نوازشریف کی اہم پارٹی رہنماﺅں سے ملاقات, اندرونی کہانی سامنے آگئی

اسلام آباد (مانیٹرنگ ڈیسک) نجی ٹی وی کے مطابق وزیراعظم پاکستان میاں محمد نوازشریف نے پارٹی کے اہم ارکان نے ملاقات کی ہے۔ ٹی وی ذرائع کے مطابق حکومت نے دھرنے کے شرکاءسے سختی سے نمٹنے کا فیصلہ کرلیا ہے۔ ریاست کسی کے سامنے بے بس نہیں بنے گی۔ پانامہ کا معاملہ عدالت میں ہے۔ انہیں انتظار کرنا چاہیے۔ ٹی وی ذرائع کے مطابق وزیراعظم نے کہا ہے کہ پانامہ کا معاملہ عدالت میں ہے۔ دھرنے والوں کو عدالت کے فیصلوں کا انتظار کرنا چاہیے۔ ان کے مطابق ریاست کسی کے سامنے بے بس نہیں ہے۔ چند لوگ سڑکوں پر آکر منتخب حکومت کو گرانے میں کامیاب نہیں ہوسکتے۔وزیر اعظم نواز شریف بغیر پروٹو کول معروف صنعت کارچوہدری منیر کے گھرگئے جہاں وزیر اعظم کی نواسی مہرالنساءاورچوہدری راحیل منیر نے ان کا استقبال کیا۔وزیر اعظم نے چوہدری منیر اور انکے اہلخانہ کی جانب سے دئیے گئے ظہرانے میں شرکت کی۔ وزیر اعظم نوازشریف بارہ بجکر پچاس منٹ پر چوہدری منیر کی رہائش گاہ پہنچے اور دو گھنٹے سے زائد قیام کے بعد تین بجکر بارہ منٹ پراپنی رہائش گاہ جاتی عمرہ روانہ ہوگئے۔ فیملی ذرائع کےمطابق وزیرا عظم نجی مصروفیات کے سلسلے میں چوہدری منیر کی رہائش گاہ گئے تھے تاہم وہاں موجودہ سیاسی صورتحال پر عزیزواقارب سے مشاورت کا سلسلہ بھی جاری رہا۔