مری(نمائندہ خبریں)مری ٹریفک پولیس کے فرض شناس اہلکار نے چوری شدہ سوزوکی پک اپ پکڑ لی، نقد انعام اور تعریفی سرٹیفکیٹ دینے کا اعلان انچارج جھیکا گلی چوک ٹریفک سارجنٹ محمد حفیظ نے معمول کی ڈیوٹی کے دوران گاڑی کی غیر نمونہ نمبر پلیٹ دیکھ کر اسے روکا اور ڈرائیور سے ضروری دستاویزات طلب کیں تاہم ڈرائیور کاغذات پیش نہ کر سکا مزید جانچ پڑتال پر گاڑی چوری شدہ ثابت ہوئی جس پر محمد حفیظ نے فوری کارروائی کرتے ہوئے گاڑی اپنی تحویل میں لے کر مزید قانونی کارروائی کے لیے تھانہ مری پولیس کے حوالے کر دی چیف ٹریفک آفیسر مری منیر احمد ہاشمی نے اہلکار کی فرض شناسی اور بہترین کارکردگی کو سراہتے ہوئے اسے شاباش دی اور حوصلہ افزائی کے لیے نقد انعام اور تعریفی سرٹیفکیٹ دینے کا اعلان کیا ان کا کہنا تھا کہ فرض شناس اور محنتی اہلکار محکمہ پولیس کا قیمتی اثاثہ ہیں ایسے اہلکاروں کی حوصلہ افزائی سے دیگر اہلکاروں میں بھی جذبہ خدمت اور ذمہ داری مزید فروغ پاتا ہے انہوں نے شہریوں سے اپیل کی کہ گاڑیوں کی اصل نمبر پلیٹس استعمال کریں ضروری کاغذات ہمراہ رکھیں اور ٹریفک قوانین کی پابندی کرتے ہوئے پولیس سے تعاون کریں۔
