اسحاق ڈار کو صاف انکار کر دیا ہے اور کہا ہے کہ وہ کسی صورت اپنے موقف سے پیچھے نہیں ہٹھیں گے اور اپنی رپورٹ کو انتہائی دیانتداری سے حتمی شکل دیں گے اسی زرائع نے خبریں کو بتایا کہ راجہ ظفر الحق کی رپورٹ میں زاحد حامد اور انوشہ رحمان کو مذکورہ بالا حلف ناموں میں تبدیلی کا ذمہ دار ٹھرایا گیا ہے اسی بنا پر اسحاق ڈار نے راجہ ظفر الحق سے رابطہ کر کے انوشہ رحمان کو بے گناہ قرار دینے کی التجا کی ہے جسے راجہ ظفر الحق نے مسترد کر دیا ہے۔

لاہور (خصوصی رپورٹ) اپوزیشن کی طرف سے انتخابی اصلاحات ایکٹ میں ترمیم کی کوشش قومی اسمبلی کے فلور پر ناکامی سے دوچار ہوئی اور حکمران مسلم لیگ نے اتحادیوں کے ساتھ مل کر میاں نوازشریف کی صدارت اس وقت بچا لی جب تک چیئرمین سینٹ صدر سے پارلیمنٹ کا مشترکہ اجلاس بلا کر اس پرائیویٹ ممبرز بل پر رائے شماری کی درخواست نہیں کرتے مگر ایوان میں اپنے 187اور اتحادیوں کے 35ارکان میں سے صرف 163ووٹوں سے بل کا مسترد ہونا مسلم لیگ ن کیلئے خطرے کی گھنٹی ہے۔ 163ووٹوں کا مطلب یہ ہے کہ حکومت سادہ اکثریت سے محروم ہو گئی کیونکہ حکومت سازی کیلئے 172ووٹ درکار ہیں۔ حکمران جماعت کے کم و بیش تین درجن ارکان کی غیرحاضری کو محض اتفاقیہ قراردینا اپنے آپ کو دھوکہ دینے کے مترادف ہے۔ 342کے ایوان میں جہاں نوازشریف کو 247اور شاہد خاقان عباسی کو 221ارکان نے اعتماد کا ووٹ دیا‘ حکومتی حمایت صرف 162تک محدود ہونے سے سنجیدہ نوعیت کے سوالات نے جنم لیا ہے‘ مثلاً میاں نوازشریف‘ مریم نواز اور دیگر مسلم لیگی رہنماﺅں کا یہ پراپیگنڈا دم توڑ گیا کہ ان کے ارکان پر اجلاس میں عدم شرکت کیلئے دباﺅ ڈالا جا رہا ہے اور انہیں نامعلوم نمبروں سے کالیں موصول ہو رہی ہیں۔ حکومتی رکن رجب علی بلوچ نے بھی اس کی تردید کی۔ کروڑوں روپے کے ترقیاتی فنڈز کی پیشکش‘ انضباطی کارروائی کی دھمکی اور دیگر ترغیبات اور دباﺅ کے باوجود تین درجن ارکان کی غیرحاضری محض اظہار ناراضگی نہیں کیونکہ ناراضگی دور کرنے کیلئے تو وزیراعظم اور وزراءنے ہر ممکن کوشش کی بلکہ یہ کھلی بغاوت ہے جس کا دائرہ وسیع ہو سکتا ہے۔ رضا حیات ہراج نے اس کا سبب یہ بتایا کہ نوازشریف اور شاہد خاقان عباسی عدالتی فیصلے کے مطابق نااہلی کو اہلیت میں بدل کر پارلیمنٹ کو عدلیہ کے سامنے کھڑا کر رہے ہیں جس سے یہ ارکان متفق نہیں۔ ریاض پیرزادہ جنہوں نے ترقیاتی فنڈز اور اپنی وزارت کیلئے گرانٹ منظور کرائی اور اس تاثر کو پختہ کیا کہ مسلم لیگی حکومت کی موجودگی کو مسلم لیگی ارکان اگلے الیکشن کی تیاری اور آمادہ سے آمادہ فنڈ بٹورنے کیلئے مفید تصور کرتے ہیں تاہم یہ سلسلہ ختم ہونے کے بعد وہ مستقبل کا فیصلہ کرنے میں آزاد ہوں گے۔ تین درجن ارکان کی عدم شرکت یا بغاوت اوردو درجن سے زائد ارکان کی منت ترلے‘ ترغیب اور دباﺅ کے ساتھ شرکت سے یہ واضح ہو گیا کہ میاں نوازشریف کی عدلیہ مخالف مہم اور حکومتی اداروں سے ٹکرانے کی خواہش کو مسلم لیگ (ن) میں پسندیدہ نظروں سے نہیں دیکھا جا رہا اور ہوا کا رخ جانچنے میں طاق ارکان اسمبلی وقت گزرنے کے ساتھ ساتھ فاصلہ پیدا کرتے چلے جائیں گے۔ ایوان میں ہونے والی ایک دو دھواں دھار تقریریں بھی ان ارکان کو باغیوں کے گروپ میںشامل ہونے کی ترغیب دیں گی۔ پارلیمنٹ بمقابلہ عدلیہ کے اس میچ میں کوئی عاقبت نااندیش ہی اپنے سیاسی مستقبل کو داﺅ پر لگا سکتا ہے۔