دبئی(ویب ڈیسک) پاکستان نے سیریز کے پہلے ڈے نائٹ ٹیسٹ میچ کے پہلے دن کے اختتام پر ویسٹ انڈیز کے خلاف ایک وکٹ کے نقصان پر 279 رنز بنا لیے۔تفصیلات کے مطابق پاکستان ٹیم نے پہلے ڈے نائٹ ٹیسٹ میچ میں ٹاس جیت کر بیٹنگ کا فیصلہ کیا اور دن کے اختتام پر مخالف ٹیم کیخلاف ایک وکٹ کے نقصان پر 279 رنز بنائے۔پہلا ڈے اینڈ نائٹ پاکستان نے ٹاس جیت لیاپاکستان کے اوپنر بلے باز اظہر علی اور سمیع اسلم نے پہلی وکٹ کی شراکت میں 215 رنز بنائے۔ سمیع اسلم 90 رنز بناکر پویلین لوٹ گئے، جبکہ اظہر علی 146 اور اسد شفیق 33 رنز بنا چکے ہیں۔اس سے قبل ڈے نائٹ ٹیسٹ میچ آسٹریلیا اور نیوزی لینڈ کے درمیان ایڈیلیڈ میں پچھلے سال نومبر میں کھیلا گیا تھا جس میں کینگروز کو فتح نصیب ہوئی تھی۔واضح رہے کہ ویسٹ انڈیز کے خلاف سیریز کے پہلے ٹیسٹ میں پاکستان کرکٹ ٹیم کو یونس خان کی خدمات حاصل نہیں۔ یونس خان علالت کے باعث نہیں کھیل سکتے۔ یہاں یہ بات قابل ذکر ہے کہ پاکستان اپنا چارسواں ٹیسٹ میچ کھیل رہا ہے۔
ڈے نائٹ ٹیسٹ میں پاکستان نے پہلے دن کے اختتام پر 279 رنز بنا لیے
