نئی دہلی (خصوصی رپورٹ) بھارت نے دریائے سندھ اور اس کے معاون دریاﺅں چناب ، جہلم نے مزید پانی کو اپنے تصرف میں لانے کیلئے ہائیڈل پراجیکٹس کو جلد ازجلد مکمل کرنے کی طرف پیش رفت شروع کر دی ہے۔ وزیراعظم آفس نے اس ضمن میں سنٹرل الیکٹرسٹی اتھارٹی کو دسمبر تک ہر صورت میں ٹیکنواکنامک اپریزل مکمل کرنے کا ٹاسک دیدیا ہے۔ وزیراعظم آفس نے الیکٹرسٹی اتھارٹی کو چھ ہائیڈرو الیکٹرک پراجیکٹس دریائے چناب پر تعمیر کرنے کی ہدایت کرتے ہوئے سنٹرل واٹر کمیشن سے اس معاملہ میں رجوع کرنے کا کہا ہے کہ ان پراجیکٹس میں 1856ءواٹ کا لائن آف کنٹرول کے قریب سوالکوٹ ہائیڈل پراجیکٹ، 540 میگاواٹ کا کرار اور 990 میگا واٹ کا کرتھائی پراجیکٹ شامل ہے۔
