نئی دہلی (خصوصی رپورٹ)نئے امریکی صدر ڈونلڈ ٹرمپ کے اسلامی دنیا کے خلاف عزائم کو کیش کرانے کے لئے بھارتی ”را“ اور افغان انٹیلی جنس ”این ڈی ایس“ متحرک ہوگئی ہیں۔ واضح رہے کہ اپنی صدارت کا حلف اٹھاتے ہی ٹرمپ نے افتتاحی خطاب میں ”اسلامی انتہاپسندی“ کو کچلنے کا اعلان کیا ہے۔ دوسری جانب ورجینیا میں سنٹرل انٹیلی جنس ایجنسی (سی آئی اے) ہیڈکوارٹر کے دورے کے موقع پر امریکی صدر نے خفیہ ایجنسی کے افسران کو ”اسلامی دہشت گردی“ سے نمٹنے کی تیاری کا حکم دیا ہے۔ اعلیٰ سکیورٹی حلقوں سے جڑے ذرائع کا کہنا ہے کہ امریکہ نے نائن الیون کے بعد اسلامی دنیا کے خلاف جو پالیسی اختیار کی‘ بھارت نے اسے پاکستان کے خلاف بھرپور طریقے سے استعمال کیا۔ اب مودی سرکار نئے امریکی صدر ٹرمپ کے اسلام مخالف عزائم سے فائدہ اٹھانے کی تیاری کررہی ہے۔ اس ناپاک عزائم میں بھارت کو افغان خفیہ ایجنسی ”این ڈی ایس“ کی مکمل اور سی آئی اے کی بالواسطہ سپورٹ حاصل ہے۔ ذرائع کے بقول ایسی انٹیلی جنس اطلاعات ہیں کہ بھارتی اور افغان خفیہ ایجنسیوں نے مل کر ایک بڑے FALSE FLAG (جعلی حملے) کی منصوبہ بندی شروع کردی ہے۔ فالس فلیگ کی اصطلاح ایسے خفیہ آپریشنز کے لئے استعمال کی جاتی ہے جس میں مطلوبہ مقاصد حاصل کرنے کے لئے کوئی ریاست خود پر جعلی حملہ کرا کے اس کا ملبہ مخالف ملک پر ڈال دیتی ہے۔ دفاعی تجزیہ نگاروں کی ایک بڑی تعداد آج بھی 2001ءمیں بھارتی پارلیمنٹ پر حملے اور 2008ءکے ممبئی حملوں میں ”فالس فلیگ“ آپریشن قرار دیتی ہے۔ قومی سلامتی کے اداروں کے پاس بھی ایسے شواہد ہیں کہ بھارت نے پاکستان پر دباﺅ بڑھانے کے لئے یہ کارروائیں خود کرائی تھیں۔ ذرائع کا کہنا ہے کہ اسلامی دنیا کے خلاف ٹرمپ کے جارحانہ عزائم کو اپنے مقاصد کے لئے استعمال کرنے کی خاطر ”را“ نے ایک بار پھر اسی نوعیت کا بڑا جعلی حملہ کرانے کی منصوبہ بندی شروع کردی ہے۔ اس پلان کا خالق اجیت دووال ہے‘ جسے حال ہی میں وزیراعظم مودی نے اس منصوبے کو قابل عمل بنانے کا گرین سگنل دیا ہے۔ ذرائع کے مطابق انٹیلی جنس اطلاعات ہیں کہ آنے والے ہفتوں یا چند ماہ کے اندر مقبوضہ کشمیر‘ افغانستان یا بھارت سے کسی ایک مقام پر بڑا جعلی حملہ متوقع ہے تاکہ اس کا ملبہ پاکستان پر ڈال کر نئی امریکی انتظامیہ کو اپنے مقاصد کے لئے استعمال کیا جاسکے۔ اس بار زیادہ سنگین بات یہ ہے کہ ”را“ اور ”این ڈی ایس“ کی اس منصوبہ بندی میں اسرائیلی خفیہ ایجنسی ”موساد“ بھی شامل ہے۔ ذرائع کا کہنا تھا کہ اس مذموم منصوبہ بندی پر عمل کرنے کے لئے ملک دشمن ایجنسیوں کے پاس افغانستان میں تحریک طالبان پاکستان موجود ہے۔ اسی طرح مقبوضہ کشمیر میں اوڑی واقعہ کی طرح کرائے کے مجاہدین کو استعمال کیا جاسکتا ہے۔ جہاں تک بھارت کے اندر فالس فلیگ آپریشن کرانے کا تعلق ہے تو اس کے لئے بھی افغانستان سے ٹی ٹی پی یا مقبوضہ کشمیر سے کرائے گئے مجاہدین لے کر کارروائی کرائی جاسکتی ہے۔ مقصد یہ ہے کہ جن عناصر سے بھی یہ مجوزہ کارروائی کرانے کا منصوبہ بنایا جارہا ہے۔ ان پر پاکستان کی پکی چھاپ کو یقین بنایا جائے گا۔ ان حملہ آوروں سے ٹیلی فون بھی کرائے جائیں گے۔ ذرائع کے مطابق یہ منصوبہ بندی ابتدائی مراحل میں ہے۔ ابھی یہ حتمی فیصلہ نہیںکیا گیا کہ متذکرہ تینوں مقامات میں سے کس کو ”فالس فلیگ آپریشن“ کے لئے منتخب کیا جائے جبکہ ”را“ اور ”این ڈی ایس“ ایک دوسرے آپریشن پر بھی مشاورت کررہی ہیں کہ اگر نئی ٹرمپ انتظامیہ کو فوری طیش دلانا ہے تو پھر افغانستان میں کسی امریکی ملٹری بیس کو نشانہ بنوایا جائے۔ ذرائع کے مطابق اوباما میں کسی حد تک صبروتحمل تھا اور بہت سے اقدامات وہ سوچ سمجھ کر کیا کرتے تھے۔ تاہم اس کے برعکس ٹرمپ میں نہ صبر ہے نہ حوصلہ۔ انہیں آسانی سے مشتعل کرا کے استعمال کیا جاسکتا ہے۔ بھارتی منصوبہ سازوں کے پیش نظر یہی سب سے پلس پوائنٹ ہے۔ ذرائع کے بقول مجوزہ ”فالس فلیگ آپریشن“ کے بعد ٹرمپ کو جوابی کارروائی کے لئے اکسانے کا کام سی آئی اے سے لینے کا فیصلہ کیا گیا ہے جو پہلے ہی اسلامی دنیا اور بالخصوص پاکستان مخالف منصوبوں میں ”را“ اور ”این ڈی ایس“ کا بازو بنی ہوئی ہے۔ ذرائع کا کہنا ہے کہ چند روز پہلے حامد کزائی کا یہ بیان بھی اس منصوبہ بندی کی کڑی ہے۔ جس میں سابق افغان صدر نے نئے امریکی صدر ٹرمپ کو مخاطب کرتے ہوئے کہا ہے کہ اقتدار سنبھالنے سے پہلے آپ نے پاکستان میں موجود ”دہشت گرد کیمپ“ تباہ کرنے کا جو وعدہ کیا تھا۔ اسے پورا کریں اور امید ہے کہ اوباما کی طرح اپنے وعدے سے نہیں پھریں گے۔ سکیورٹی حلقوں سے جڑے ذرائع کے مطابق نائن الیون کے بعد جب بش انتظامیہ افغانستان پر حملے کی تیاری کررہی تھی تو بھارت نے امریکی صدر کو کہا تھا کہ صرف افغانستان میں ایکشن کرکے کوئی رزلٹ نہیں ملے گا۔ اس کے لئے ضروری ہے کہ پاکستان کے خلاف بھی کارروائی کی جائے۔ اس میں مددد کے لئے بھارتی فوجی اڈے وسائل اور فوج تیار ہے۔ جس پر بش نے بھارتی حکام کو کہا تھا کہ آپ کی تجویز بہت اچھی ہے۔ تاہم امریکی کی کچھ مجبوریاں ہیں کہ وہ پاکستان کے تعاون کے بغیر طالبان کو شکست اور افغانستان پر قبضہ نہیںکرسکتا۔ لہٰذا اس مجبوری کے تحت امریکہ‘ پاکستان کو بظاہر دوست بنائے گا۔ اس سے کام بھی لے گا اور دوسری جانب کورٹ وار یعنی خفیہ آپریشنز کے ذرائع پاکستان کو کمزور بھی کرتا رہے گا۔ اس کے بعد ہی بھارتی خواہش پر عمل درآمد ممکن ہے۔ ذرائع کے مطابق بش انتظامیہ نے اپنے اس پروگرام کے ایک بڑے حصے پر عمل کیا، تاہم اس کے آخری حصے میں یعنی کورٹ آپریشنز کے ذریعے پاکستان کو کمزور کرکے نشانہ بنانے کی خواہش پر عمل نہیں کر سکا۔ ذرائع کے بقول نائن الیون کے بعد امریکہ سے جس قسم کی خواہش کا اظہار بھارت نے کیا تھا، اب اس نوعیت کی خواہش حامد کرزئی کر رہا ہے جو را کے پے رول پر ہیں۔ کرزئی کی اس وقت بھی افغان حکومت میں خاصی جڑیں ہیں جبکہ اطلاعات ہیں کہ نئی امریکی انتظامیہ سے اسی قسم کا مطالبہ اشرف غنی کی جانب سے بھی متوقع ہے کہ اس کیلئے بھارت کا افغانستان پر شدید دباﺅ ہے۔ ذرائع کے مطابق ٹرمپ نے اقتدار سنبھالتے ہی امریکی سفارت خانے کو تل ابیب سے یروشلم منتقل کرنے کا حکم اسی ڈیل کے تحت دیا ہے۔ ماضی میں اسرائیل کے تمام تر دباﺅ کے باوجود اوباما نے یہ قدم اٹھانے سے انکار کردیا تھا۔ تل ابیب سے امریکی ایمبیسی کی یروشلم منتقلی کا سیدھا مطلب یروشلم کو اسرائیلی کا دارالحکومت تسلیم کرنا ہے۔ حالانکہ اوسلو معاہدے میں ٹو اسٹیٹ پالیسی کے تحت طے ہوا تھا کہ مشرقی یروشلم کا کنٹرول اسرائیل، جبکہ مغربی یروشلم فلسطینی اتھارٹی کے پاس رہے گا جس میں مسجد اقصیٰ بھی واقع ہے۔ ذرائع کے مطابق اس معاہدے کا مقصد محض فلسطینیوں کے انتفادہٹو کے مومنٹم کو توڑنا تھا۔ اس مقصد میں کامیابی کے کچھ عرصے بعد ہی یروشلم کو اسرائیلی دارالحکومت بنانے کی کوششیں شروع کردی گئی تھیں لیکن مشرق وسطیٰ میں دوبارہ تشدد بھڑکنے کے خوف سے کوئی امریکی صدراس پر عملدرآمد کیلئے تیار نہیں تھا۔ تاہم ٹرمپ نےاقتدار سنبھالتے ہی پہلے قدم کے طور پر اسرائیل کی سب سے بڑی خواہش کو پورا کردیا ہے۔ یہ فلسطینی اتھارٹی اور عرب ورلڈ کے لئے سب سے تکلیف دہ بات ہے۔ اس کے نتیجے میں ایک بار پھر مشرقی وسطیٰ میں تشدد بھڑکے گا۔ جبکہ ردعمل میں ٹرمپ انتظامیہ کو اسلامی انتہاءپسندی کے خاتمے کے نام پر دہشت گردی کے خلاف نام نہاد جنگ کو مزید طول دینے کا جواز مل جائے گا۔ ذرائع کے مطابق دوسری جانب ٹرمپ انتظامیہ افغانستان میں دوبارہ مزید فوجی بھیجنے کا منصوبہ بنا رہی ہے۔ 2017ءمیں جو سنیاریوبن رہا ہے اس میں ٹرمپ نے بیرونی اہداف کے حوالے سے رزلٹ دکھانے ہیں تاکہ وہ یہودی لابی کے اس فیصلے کو درست ثابت کرسکیں جس کے تحت ان کے صدر بننے میں مدد کی گئی۔ ذرائع کا کہنا ہے کہابتدا میں ٹرمپ کی امریکی سی آئی اے کے ساتھ جو چپقلش پیدا ہوگئی تھی، باس بننے کے بعد اس کا خاتمہ ہوگیا ہے کہاب دونوں کے اہداف مشترکہ اس کے پیچھے اسرائیل لابی ہے۔ اس کے نتیجے میں دنیا بھر میں خفیہ آپریشنز کے لیے سی آئی اے کو نئی امریکی انتظامیہ کی جانب سے مکمل اختیارات اور بھرپور وسائل دینے کا فیصلہ کیا گیا ہے۔

