لاہور(خصوصی رپورٹ)بھارتی فورسز کی طر ف سے مسلسل سرحدی خلاف ورزی،شہریوں اورفوجی جوانوں کی شہادت کے بعد پاکستان کی سیاسی اور عسکری قیادت نے ہر محاذ پر بھارت کو بھرپور جواب دینے کی حکمت عملی تیار کر لی ۔مصدقہ ذرائع کے مطابق بھار ت کی طرف سے 224بارجنگ بندی معاہدہ کی خلاف ورزی پر پوری دنیا میں سفارتی سطح پرہندوستانی چہروں اور مقبوضہ کشمیر کے اندر ہونیوالے مظالم کومزید موثر اندازمیں بے نقاب کیا جائیگا،عالمی قوتوں کو باورکرایاجائیگا کہ بلااشتعال جارحیت پر پاکستان کسی حال میں خاموش نہیں رہے گابلکہ اسکا بھرپور جواب دینے کیلئے آخری حدتک جائیگا۔مزیدبتایاگیاکہ گزشتہ روز7جوانوں کی شہادت پرقومی قیادت میں سخت ردعمل پایاجارہاہے ،چنانچہ 90کی دہائی والی حکمت عملی اپناتے ہوئے ان تمام علاقوں میں پاک فوج کے مزیددستے اوربھاری ہتھیارپہنچانے کاکام شروع کردیاگیا، جہاں بھارت کی طرف سے اکثر بلااشتعال فائرنگ وگولہ باری کی جاتی ہے ۔مزیدبرآں پاک فو ج کے بلندحوصلہ جوان دشمن کوہرجگہ دندان شکن جواب دے رہے ہیں اوربھارتی فورسز کوبھاری جانی ومالی نقصان بھی پہنچ رہاہے ،مگرسیاسی قیادت کی ہدایت پراسکے میڈیامیں حقائق سامنے نہیں لائے جاتے ،تاہم پاکستان نے جوابی کارروائی میں بھارت کی تباہ ہونیوالی چوکیوں،توپوں،چیک پوسٹوں سمیت دیگرعسکری سازوسامان اورجانی نقصان کی تفصیلات سامنے لانے کافیصلہ کرلیا۔علاوہ ازیں ملک کے اندربھارتی خفیہ ایجنسیراکے نیٹ ورک کیخلاف انٹیلی جنس آپریشن مزیدتیزکردیاگیا۔
حکمت عملی تیار
