اسلام آباد (مانیٹرنگ ڈیسک) تحریک انصاف نے اسلام آباد دھرنے کی حکمت عملی میں تبدیلی کا فیصلہ کر لیا۔ خیبرپختونحوا صوبائی قیادت کو لاکو¿ھوں کارکنوں کو لے کر دھرنے میں پہنچنے کی ہدایت کارکنوں کیلئے موٹر وے پر صوابی انٹر چینج کے قریب خیمہ بستی قائم کی جائے گی۔ نجی ٹی وی کے مطابق تحریک انصاف نے اسلام آباد میں دھرنے کی حکمت عملی کو تبدیل کر کے دھرنے کی کامیابی کا ٹاسک کے پی کے قیادت کو سونپ دیا ہے صوبائی قیادت کو لاکھوں کارکنوں کی دھرنے میں شرکت یقینی بنانے کی ہدایت کر دی گئی ہے۔ کے پی کے سے آنے والے کارکنوں کیلئے صوابی انٹرچینج کے قریب خیمہ بستی قائم کی جائے گی۔ پارٹی کے اندرونی ذرائع کے مطابق عین ممکن ہے کہ عمران خان کے پی کے سے آنے والے قافلے کی قیادت کرتے ہوئے دھرنے میں پہنچیں۔
