یاسرکے فینز نے انھیں سپر مین کا خطاب دیدیا

دبئی (آئی این پی)دبئی ٹیسٹ میں ویسٹ انڈین بلے باز ڈیرن براوو کے شاندار کیچ کے بعد یاسر شاہ کے فینز نے انھیں سپر مین کا خطاب دے دیا، کچھ نے تو یاسر شاہ کے جشن کو ڈبلیو ڈبلیو ای کے رومن رینز کے آخری پنچ سے تشبیہ دے دی۔یاسر شاہ نے ڈیرن براوو کا اہم کیچ لیا تو سوشل میڈیا پر ان کا چرچا چل پڑاہے،کسی نے انھیں بیٹ مین تو کسی نے سپر مین قرار دیا۔،مداحوں نے یاسر شاہ کی وکٹوں کے جشن کو ڈبلیو ڈبلیو ای چیمپین رومن رینز کے آخری پنچ سے بھی تشبیہ دی۔سابق ویسٹ انڈین کھلاڑی این بیشپ بھی ان کی تعریف کیے بغیر نہ رہ سکے،بولے 80 اوورز کرانے کے باوجود اس مہارت سے کیچ لینا واقعی حیران کن ہے۔