واشنگٹن(خصوصی رپورٹ) ریپبلکن پارٹی کے ڈونلڈٹرمپ کی امریکی صدارتی انتخابات میں تاریخ سازکامیابی پر جہاں دنیابھرکے میڈیاپرہلچل مچی ہے وہاں سماجی رابطے کی ویب سائٹ ٹوئٹرپربھی ایک طوفان اٹھ کھڑا ہوا۔ٹوئٹرصارفین ریپبلکن امیدوارکی کامیابی پرمختلف اندیشوں کا اظہار کر کے بھڑاس نکالتے رہے ۔ایک صارف کا کہنا تھا کہ امریکی ایک بار 9/11 پر روئے تھے اب 11/9پر چیخ رہے ہیں۔ایک ٹویٹ میں کہاگیاکہ یونائیٹڈسٹیٹس آف امریکہ اب(ٹرمپ کی کامیابی کے بعد)یونائیٹڈہیٹس آف امریکہ میں تبدیل ہوگیا۔میکسیکوکے گرددیوارکھڑی کرنے کے ٹرمپ کے صدارتی مہم کے نعرے اور کئی رہنماﺅں کے ٹرمپ کی کامیابی کے بعدکینیڈامنتقل ہونے کے اعلان کے تناظرمیں ایک شخص نے لکھا کہ کینیڈا سرحد پر دیوار بنالے ۔ ٹرمپ کے سکینڈلزسے پریشان ایک صارف نے کچھ یوں کہا کہ ٹرمپ جیت گئے ،خداامریکی خواتین کومحفوظ رکھے ۔ ایک صارف نے ٹرمپ کی کامیابی پرامریکہ کو1776تا 2016قبرکاایک کتبہ قراردیدیا۔کئی افرادنے ڈیموکریٹس سے ہمدردی کابھی اظہارکیا۔