لاہور(کلچرل رپورٹر)پروڈیوسر مومنہ دریدکی نئی ڈرامہ سیریل”سمی“کی تعارفی تقریب آ ج کراچی میں ہوگی جس میں پوری کاسٹ اور دیگر لوگ شرکت کریں گے۔اس ڈرامے کا ٹائٹل رول ماوراحسین نے کیا ہے جبکہ دیگر کاسٹ میں عرفان کھوسٹ،ریحان شیخ،عدنان صدیقی ،احدرضا میر نمایاں ہیں۔ یہ سیریل سندھی ثقافت کے پس منظرمیں بنائی گئی ہے جس کی زیادہ ریکارڈنگ تر حقیقی لوکیشنز پر کی گئی ہے۔ماورا حسین اپنی اس سیریل بارے بہت پرجوش ہے جس کے باعث وہ خودسوشل میڈیا پرکافی متحرک ہیں۔اس بارے میں ماوراحسین کا کہنا ہے کہ میں نے اس طرح کا کردار پہلی بار کیا ہے ،مجھے یقین ہے کہ شائقین کو میں”سمی“کے رول میں پسند آﺅں گی۔
