ممبئی(ویب ڈیسک )پاکستانی اداکارہ ماہرہ خان کی پہلی بولی وڈ فلم ‘رئیس’ طویل عرصے سے خبروں میں تھی، اور اس فلم کا انتظار ماہرہ کے مداح طویل بھی کر رہے تھے۔’رئیس’ کو آج یعنی 25 جنوری کو آخر کار دنیا بھر میں ریلیز کردیا گیا، تاہم پاکستان میں اب تک نمائش کیلئے پیش نہیں کی گئی۔خیال رہے کہ ماہرہ خان کی پہلی بولی وڈ فلم ہونے کے باعث ہر کسی کو ان سے ایک شاندار پرفارمنس کی توقع تھی، تاہم ھارتی ویب سائٹس ماہرہ خان کی ‘رئیس’ میں کی گئی پرفارمنس سے زیادہ متاثر نظر نہیں آئیں۔ایسا شاید ہی ہوا ہو جب شاہ رخ خان کے ہمراہ کسی اداکارہ نے پہلی فلم کی ہو، اور اسے پسند نہ کیا گیا ہو، اس کی مثال انوشکا شرما اور دپیکا پڈوکون ہیں، جن کا شمار آج بولی وڈ کی شاندار اداکاراوں میں کیا جاتا ہے۔تاہم ماہرہ خان کی پرفارمنس اور شاہ رخ خان کے ساتھ ان کی کیمسٹری بھارتی تجزیہ کاروں کو خاصی پسند نہیں آئی۔’ماہرہ کو صرف گانوں اور چند جذباتی مناظر کی حد تک محدود کردیا گیا اور اس کے علاوہ کچھ خاص شامل نہیں کیا گیا، اگر انہیں شامل کرنے کا مقصد فلم میں ب±رے کردار کو بہتر کرنا تھا تو ناظرین کو ایسا کچھ نظر نہیں آیا’۔’ماہرہ خان بھی اس فلم میں کچھ خاص نظر نہیں آئیں، وہ اس سے بہتر کرسکتی تھیں، ان کی اداکاری دوسرے اداکاروں کے سامنے ڈوب گئی’۔’اس فلم میں ماہرہ خان کو ایک سہارے کی طرح استعمال کیا گیا، جو مزکری کردار کی بیوی بنی جو گھر میں اپنے بچے کی پرورش کرتی رہیں، یا جس پر غصہ اتارتے دکھایا گیا یا چند رومانوی مناظر میں پیش کیا گیا۔
