نئی دہلی(ویب ڈیسک ) پاکستان پر دہشت گردی اور قتل و غارت گری کا الزام لگانے والا بھارت ماحولیاتی تعلیم کے نام پر بچوں کو قتل کی ترغیب دینے لگا ۔غیر ملکی میڈیا کے مطابق بھارتی تعلیمی اداروں کے نصاب میں بچوں کو جانورمارنے کی ترغیب دی جار ہی ہے ۔بھارتی نصاب میں شامل اوور گرین ورلڈ کتاب میں بچوں کو ہوا کی اہمیت بتانے کیلئے بلی کو مارنے کا سبق پڑھایا جا رہا ہے ۔چوتھی جماعت کے طالب علموں کو پڑھائی جا نے والی کتاب بھارتی درالحکومت کے سینکڑوں سکولز کے علاوہ ریاست پنجاب اور ہریانہ میں گزشتہ سال سے پڑھائی جا رہی ہے۔کتاب میں موجود سبق کے ذریعے ایک تجربہ کروایا جاتا ہے جس کے دو خالی ڈبے استعمال کر کے ایک میں ہوا کیلئے سوراخ بنایا جاتا ہے جبکہ دوسرا ڈبہ ہوا کی آمدروفت سے پاک رکھا جاتا ہے۔ دونوں ڈبوں میں بلی کے دو چھوٹے بچوں کو ڈالا جاتا ہے اور ڈبے پوری طرح بند کر دیے جاتے ہیں۔کچھ دیر بعد دونوں ڈبو ں کو کھول کر دکھایا جاتا ہے مگر مکمل طور پر بند ڈبے میں موجود بلی کا بچہ اس وقت تک مر چکا ہوتا ہے۔
