لاہور(کلچرل رپورٹر)اداکار ببرک شاہ کی ڈائریکشن اور پروڈکشن میں بننے والی فلم”مولا وے “23دسمبرکو نمائش کےلئے پیش کی جائے گی جس کی تیاریاں حتمی مراحل میں داخل ہوگئی ہیں۔اس فلم کی انفرادیت یہ ہے کہ اس میں ببرک شاہ نے فلم کی کہانی سے لے کر ایکٹنگ اور ڈائریکشن سے بیک گراﺅنڈ میوزک تک پندرہ سے زیادہ شعبوں میں اکیلے کام کیا جو ایک طرح سے دنیا بھر میں منفردریکارڈ ہے۔فلم کی کہانی ایک نوجوان لڑکے کے گرد گھومتی ہے جو جعلی ادویات کے خلاف جنگ کا آغاز کرتا ہے جس میں اسے منفی طاقتوں سے بھی ٹکرانا پڑتا ہے۔فلم کا مرکزی کردار ببرک شاہ نے کیا جبکہ دیگرکاسٹ میں تیمورشاہ ،راحیلہ آغا ،اورنگزیب لغاری،راشدمحمود،محمدحسین،جہانگیر خان اور اچھی خان شامل ہیں۔
