لاہور (شوبز ڈیسک) ٹیلی ویژن کے کے معروف اداکار احسن خان نے کہا ہے کہ ملکی فلم انڈسٹری نے اپنی نئی اننگز کاآغاز کردیا ہے ، سینما کی رونقیں جلد بحال ہوجائیں گی‘ جدید ٹیکنالوجی کے ساتھ ساتھ منفردموضوعات پرفلمیں بنائی جارہی ہیں جنہیں فلم بین پسند کررہے ہیں۔ گزشتہ روز اپنے ایک انٹرویو میں انھوں نے کہا کہ ہمارے سینماگھروں میں اب پاکستانی فلمیں بھی اچھا بزنس کررہی ہیں ہیں جو نہایت خوش آئند بات ہے۔ امید ہے کہ پاکستانی فلم انڈسٹری جس ڈگر پر چل پڑی ہے جلد ہی اس کی رونقیں بحال ہوجائیں گی۔
