لاہور (کلچرل رپورٹر) اداکار میرا ہسپتال کا فلاحی منصوبہ اور پروڈکشن ہاﺅس پس پشت ڈالتے ہوئے دولت کے انبار جمع کرنے میں مصروف ہیں لیکن کئی گھروں اور فلیٹ کی مالک ہونے کے باوجود ان کے پاس اپنی والدہ کورکھنے کی جگہ تک نہیں ہے ۔ ذرائع نے بتایا ہے کہ میرا کے پاس لاہور کے مختلف علاقوں میں پانچ گھر ہیںجن میں ان کا سب سے پرانا گھر بھی شامل ہے جو گارڈن ٹاﺅن میں واقع ہے اور کئی سال سے یہ گھرکرائے پر ہے ۔اسی طرح میرا کا ایک گھر جوہرٹاﺅن میں بھی جو کئی سال سے کرائے پر ہے۔ میرا طویل عرصے سے ڈیفنس کے یو بلاک میں واقع ایک بڑے گھرمیں رہائش پزیر ہے جہاں ان کے ساتھ والدین اور بہن بھائی بھی مقیم ہیں۔کئی کمروں پر مشتمل اس گھر سے میرا اکثر اپنی والدہ اور والد کو لڑ جھگڑکر نکال چکی ہیں جو کچھ عرصے بعد واپس آجاتے ہیں۔ اس کے علاوہ ڈیفنس کے ڈبل جی بلاک میں بھی میرا کا ایک بڑا گھر موجود ہے جس کے بارے میں معلوم ہوا ہے کہ یہ گھر میرانے عتیق الرحمن سے لیا تھا۔ ذرائع نے مزید بتایا ہے کہ گلبرگ کے دو بڑے پلازوں میں میرا کے فلیٹ بھی ہیں جبکہ کئی ہاﺅسنگ سکیموں میں انہوں نے پلاٹ بھی خریدے ہوئے ہیں۔میرا نے دوسال تک ہسپتال کے نام پر فنڈز اکٹھے کئے لیکن پھر غیرعلانیہ طور پر اس پر کام روک دیا ۔اسی طرح انہوں نے ڈیفنس کے ڈبل جی بلاک میں واقع اپنے گھر میں پروڈکشن ہاﺅس بنایا جہاں انہوں نے فلم اور ڈرامہ بنانے کا اعلان کیا اور ساتھ یہ بھی دعوی ٰ کیا کہ وہ دنیا کا سب سے جدید اور مہنگا کیمرہ پاکستان لائیں گی لیکن یہ سب کچھ بھی باتوں کی حد تک محدود رہا۔ ذرائع کا دعویٰ کے مختلف بنکوں میں ان کے کروڑوں روپے کے اکاﺅنٹ موجود ہیں لیکن اس کے باوجود وہ خودکو ہمیشہ ”غریب“ہی ظاہر کرتی ہیں۔ تنخواہیں نہ ملنے کی وجہ سے ماضی میں ان کے کئی ملازمین اور ڈرائیور انہیں چھوڑ کر جا چکے ہیں۔ دریں اثنا یہ بھی معلوم ہوا ہے میرا کی والدہ گزشتہ روز خاموشی سے اپنے گھر واپس چلی گئی ہیں۔ تاہم اس بارے میں کوشش کے باوجود دونوں کا مو¿قف معلوم نہیں ہوسکا۔
