وزیراعظم ڈٹ گئے ، نہیں جائیں گے …. اہم ترین خبر سے کھلبلی

اسلام آباد(آن لائن)وزیرا عظم نوازشریف نے پانامہ لیکس کیس کی سماعت اور سیاسی کشیدگی کے پیش نظر دورہ کرغزستان منسوخ کر دیا۔اطلاعاتکے مطابق وزیرا عظم نواز شریف نے 2نومبر کو شیڈول دورہ کرغزستان منسوخ کر دیا ہے ۔ ذرائع کا کہنا ہے کہ وزیرا عظم نے شنگھائی تعاون تنظیم کے اجلاس میں شرکت کیلئے 2نومبر کوکرغزستان جانا تھا لیکن اب وزیراعظم کی نمائندگی مشیر خارجہ سرتاج عزیز کریں گے ۔ذرائع نے بتایا کہ پانامہ لیکس سے متعلق کیس دائر درخواستوں کی سماعت یکم نومبر کو ہونی ہے اور اس سلسلے میں لارجر بنچ بھی تشکیل دیدیا گیا ہے جس کے باعث وزیراعظم نے اپنا دورہ منسوخ کیا ہے ۔تاہم مسلم لیگ (ن) کے ذرائع کے مطابق وزیراعظم نے اپنا دورے اسلام آباد میں اپنی مصروفیات کے باعث منسوخ کیا ہے ۔یاد رہے پاکستان تحریک انصاف نے بھی دو نومبر کو ہی اسلام آباد بند کرنے کا اعلان کر رکھا ہے۔