سانحہ 12مئی کا کنٹرول روم گورنر ہاﺅ س میں بنا ہوا تھا :مصطفی کمال

کراچی (مانیٹرنگ ڈیسک)گورنر عشرت العباد کی گزشتہ روز دھواں دار تقاریر کے بعد مصطفی کمال بھی پیچھے نہیں رہے اور آج پریس کانفرنس میں عشرت العباد کا تمام حساب چکا دیا ،مصطفی کمال نے سانحہ 12مئی کے حوالے سے بات چیت کرتے ہوئے کہا کہ 12مئی کا سانحہ 2007میں ہو ا اور لوگوں کو2016 میں یاد اب آرہا ہے ،عشرت العباد کو تمام گناہوں کے ساتھ چھپنے نہیں دینگے ،الزا مات جھوٹے اور بے بنیاد ہیں ،جھوٹے پر اﷲ کی لعنت ہو ،گورنر صاحب آ پ اتنے پاور فل ہیں تو 14سالوں تک آپ نے کرپٹ لوگوں کو لٹکایا کیوں نہیں ،12مئی کو جو کچھ ہو ا اُس کا فیصلہ گورنر ہاﺅ ں میں ہوا جس کے گواہ وسیم اختر ہیں ،12مئی سانحہ کا کنٹرول روم گورنر ہاﺅ س میں بنا ہو ا تھا ۔پاک سر زمین کے سربراہ مصطفی کمال نے ساتھ ہی ساتھ مطالبہ کیا کہ سانحہ 12مئی کی دوبارہ انویسٹیگیشن کروائی جائے تاکہ صحیح لوگوں کو بے نقاب کیا جاسکے ۔