اسلام آباد (کرائم رپورٹر) پاکستان تحریک انصاف کے سربراہ عمران خان نے کہا ہے کہ سپریم کورٹ میں کیس لگنے کے بعد وزیر اعظم کو استعفیٰٰ دے دینا چاہئے ،ادارے ٹھیک کام کر رہے ہوتے تو نواز شریف اور زرداری پکڑے جاتے،اسی مہینے نئی صبح طلوع ہوگی ،اللہ سے دعا کرتا ہوں نوازشریف اور شہباز شریف سے ہمیں آزادی دے ، میری وجہ سے فضل الرحمن کی اہمیت بڑھ گئی ہے۔پریڈ گراﺅنڈ اسلام آباد میں ”یوم تشکر “ کے بڑے جلسے سے خطاب کرتے ہوئے پاکستان تحریک انصاف کے سربراہ عمران خان نے کہا ہے کہ 24 گھنٹے کے نوٹس پر اتنی بڑی تعداد میں آنے پرکارکنوں کاشکریہ ادا کرتا ہوں ،پرویز خٹک قوم کا ہیرو بن چکا ، پوری قوم کی طرف سے انہیں سلام اور خراج تحسین پیش کرتا ہوں۔ صوبائی کابینہ کے تمام افراد اور جدوجہد کرنے والے سب پاکستانیوں کو سلام پیش کرتا ہوں، جب کوئی قوم آزادی کیلئے لڑتی ہے تو کامیابی ملتی ہے،شیلنگ ایسے ہورہی تھی جیسے لگ رہا تھا دشمن ملک پر حملہ کیا جا رہا ہے،کارکنوں کو نہ روکتا تو آپ آجاتے اور مجھے ڈر تھا کہ کہیں آپ کا خون نہ ہو جاتا۔ انہوں نے کہا ہے کہ دونوں بزدل بھائی قوم کو لڑارہے ہیں،دونوں چوری چھپانے کیلئے اپنی کرپشن اور بادشاہت بچھانے کیلئے خواتین پر لاٹھیاں برسا رہے تھے، ہم پاکستانی کرپشن کے خلاف احتجاج کر رہے تھے، شرم آنی چاہیے،پانامہ شریف اورڈرامہ شریف جھوٹ بولتے ہیں،میں انتظار کرہا ہوں کہ آپ کو جیل ہوگی،فضل الرحمان تم میرا شکریہ ادا کرو میری وجہ سے تم کو پیسے مل رہے ہیں،پہلے آپ کو ڈیزل کے پرمٹ ملتے تھے اب پیسے مل رہے ہیں،اسفند یار تم کیا کر رہے ہو،خورشید شاہ کی اندر سے نیت خراب ہے،نوازشریف سے ملے ہوئے ہیں،ڈبل شاہ اور آصف زرداری کی بھی باری آئے گی اب احتساب شروع ہوچکا ہے،میں سولو فلائٹ نہیں کر رہا میرے ساتھ شیخ رشید ہے۔ انہوں نے کہا ہے کہ ہرملک میں احتجاج ہوا لوگ نکلے وہاں تو کوئی لاٹھی چارج نہیں ہوا،کوئی گولی نہیں چلی ،پرامن احتجاج سب کا حق ہے،ججز کے ریمارکس پر خوشی ہوئی۔ انہوں نے کہا ہے کہ جلدی فیصلہ کریں گے،نیب کو بلا کر پوچھا نوازشریف کو کیوں نہیں پکڑا ؟ صرف غریبوں کو پکڑنا تمھارا کام ہے،میں تو اسلام آباد اس لیے آیا تھا نواز شریف کا استعفیٰ یا تلاشی ،قوم کومبارک ہو تلاشی شروع ہوچکی ہے،پچھلے آٹھ سال میں زرداری اور نواز شریف نوراکشتی کھیلتے آرہے ہیں،مک مکا کرکے ملک کو لوٹتے چلے آرہے ہیں،جب حکومت اور اپوزیشن مل جائے ،مک مکا کے نام پر اپوزیشن ختم ہوچکی تھی۔آٹھ سالوں میں ملک کا قرضہ بڑھا،ملک کو حکمرانوں سے لے کر پٹواری تک نے لوٹا ہے ،ادارے ٹھیک کام کررہے ہوتے تو کوئی بھی ملک لوٹا نہ جاسکتا ،نیب کا چیئرمین بھی مک مکا سے بنا،ملک کے ادارے ٹھیک کام نہیں کررہے،ادارے تباہ کردیئے اگر ٹھیک ہوتے تو ان کی کرپشن پکڑتے،شوباز شریف نے زرداری کے پیٹ سے کرپشن نکالنے اور سڑکوں پر گھسیٹنے کی بات کی تھی کہا ں گئے یہ وعدے؟ عمران خان کا کہنا تھا کہ پاکستان عظیم ملک بنے گا،ادارے اس وقت مضبوط ہوں گےجب یہ سارے ڈاکو پکڑے جائیں گے ، ملک میں خوشحالی آئے گی،جب کرپشن کا کینسر ختم ہوگا تو ملک خوشحال ہوگا،نیب کے چیئرمین میں تھوڑی سی بھی شرم ہے تو استعفیٰ دے،کسی میں بھی شرم نہیں،جب حکمرانوں میں شرم نہیں تو نیچے کیا شرم کریں گے۔ انہوں نے کہا ہے کہ جب سپریم کورٹ میں کیس لگ گیا ہے تو نوازشریف استعفیٰ دو،نواز شریف کی موجودگی میں شفاف احتساب ممکن نہیں ہوسکتا ،نواز شریف کی وکٹ اڑتی ہوئی نظر آرہی ہے،صرف پانچ سے دس ہزار لوگ ملک کا خون چوس رہے ہیں،ماڈل ٹاون میں جو ہوا ایسا تو آمریت میں بھی نہیں ہوتا،یہاں گولیاں مارنے والے کوپکڑا نہیں گیا،رانا ثناءاللہ کی شکل مجرموں جیسی ہے،عابد شیر علی کا باپ کہتا ہے 17بندو ں کا قاتل ہے،ایک ایم پی اے کہتا ہے مجھے مارنا چاہتا ہے، اسی مہینے میں نئی صبح طلوع ہوگی، ہمیں نوازشریف سے آزادی ملے گی۔ پاکستان عوامی مسلم لیگ کے سربراہ شیخ رشید احمد کا کہنا ہے کہ نواز شریف نے سیف الرحمان کے ذریعے ججوں کو خریدا تھا، کلبھوشن یادیو کو پکڑنے پر راحیل شریف کو خراج تحسین پیش کرتا ہوں، عمران خان کی قیادت میں پاکستان کا بچہ بچہ کشمیری مجاہدین کے ساتھ ہے۔ سپریم کورٹ نے پاناما لیکس کے معاملے پر پاکستان کو خانہ جنگی سے بچالیا ہے۔ میں سات مرتبہ وزیر رہ چکا عہدوں کا کوئی لالچ نہیں ہے عمران خان اگر تم کل باہر نکلتے تو تمہیں کامیاب کرکے سیاست سے کنارہ کشی اختیار کرلیتا۔ شیخ رشید کا کہنا تھا کہ میں نواز شریف کو اندر سے جانتا ہوں،یہ بڑا بے ایمان ہے، ڈاکو ہے اور مودی کا یار ہے۔ یہ وہ نواز شریف ہے جس نے سیف الرحمان کو بریف کیس دے کر ججز کو خریدنے بھیجا، جسٹس سجاد کی سپریم کورٹ پر حملہ کیا۔ انہوں نے کہا راحیل شریف تمہیں کلبھوشن یادیو کو پکڑنے پر خراج تحسین پیش کرتا ہوں۔ قومی سلامتی کی خبر لیک کرنے پر دو ٹانگوں والے پرویز رشید کی قربانی نہیں مانتا بلکہ خبر لیک کرنے والا اصل مجرم نکالو۔ انہوں نے 158 کنٹینرز لگائے اگر کل خدانخواستہ ہندوستان پاکستان پر حملہ کردیتا تو سڑکیں بند ہونے کی وجہ سے لاجسٹک سپورٹ کہاں سے ملتی؟۔ امریکی کانگریس میں یہ بیان دیا گیا کہ پاکستانی فوج دہشتگردوں کو سپورٹ کر رہی ہے، نواز شریف پاک فوج کو پنجاب پولیس بنانا چاہتا ہے۔ پوری دنیا پاناما لیکس پر تبصرہ کر رہی ہے لیکن انڈیا پاناما لیکس کا تذکرہ نہیں کر رہا کیونکہ وہ کشمیر میں ظلم کر رہا ہے لیکن میں یہ بتادوں کہ عمران خان کی قیادت میں پاکستان کا بچہ بچہ کشمیری مجاہدین کے ساتھ ہے۔ انہوں نے کہا کہ نواز شریف فوج کو پنجاب پولیس بنانا چاہتے ہیں۔ انہوں نے کہا کہ میں خود وکیل ہوں اوپر اللہ وکیل ہے اور نیچے شیخ رشید وکیل ہے۔ سپریم کورٹ نے پاناما لیکس کی سماعت مقرر کرکے ملک کو خانہ جنگی سے بچالیا ہے، میرا دل کہتا ہے کہ سپریم کورٹ پاکستان کو بحران سے نجات دلائے گی۔ شیخ رشید کا کہنا تھا کہ میں عمران خان کے ساتھ اس لیے ہوں کیونکہ یہ بندہ ایماندار ہے۔ موجودہ قیادت سے پاکستان کو شدید خطرات ہیں اسفند یارنے 25 کروڑ روپیہ نیب میں جمع کرایا ، بلاول کو 9 سال بعد شہیدوں کی یاد آئی۔رانا ثنا اللہ مجھے کہتا ہے کہ کنگلا موٹر سائیکل پر پھر رہا ہے لیکن میں اسے کہوں گا کہ وہ خود تو پی آئی اے کی ٹوائلٹ میں بیٹھا ہوا تھا۔خورشید شاہ شرم کرو، چلو بھر پانی میں ڈوب مرو ساری قوم کو پتا ہے کہ ڈاکٹر عاصم کو کس نے اور کیسے چھڑوایا ہے۔ تمہارا نام نواز شریف نے ڈبل شاہ پکارا ہے، تمہارا لیڈر آصف زرداری بھیک مانگتا رہا اور رحمان ملک کے ذریعے فوجیوں کے جوتے چاٹتا رہا اور کہتا رہا کہ مجھے ملک میں آنے دو۔ جو لوگ کہتے تھے کہ ہم فوج کے اشارے پر یہ سب کر رہے ہیں اگر ہم فوج کے اشارے پر یہ کام کر رہے ہوتے تو پھر پرویز خٹک کو اسلام آباد آنے سے کون روک سکتا تھا۔ شیخ رشید نے عمران خان کو مخاطب کرتے ہوئے کہا خان صاحب آپ کو یہ کہوں گا کہ جب تک کنویں سے نجاست نہیں نکالی جاتی کنواں پاک نہیں ہوگا۔ خان صاحب اس ملک کا غریب آدمی مر گیا ہے، میں سات مرتبہ وزیر رہ چکا ہوں عہدوں کا کوئی لالچ نہیں ہے عمران خان اگر تم کل باہر نکلتے تو تمہیں کامیاب کرکے سیاست سے کنارہ کشی اختیار کرلیتا۔ نواز شریف کا بیٹا لوہے کو ہاتھ لگائے تو سونا اور غریب آدمی نوکری کے لیے دھکے کھائے تو اس کی کوئی آواز نہیں ہے۔ عمران خان اس نظام کو بدلنا ،میری یہ خواہش ہے کہ تم بڑے لوگوں کے ہاتھ کی گھڑی اور جیب کی چھڑی نہ بننا بلکہ غریب لوگوں کے ساتھ کھڑے رہنا کیونکہ غریبوفادار ہوتا ہے۔ وزیراعلیٰ کے پی کے پرویز خٹک نے کہاہے کہ مجھے ڈرانے کیلئے کہا گیا کہ گورنر راج لگ سکتاہے ،میں نے بہت کرسیاں دیکھیں یہ آنی جانی چیز ہے ،جب عمران خان کہیں گے تو کرسی کو لات مار دوں گا۔ وزیراعلیٰ خیبر پختون خواہ پرویز خٹک نے کہاہے کہ مجھے ڈرانے کیلئے کہا گیا کہ گورنر راج لگ سکتاہے ،میں نے بہت کرسیاں دیکھی ہیں یہ آنی جانی چیز ہے ،جب عمران خان کہے گا تو لات ماردوں گا کرسی کو ،یہ کس کو ڈراتے ہیں ،انہوں نے غلط پراپیگنڈہ کیا کہ پرویز خٹک نے پنجابیوں پر حملہ کیا ۔وزیراعلی کے پی کے کا کہناتھا کہ پنجابی میرے بھائی ہیں میرے دوست ہیں ،چوہدری نثار کو کہتاہوں کہ تمہار پنجاب میں کوئی دوست نہیں ہے ،پنجاب کا ہر گھر میرادوست اور بھائی ہے ،میری شادی بھی پنجاب میں ہوئی ہے ،میں نے اپنی جوانی پنجاب میں گزاری تو میں پنجاب سے کیسے نفرت کرسکتاہوں۔ پاکستان تحریک انصاف کے رہنماشاہ محمود قریشی نے کہا ہے کہ ہم کرپٹ نظام اور کرپٹ حکمرانوں کو دفنانے آئے ہیں،ہماری طاقت دیکھنی ہے تو دکھادیں ہم طاقت دکھانے ہیں،وقت کم ہے مقابلہ سخت ہے،تیاری کرلو نواز شریف کو بھاگنے کی بڑی جلدی ہے۔ پاکستان تحریک انصاف کے رہنماشاہ محمود قریشی نے جلسے سے خطاب کرتے ہوئے کہا ہے کہہ ہمارے عمران خان کی قیادت پر فخر ہے،جب تحریکوں میں خون شامل ہوجاتے ہیں،ماں بہنوں کے آنسو شامل ہوجاتے ہیں وہ کامیاب ہوتی ہیں،کہا جاتا تھا تحریک انصاف کنسرٹ کرتی ہے لڑنے والے کارکن نہیں لیکن ہم نے ثابت کردیا ہے ہم لڑ بھی سکتے ہیں مر بھی سکتے ہیں۔ انہوں نے کہا ہے کہ قوم جاگ رہی ہے اور منزل قریب آرہی ہے،آئی جی پنجاب کو جلسے میں آنے کی دعوت دیتا ہوں کوئی اسلحہ ہے تو آکر لے جا،آ ہمارے پاس جھنڈے اور ڈنڈے کی صورت میں اسلحہ ہے،ہم پر الزام لگایا گیا ہم جمہوریت کو دفن کرنے آرہے ہیں،تحریک انصاف جمہوریت پسند ہیں،ہم کرپٹ نظام اور کرپٹ حکمرانوں کو دفنانے آئے ہیں،ہماری طاقت دیکھنی ہے تو دکھادیں ہم طاقت دکھانے ہیں۔ انہوں نے کہا کہ آج بھی اسلام آباد کی سڑکیں بند ہوسکتی ہیں لیکن ہم نہیں کریں گے ہم کرپٹ سیاست اور کرپٹ حکمرانوں بند کریں گے،تحریک انصاف نیا پاکستان بنا کر دکھائے گی۔ انہوں نے کہا ہے کہ کارکنوں کے جذبوں اور ہمت کو سلام پیش کرتا ہوں،خٹک صاحب جب آپ سڑکوں پر لڑ رہے تھے تو ہم بنی گالہ میں نظارے دیکھ رہے تھے ،میں نے خان صاحب کو کہا کہ صبح نیا سورج طلوع ہوگا،رائے ونڈ والے کہتے تھے تنہا ہوگئے ہیں،تنہا تو وہ ہوگئے ہیں،کل عمران خان کے ساتھ سپریم کورٹ جائیں گے،وقت کم ہے مقابلہ سخت ہے،تیاری کرلو نواز شریف کو بھاگنے کی بڑی جلدی ہے۔انہوں نے کہا ہے کہ جلد گو نواز گو ہوجائے گی،وائس چیئرمین نے گو نواز گو نعرے بھی لگوائے۔ پاکستان تحریک انصاف کے رہنما جہانگیر ترین نے کہا ہے کہ پی ٹی آئی میں رہنما اور کارکن ایک ہیں کارکنوں کو ریاستی غنڈہ گردی کے خلاف ڈٹے رہنے پر خراج تحسین پیش کرتا ہوں۔ پریڈ گراﺅنڈ میں جلسے سے خطاب کرتے ہوئے جہانگیر ترین کا کہنا تھا کہ وہ سب کارکنان کا شکریہ ادا کرتا ہے یہ واحد پارٹی ہے جس کا وزیر اعلیٰ بھی کارکن ہے پرویز خٹک نے پاکستان کی لڑائی لڑی ہے میں کارکنوں کو ریاستی غنڈہ گردی کے خلاف ڈٹے رہنے پر خراج تحسین پیش کرتا ہوں۔ انہوں نے کہا کہ پنجاب میں پی ٹی آئی کارکنان کو گرفتار کیا گیا۔ انہوں نے کہا کہ کارکنوں نے بنی گالہ میں عمران خان کا تحفظ کیا ہے تمام کارکنوں نے اس جدوجود میں ہمت اور جرا¿ت سے کام لیا۔ پنجاب کے کارکنوں اور ایم پی ایز کا بھی شکریہ ادا کرتا ہوں۔
نواز شریف کی وکٹ اُڑتی نظر آرہی ہے