واشنگٹن (سپیشل رپورٹر سے) امریکی صدر ڈونلڈ ٹرمپ نے کہا ہے کہ تشدد کرنے پر یقین رکھتا ہوں ¾ آگ کا مقابلہ آگ سے ہی کیا جا سکتا ہے ¾ میرا کام امریکہ کو محفوظ ملک بنانا ہے ¾ دہشت گرد تنظیم داعش ایسے ایسے کام کررہی ہے جو ہم نے کبھی دیکھے نہ سنے ¾داعش لوگوں کے سر قلم کررہی ہے لیکن ہم ان کے مقابلے میں برابر نہیں ۔یہ بات انھوں نے امریکی ٹی وی چینل اے بی سی نیوز کو انٹرویو دیتے ہوئے کہی۔انھوں نے مزید کہا کہ وہ اپنے سیکرٹری دفاع جیمز میٹس اور ڈائرکٹر سی آئی اے مائیک پوم پی سے بات کریں گے کہ کس طرح وہ قانونی طریقے سے انتہا پسندی کے خلاف جنگ لڑ سکتے ہیں۔صدر ٹرمپ نے کہا کہ مشرق وسطی میں انتہا پسند گروپ لوگوں کے سر قلم کر رہے ہیں لیکن ہم ان کے مقابلے میں برابر نہیں ہیں۔ انھوں نے کہا کہ ان کا کام امریکہ کو محفوظ بنانا ہے۔’وہ انتہا پسند گروپ لوگوں کو گولیاں مار رہے ہیں۔ ہمارے لوگوں کے اور دوسروں کے سر قلم کر رہے ہیں کیونکہ وہ مشرق وسطی میں عیسائی مذہب سے تعلق رکھتے ہیں۔ دہشت گرد تنظیم دولت اسلامیہ ایسے کام کر رہی ہے جو کہ ہم نے آج تک نہیں سنے، تو کیا میں واٹر بورڈنگ پر یقین نہیں رکھ سکتا؟’صدر ٹرمپ نے مزید کہا: ‘ میں نے اپنے خفیہ ادارے کے لوگوں سے بات کی ہے اور ان سے معلوم کیا ہے کہ کیا تشدد سے کوئی فائدہ ہوتا ہے؟ اور انھوں نے کہا کہ بالکل ہوتا ہے۔ میں اپنے لوگوں سے بات کروں گا اور اگر وہ سمجھتے ہیں کے تشدد کرنے سے کوئی فائدہ ہو سکتا ہے تو میں اس سمت میں بالکل جاں گا۔ میں ہر وہ چیز کروں گا جو قانون کا لحاظ کرتی ہو لیکن میں بالکل یقین رکھتا ہوں کے تشدد کرنا کار آمد ہے۔’دوسری جانب سی آئی اے کے سابق سربراہ لیون پنیٹا نے کہا کہ تشدد کا استعمال کرنے ایک بہت بڑی غلطی ہو گی۔بی بی سی سے بات کرتے ہوئے انھوں نے کہا کہ حقیقت یہ ہے کہ ہمیں اب معلومات حاصل کرنے کے لیے تشدد کرنے کے ضرورت نہیں ہے اور ایسا دوبارہ شروع کرنے سے دنیا میں ہمارے بارے تاثر خراب ہو جائے گا۔ امریکی سینیٹ کی آرمڈ سروسز کمیٹی کے سربراہ سینیٹر جان مکین نے کہا ہے کہ صدر ٹرمپ جتنے مرضی حکم ناموں پر دستخط کرتے رہیں، قانون اپنی جگہ موجود ہے اور امریکہ میں تشدد کی واپسی نہیں ہو گی۔ امریکی میڈیاکے مطابق ماضی میں سابق صدر اوباما کے خلاف صدارتی انتخاب لڑنے والے ریپبلکن سینیٹر مکین کا یہ بیان ان اطلاعات کے ردعمل میں آیا ہے جن کے مطابق صدر ٹرمپ تفتتیشی پالیسیوں کے جائزے کے لیے ایک صدارتی حکم جاری کرنے والے ہیں۔ ردعمل میں واشنگٹن سے جاری کیے گئے بیان میں جان مکین نے کہا کہ جون 2015 میں امریکی سینیٹ نے نیشنل ڈیفینس آتھرائزیشن ایکٹ میں ایک ترمیم کی تھی جس میں یقینی بنایا گیا تھا کہ صرف وہی تفتیش کے لیے وہی تکنیک استعمال ہو سکے جس کا ذکر آرمی فیلڈ مینوئل میں ہے اور اس کے نتیجے میں تشدد کی ممانعت کی گئی تھی۔