لاہور (خصوصی رپورٹ) لاہور ہائیکورٹ نے سابق صدر زرداری کے خلاف غداری کے مقدمے کے اندراج کی درخواست بحال کرتے ہوئے وکلاءکو 25نومبر کو دلائل کیلئے طلب کر لیا۔ چیف جسٹس منصور علی شاہ نے سردار آفتاب ورک کی متفرق درخواست پر سماعت کی۔ درخواست گزار نے استدعا کی کہ عدالت نے سابق صدر کیخلاف اندراج مقدمہ کی درخواست عدم پیروی کی بنیاد پر خارج کر دی تھی۔ درخواست میں آصف علی زرداری، کیبنٹ ڈویژن، وزارت قانون اور وزارت دفاع کو فریق بنایا گیا ہے۔ درخواست گزار کے مطابق آصف علی زرداری نے کراچی میں 6جون 2015 ءکو پاک فوج کے خلاف تقریر کی۔ ان کی تقریر غداری کے مترادف ہے۔
اندراج مقدمہ
