لاہور(سپورٹس ڈیسک) پاکستان کرکٹ بورڈ نے ویسٹ انڈیز کے خلاف دوسرے ٹیسٹ کیلئے ٹیم کا اعلان کر دیا ،ٹیم کا انتخاب قومی سلیکشن کمیٹی، ہیڈ کوچ اور کپتان کی مشاورت سے کیا گیا، یونس خان کو پندرہویں کھلاڑی کی حیثیت سے ٹیم میں شامل کیا گیا ہے ۔ طبیعت ناساز ہونے کے باعث یونس خان کو پہلے ٹیسٹ کیلئے آرام دیا گیا تھا ۔پہلے ٹیسٹ کیلئے منتخب 14 رکنی اسکواڈ کو برقرار رکھتے ہوئے یونس خان کو بھی اسکواڈ میں شامل کر لیا گیا ہے،یونس خان ڈینگی بخار کی وجہ سے پہلے ٹیسٹ سے دستبردار ہو گئے تھے ۔ٹیم مصباح الحق ، سمیع اسلم ، اظہر علی ، یونس خان ، اسد شفیق ، بابر اعظم ، سرفراز احمد ، محمد نواز، یاسر شاہ ، ذوالفقار بابر ، محمد عامر، وہاب ریاض ، سہیل خان ، عمران خان اورراحت علی پر مشتمل ہے۔پاکستان کی ٹیسٹ کرکٹ کی تاریخ میں سب سے زیادہ رنز بنانے والے یونس اسی بیماری کے سبب وہ قائد اعظم ٹرافی کے پہلے راﺅنڈ میں بھی شرکت نہیں کر پائے تھے۔دوسرے ٹیسٹ میچ کیلئے پاکستانی اسکواڈ میں اور کوئی تبدیلی نہیں کی گئی اور بقیہ تمام کھلاڑیوں کو برقرار رکھا گیا ہے اس سے قبل چیف سلیکٹر انضمام الحق نے ٹیسٹ سیریز کیلئے 14 رکنی سکواڈ کا اعلان کیا تھا ۔ یونس کی شمولیت کے بعد پاکستان کی 15 رکنی ٹیم مکمل ہو گئی ہے ۔ سٹار مڈل آرڈر بلے باز گزشتہ روز ہی دوبئی میں ٹیم کو جوائن کرچکے ہیں ۔ پاکستان اور ویسٹ انڈیز کا دوسرا ٹیسٹ میچ21اکتوبر سے ابوظہبی میں شروع ہو گاجبکہ تیسرا ٹیسٹ میچ شارجہ میں 30 اکتوبر سے 3 نومبر کے دوران کھیلا جائے گا۔
دوسرے ٹیسٹ کیلئے قومی سکواڈ کا اعلان
