سینما مالکان نے بھارتی فلموں کی نمائش پر خودساختہ پابندی ختم کر دی

لاہور(کلچرل رپورٹر)پاکستانی سینما مالکان اور ڈسٹری بیوٹرز نے بھارتی فلموں کی نمائش پر خودساختہ پابندی ختم کرتے ہوئے نئی فلمیں فوری طورپر ریلیزکرنے کا فیصلہ کیاہے۔ذرائع نے بتایا ہے کہ اس سلسلے میں گزشتہ روزلاہور میں ایک اجلاس بھی ہوا جس میں مختلف ڈسٹری بیوٹرزاور سینمامالکان نے شرکت کی جہاں بھارتی فلموں کی نمائش کا فوری طور پر فیصلہ کیا گیا اور یہ موقف اختیارکیاگیا کہ حکومت نے چونکہ بھارتی فلموں پر پابندی نہیں لگائی لہذہ اب ان فلموں کی نمائش فوری طورپر دوبارہ شروع کی جارہی ہے۔ اس اجلاس میں اس بات کا جائزہ بھی لیا گیا کہ بھارتی فلموں پر پابندی سے سینما مالکان اور امپورٹرزکو کتنا نقصان برداشت کرنا پڑا۔ذرائع نے انکشاف کیا ہے بھارت کی دو فلمیںپاکستان پہنچ چکی ہیں اور انہیں این اوسی بھی جاری کردیا گیا ہے ان میں اجے دیوگن کی فلم”شیوائے‘اور کرن جوہر کی فلم”اے دل ہے مشکل “بھی شامل ہیں جسے بھارت میں صرف لئے روکنے کی کوشش کی جارہی ہے کہ اس میں فوادخان اور عمران عباس نے کام کیا ہے۔ان دونوں فلموں کو جلد ہی سنسرکے لئے پیش کیا جائے گا البتہ اس سلسلے میں پنجاب سنسربورڈ کے ایک ممبر نے اپنا نام نہ ظاہر کرنے کی شرط پر بتایا کہ ابھی تک سنسربورڈ کو کوئی نئی بھارتی فلم سنسر کرنے کی درخواست موصول نہیں ہوئی۔