خان ہو اور خان کو سپورٹ نہیں کرے یہ ہو نہیں سکتا، یونس خان

پاکستان کرکٹ ٹیم کے سابق کپتان یونس خان نے سابق وزیراعظم اور لیجنڈری کرکٹر عمران خان کے لیے اپنی حمایت کا اظہار کرتے ہوئے کہا ہے کہ ’’اگر میں خان ہوں تو خان کو سپورٹ کیسے نہ کروں؟‘‘

ایک تقریب کے دوران گفتگو کرتے ہوئے یونس خان نے یاد کیا کہ جب عمران خان کی آنکھ سے متعلق مسئلہ سامنے آیا تھا تو انہوں نے اس حوالے سے سوشل میڈیا پر ٹوئٹ بھی کیا تھا۔

سابق کپتان نے کہا کہ وہ سوشل میڈیا کا زیادہ استعمال نہیں کرتے، تاہم عمران خان کے مشکل وقت میں انہوں نے اپنا مؤقف سامنے رکھنا ضروری سمجھا۔

یونس خان نے عمران خان کو ایک عظیم شخصیت قرار دیتے ہوئے کہا کہ انہوں نے پاکستان کے لیے بھی اور بحیثیت مسلمان کھلاڑی بھی دنیا بھر میں بہت نام کمایا۔

انہوں نے مزید کہا کہ وہ عمران خان کو ہمیشہ سپورٹ کرتے ہیں اور دعا کرتے ہیں کہ اللہ تعالیٰ ان کی صحت اچھی رکھے اور ان کی مشکلات کم کرے۔

یونس خان کا یہ بیان سوشل میڈیا پر بھی زیرِ بحث ہے، جہاں عمران خان کے لیے ان کی حمایت کو نمایاں کیا جا رہا ہے۔