لاہور(شوبز ڈیسک) پاکستان فلم انڈسٹری کی اداکارہ صائمہ نور نے کہا ہے کہ فلموں میں محبت کی سٹوری کو زیادہ پسند کیا جاتا ہے‘ نئے دور میں فلم انڈسٹری میں بھی نئے تقاضوں کو اپنانا ہو گا‘ فلم انڈسٹری کیلئے سب کو زیادہ سے زیادہ محنت کرنا ہو گی۔ گزشتہ روزایک تقریب کے دوران گفتگو کرتے ہوئے صائمہ نور نے کہا کہ آج کل لوگ لڑائی جھگڑوں والی نہیں بلکہ محبت کی سٹوری والی فلم کو زیادہ پسند کرتے ہیں اور اگر ہم نے پاکستانی فلم انڈسٹری کو مضبوط کرنا ہے تو پھر شائقین کی خواہش کے مطابق فلمیں بنانا ہو گی۔انہوں نے کہا کہ گو کہ پاکستان میں بھی جدید تقاضوں کے مطابق فلمیں بننا شروع ہوگئی ہیں تاہم ان میں مزید جدت لانے کی ضرورت ہے۔