ان کا یہ بھی کہنا ہے کہ امریکی فوج کے فیلڈ مینوئل میں تفتیش کے لیے واٹربورڈنگ اور اس جیسے دیگر پرتشدد حربے استعمال کرنے کی اجازت نہیں اور اس مینوئل میں کسی بھی تبدیلی کے لیے ضروری ہے کہ وہ ترمیم لاگو ہونے سے ایک ماہ قبل عوامی جائزے کے لیے پیش کی جائے۔آرمڈ سروسز کمیٹی کے سربراہ کا یہ بھی کہنا ہے کہ سی آئی اے کے نئے ڈائریکٹر مائیک پومپیو انھیں یقین دلا چکے ہیں کہ وہ آرمی فیلڈ مینوئل کی پاسداری کریں گے کیونکہ وہ سی آئی اے سمیت تمام امریکی ایجنسیوں پر لاگو ہوتا ہے۔جان مکین کے مطابق ان کی کمیٹی کے تحریری سوالات کا جواب دیتے ہوئے امریکی وزیرِ دفاع جیمز میٹس نے بھی کہا ہے کہ وہ ‘امریکی فوج میں تفتیش کے لیے آرمی فیلڈ مینوئل کو واحد معیار کے طور پر استعمال کرنے کے حامی ہیں۔سینیٹر مکین نے اپنے بیان میں امید ظاہر کی ہے کہ یہ رہنما زبان کے پکے ثابت ہوں گے۔ ڈونلڈ ٹرمپ کے نئے احکامات کیخلاف امریکا سمیت پوری دنیا میں احتجاج کا سلسلہ شروع ہوگیا۔ نیویارک میں مسلمان کمیونٹی سمیت ہزاروں افراد جمع ہوئے اور ٹرمپ کے ایگزیکٹو آرڈرز کو شدید تنقید کا نشانہ بنایا۔ ڈونلڈ ٹرمپ اپنے متنازع فیصلوں کی وجہ سے پوری دنیا میں ہیجان برپا کررہے ہیں۔ میکسیکو کی سرحد پر دیوار تعمیر کرنے اور تارکینِ وطن کی جانچ پڑتال کے ڈونلڈ ٹرمپ کے حکم کے چند ہی گھنٹوں کے اندر نیویارک کے واشنگٹن اسکوائر پر ہزاروں لوگ جمع ہوئے اور ڈونلڈ ٹرمپ کیخلاف شدیداحتجاج کیا۔مظاہرین میں مسلم کمیونٹی کے افراد بھی شامل تھے۔ مسلم تنظیموں کے نمائندوں نے مسلمانوں کے خلاف ٹرمپ کے اقدامات کو شدید تنقید کانشانہ بنایا۔ مہاجرین کے حقوق کیلئے کام کرنے والی تنظیموں کا کہنا ہے کہ ٹرمپ اپنی فیصلوں کی وجہ سے جنگ کے راستے پر ہیں۔ ٹرمپ کے فیصلوں سے امریکہ میں مقیم کئی کمیونٹی کو نقصان ہو گا جبکہ میکسیکو میں مقیم غیرملکی تارکین وطن نے فیصلے پر شدید مایوسی کا اظہار کیا اور اپنا سامان باندھنا شروع کر دیا۔ا±دھرمیکسیکو کے سینیٹر نے سرحد پر دیوارتعمیر کرنے کے فیصلے کو بغض پر مبنی قرار دیا اور کہا کہ اب وقت آگیا ہے کہ کھل کر بات کی جائے۔ دیوار کی تعمیر کافیصلہ دشمنی ہے۔ دوسری طرف ڈونلڈٹرمپ کے متنازع فیصلوں پر کیوبا کے صدر راو¿ل کاسترو نے ٹرمپ کو خبردار کیا ہے کہ وہ اپنی حدود میں رہے۔ انہوں نےکیوبا کی خودمختاری پر کسی قسم کے فیصلے کا بھرپور جواب دینے کا اعلان بھی کردیا۔

نیویارک (نیٹ نیوز)ٹرمپ ٹیم نے امریکا میں مسلمانوں کی رجسٹریشن کیلئے سسٹم تجویز کردیاہے،جبکہ سابق امریکی وزیر خارجہ
