برمنگھم(خصوصی رپورٹ) سات مسلم ملکوں کے افراد کی امریکا میں داخلے پر پابندی کا حکم نامہ جاری کرنے کے امریکی صدر

ٹرمپ کے فیصلے پرنوبیل انعام یافتہ پاکستانی طالبہ ملالہ یوسفزئی نے اظہارافسوس کرتے ہوئے کہاہے کہ ٹرمپ اپنے فیصلے پر نظرثانی کریں،پابندی کے خلاف نوبل انعام یافتہ ملالہ یوسف زئی نے افسوس کا اظہار کیا ہے ۔غیرملکی خبررساں ادارے کے طابق ملالہ یوسف زئی نے کہاکہ تارکین وطن افرد پرپابندی کے فیصلے نے میرا دل توڑدیا ہے، صدر ٹرمپ تشدد اور جنگ سے متاثرہ خواتین اور بچوں پر دروازے بند کررہے ہیں، یہ بڑا بے یقینی کا دور ہے، ملالہ نے امریکی صدر ٹرمپ سے درخواست کی ہے کہ وہ اپنے فیصلے پر نظر ثانی کریں۔

واشنگٹن(ویب ڈیسک)مریکی اداکار چارلی شین کی جانب سے ایک ٹوئیٹ میں منتخب صدر ڈونلڈ ٹرمپ کی موت سے متعلق تمنا کے اظہار کے بعد معروف اداکار پر تنقید کا پہاڑ ٹوٹ پڑا ۔غیرملکی خبررساں ادارے کے مطابق امریکی ٹی وی اداکار کی ٹوئیٹ پر ردعمل کے طور پر سامنے آنے والے پیغامات میں اکثریت نے شین کی بیان کردہ بات کو بدترین نوعیت کا قرار دیا بعض ٹوئیٹس میں یہ سوال اٹھایا گیا کہ ہم اس حد تک کیسے پہنچ گئے کہ محض سیاست میں کسی سے اختلاف کی بنا پر اس کی موت کی آرزو کریں ؟ اس حوالے سے ٹوئیٹر پر ٹوئیٹس کی جنگ کا سا سماں پیدا ہو گیا۔چارلی شین نے اسی پر اکتفا نہیں کیا بلکہ ایک دوسری ٹوئیٹ میں ذرائع ابلاغ اور ان تبصرہ کرنے والوں پر بھی تنقید کی جنہوں نے شین کی ٹوئیٹ کو نفرت انگیز قرار دیا ۔ شین نے ٹوئیٹ میں کہا کہ میں نے آپ لوگوں سے تو بات نہیں کی!چارلی شین نے اپنی متنازعہ ٹوئیٹ میں 6 مرتبہ یہ عبارت لکھی کہ اے خدا براہ مہربانی ، اگلی بار ٹرمپ کو اٹھا لے ۔

نیویارک (ویب ڈیسک) نومنتخب امریکی صدرڈونلڈ ٹرمپ نے مسلمانوں کے خدشات دور کرنے کے لیے مشاورتی تنظیم بنانے کا فیصلہ کیا ہے۔ غیر ملکی میڈیا کے مطابق بظاہر مسلمانوں سے نفرت کرنے والے ڈونلڈ ٹرمپ نے سرکردہ مسلمان رہنماﺅں پرمشتمل ایک مشاورتی تنظیم بنانے کا فیصلہ کیا ہے جو مسلمانوں کے خدشات دور کرنے کے لیے امریکی حکومت کیساتھ مل کر کام کریگی۔تنظیم امریکا میں رہنے والے40لاکھ سے زائد مسلمانوں سے رابطے کریگی،اس سلسلے میں ساجد تارڑکو ٹاسک سونپ دیا گیا ہے جومختلف ریاستوں میں رہنے والے سرکردہ مسلمانوں سے رابطے کرکے انھیں اعتماد میں لے رہے ہیں۔ ڈونلڈٹرمپ کی طرف سے مسلمانوں کو اعتماد میں لینے اورمشاورتی عمل میں شریک کرنے سے جہاں امریکاکی سلامتی یقینی بنائی جا سکے گی وہیں مسلمانوں میں پائے جانے والے خدشات بھی دور ہونگے اور وہ پہلے سے زیادہ بہتر طریقے سے امریکا کی خدمت کرسکیں گے۔نیویارک پولیس ڈپارٹمنٹ کے مسلم پولیس افسران کی تنظیم مسلم پولیس آفیسرزایسوسی ایشن نے بروکلین میں ریلی نکالی اور نومنتخب صدر کو مبارکباد پیش کی۔ ایسوسی ایشن کے صدر عدیل رانا نے کہا کہ امریکی مسلمان ٹرمپ کی توجہ کے منتظرہیں، نومنتخب امریکی صدربھی مسلمانوں کی طرف ہاتھ بڑھائیں۔دوسری جانب ڈونلڈ ٹرمپ کی کامیابی کے بعدغیرملکیوں سے نفرت پرمبنی جرائم میں مسلسل اضافہ ہورہا ہے اورٹرمپ کے حامیوں نے غیر ملکیوں سے اظہارنفرت کے لیے سماجی رابطوں کی ویب سائٹس کوبھی استعمال کرنا شروع کردیا۔نیویارک پولیس کے مطابق شہر میں رواں سال مسلمانوں کے خلاف نفرت پرمبنی جرائم میں25 جبکہ یہودیوں کے خلاف 11 فیصد اضافہ ہوا۔