کراچی(خصوصی رپورٹ) اچھی صحت اور خوبصورت نظر آنے کے لئے خواتین دنیا بھر کے جتن کرتی ہیں لیکن اکثر کو شکایت رہتی ہے کہ انہیں کوئی فائدہ نہیں ہوتا۔ اس کی وجہ درج ذیل 10غلطیاں ہیں۔1۔ کم پانی پینے سے جلدی تھکن، چڑچڑا پن اور قبض جیسے مسائل کا سامنا بھی ہوسکتا ہے ۔2۔ کھانا چھوڑنے یا ڈائیٹنگ سے صحت کو فائدے کے بجائے نقصان ہی پہنچتا ہے ۔ 3۔ متوازن غذا نہ ہونے کی وجہ سے بھی خواتین اکثر صحت کے مسائل کی شکایت کرتی ہیں ۔4۔ ناکافی پروٹین:بیشتر خواتین اس کا خیال نہیں رکھتیں اور ضرورت سے کم مقدار میں پروٹین استعمال کرتی ہیں حالانکہ پروٹین سے جسم چست رہتا ہے بلکہ خون میں شوگر لیول بھی کنٹرول رہتاہے ۔5۔ کاربوہائیڈریٹس کی نامناسب مقدارسے چڑچڑے پن، تھکن، متلی، قبض، دردِ سر اور ضرورت سے زیادہ کھانے جیسے مسائل جنم لے سکتے ہیں۔6۔ چکنائی سے مکمل پرہیز:یہ نہیں بھولنا چاہئے کہ چکنائی بھی ہمارے جسم کی اہم ضروریات میں شامل ہے ۔ اس لیے روزمرہ غذا میں چکنائی کی مقدار کم ضرور رکھیں لیکن اسے بالکل ختم نہ کریں۔7۔ بے وقت کھانا:بے وقت کھائی جانیوالی غذا فائدے کے بجائے نقصان کا باعث بنتی ہے ۔ 8۔ حد سے زیادہ ورزش،یہ بھی نقصان دہ ہے خواتین کو سمارٹ اور چاق و چوبند رکھنے کے لیے پورے دن میں زیادہ سے زیادہ 60 منٹ تک کی ورزش کرنی چاہیے ۔9۔ ورزش سے گریز:ورزش نہ کرکے خواتین اعصابی تنا، ڈپریشن، ہائی بلڈ پریشر، ناقص ہاضمے ، موٹاپے اور درجنوں اقسام کے سنگین امراض کو دعوت دے رہی ہوتی ہیں۔10۔ نیند کی کمی۔ نیند کی کمی خواتین کو متعدد امراض میں مبتلا کرسکتی ہے ۔