میڈیلین البرائٹ کا کہناہے کہ اگر ٹرمپ نے مسلمانوں کی رجسٹریشن کی تو مسلم کیمیونٹی سے اظہار یکجہتی کیلئے خود کو مسلمان رجسٹر کرائیں گی۔امریکی میڈیا کے مطابق ٹرمپ ٹیم نے ڈونلڈ ٹرمپ کو تجویز دی ہے کہ امریکا میں موجود مسلمانوں کی رجسٹریشن کیلئے نیشنل سیکیورٹی اینٹری ،ایگزٹ رجسٹرین سسٹم کو دوبارہ بحال کیا جائے۔گیارہ ستمبر حملوں کے بعد اس سسٹم کے تحت مسلمانوں کو رجسٹرڈ کیا گیا تھا،عالمی تنظیموں اور خود مسلمانوں کے احتجاج پر اس پر عمل درآمد روک دیا گیا تھا۔امریکا کی سابق وزیر خارجہ میڈیلین البرائٹ نے اپنے بیان کہا کہ اگر ٹرمپ نے مسلمانوں کی رجسٹریشن کی تو وہ خود کو مسلمان کے طور پر رجسٹر کرائیں گی۔البرائٹ نے ٹوئیٹ میں کہا کہ وہ عیسائیوں کے فرقے کیتھولک میں پرورش پائیں اور بعد وہ اسفقی بن گئیں ،لیکن معلوم ہوا کہ وہ اصل میں یہودی ہیں۔1937 میں پیدا ہونے والی سابق سیکرٹری آف سٹیٹ نے حالیہ امریکی صدارتی انتخابات میں ٹرمپ کی بجائے ہیلری کلنٹن کی حمایت کی تھی۔البرائٹ کا کہنا تھا کہ امریکہ تمام مذاہب اور مختلف پس منظر رکھنے والے افراد کےلیے کھلا رہنا چاہئے ،اگر ٹرمپ نے مسلمانوں کی رجسٹریشن کی تو وہ مسلمانوں سے اظہار یکجہتی کیلئے مسلمان بننے کیلئے تیارہیں۔واضح رہے کہ میڈیلین البرائٹ وہ پہلی بااثر خاتون نہیں ہیں جنہوں نے ٹرمپ حکومت کی جانب سے مسلمانوں کی رجسٹریشن کیلئے نیشنل سیکیورٹی اینٹری ،ایگزٹ رجسٹریشن سسٹم کی مخالفت کی ہے ،ان سے قبل امریکہ کی مشہور و معروف فلمی اداکارہ مایم بیالک نے بھی ایک ٹویٹ کے ذریعے اس قانون کی مخالفت کرتے ہوئے کہا تھا کہ میں ایک یہودی ہوں لیکن میں اپنے آپ کو بطور مسلمان رجسٹر کرانے کے لئے تیار کھڑی ہوں۔

نیویارک(خصوصی رپورٹ)جوہری ہتھیاروں اور ماحولیاتی تبدیلی سے متعلق نئے انریکی صدر کے بیانات کے بعد دنیا زیادہ غیر محفوظ ہو گئی سائنسدانوں کا کہنا ہے کہ تہذیب کی تباہی کا پتہ دینے والی سائنسی علامتی گھڑی مزید تیس سیکنڈ قیامت کے قریب ہو گئی۔ سائنسدانوں کی اس علامتی گھڑی میں 12 بجے کو قیامت کا وقت قرار دیا گیا ہے۔ لڑمپ کی وائٹ ہاﺅس میں آمد اور خطرناک بیانات کے بعد یہ گھڑی مزید تیس سیکنڈ قیامت کے قریب ہو گئی۔ اب اس گھڑی کے مطابق قیامت میں اڑھائی منٹ باقی رہ گئے ہیں۔ اس گھڑی کا ہر سال مختلف عالمی واقعات کے تناظر میں جائزہ لیا جاتا ہے۔ 2015ءمیں یہ گھڑی ٹھوڑا سا قیامت کے قریب ہوئی تھی سائنسدانوں کا کہنا ہے کہ دنیا 1953ءمیں قیامت کے اس قدر قریب ہوئی تھی جتنا اب ہے۔ اس وقت سوویت یونین نے پہلے ہائیڈروجن بم کا تجربہ کیا تھا جس کے بعد دنیا میں جدید اسلحہ کے حصول کی دوڑلک گئی۔نیویارک(خصوصی رپورٹ) زمانہ قیامت کے قریب بڑھتا جا رہا ہے روز قیامت یعنی نظام کائنات ختم ہونے کے قریب پہنچ رہا ہے۔ نصف شب ہونے میں صرف اڑھائی منٹ کا وقت رہ گیا ہے۔ یہ بات سائنسدانوں اور دانشوروںکے ایک پینل نے پیش کوئی کرتے ہوئے کہی ہے۔